Мурадил ДАНИЯРОВ, ырчы: “Шоу дүйнөсүнөн өз ордумду таптым”

18 - Августа  2016 | 13 : 123816
Мурадил ДАНИЯРОВ, ырчы: “Шоу дүйнөсүнөн өз ордумду таптым”

Алдына койгон максатына ак эмгеги менен жетип жашаган жигит бардык кызга жагат. Андай мырзага түгөй болуш - ар бир кыздын кыялы. Бүгүн дал ушундай мүнөздөмөгө ээ, ар дайым тынымсыз кыймылда жашаган “Сулуулар кайдан жаралат”, “Бул сүйүү” “Кыз-Жигит” жана башка  чыгармалары менен эл оозуна алынып, жаңы ырчылардын катарын толуктап келе жаткан таланттуу аткаруучу, обончу жана да аккордеончу жигит Мурадил Данияров менен маек курдук.

 

ЫРЧЫ ТУУРАЛУУ КЫСКАЧА
Туулган жылы –  1993-жыл, 22-ноябрь.
Туулган жери – Жалал-Абад областы, Базар-Коргон району, Карача айылы.

Хобиси – ыр жазуу, ырдоо.

Билими – жогорку юридикалык.

Жактырган түсү – боз, ак, кара.
Жактырган тамагы – манты, палоо.
Жактырган суусундугу – анардын ширеси.
Кыздардагы баалаган сапаты – кичи пейилдик, адамгерчилик, ыймандуулук.

Учурда – жеке аткаруучу, ырчы. Бойдок.
 

 

-Адегенде ырчылардын балалыгына көз чаптырмай салтыбызды четтеп өтпөйлү...

-Менин балалыгым туулуп өскөн кичи мекеним Базар-Коргон районунун Карача айылында өттү. Балалык дегенде эле баарынын көз алдына ата-энесинин жанында эркелеп жүрүп, чоңойгон күндөр элестесе керек. Бирок, мен кичинекей кезимде ата энеме эркелебей чоңойдум. Анткени,  үй-бүлөдө эң улуусумун, менден кийин карындашым бар болгондуктан ата-энеме эркелөө мен үчүн ыңгайсыз болчу.  Бирок, тентектик жагым бар эле. Үйгө досторумдун ата-энелери келип, “балаңды кой деп койбойсуңбу?”- деп айта беришет эле. Кийинчерээк окууну бүтүп, эс тарткандан кийин тентектигим калды.

 

-Ырчы болуу балалык тилегиңиз беле,  же талантыңызды эс тартканда байкап, анан ырчылыкка баш койдуңузбу?

-Ырчы болууну бала чагыман бери кыялданып келгем. Бирок, кыялдануу менен эле ырчы боло албайсың. Анткени,  ырчылык үчүн талант да болуусу керек. Мен жаш кезимден тартып,  музыка дүйнөсүндө чоңойдум. Мектепте кандай сынактар, майрамдар болбосун аккордеон менен ырдап калчумун. Анан окууну бүткөндөн кийин шартка байланыштуу ата-энемдин каалоосу боюнча юридикалык окуу жайга тапшырып калдым. Бирок, өнөр деген өнөр экен бир жерде жөн турбай, ырдоого болгон ынтызарлыгым артып, борборго келип Нурзат Токтосунованын “Нур” мектебине барып, ал жерден сабак алып калдым. Ошол жерден анан чыгармачылыкка болгон кызыгуум күч алып, чыгармачылык чөйрөгө баш отум менен киришип кеттим.

 

 

 

-Ыр дүйнөсү сиздин жеке дүйнөңүзгө кандай бурулуш жасай алды?

 

-Чыгармачылык чөйрө мага аябай чоң таасир калтырды. Шоу дүйнөгө келип, ордумду  таптым десем болот. Айтып коёт эмеспи, “өзүңө жаккан жумушту аткарсаң гана ийгилик жаралат” деп. Негизи жан дүйнөм музыканы абдан сүйгөндүктөн уйкудан ойгоноор замат колума аккордеон алып, кубулжута ырдай каламын. Бирок, чыгармачылык деген чоң милдет болгондуктан аны  аткаруу үчүн көп аракеттерди жасап, изденүү менен жоктон барды, бардан санды чыгарсаң гана табылга өзүнөн-өзү пайда болот. Кудайым буюрса, азыркы учурда кыргыз элим күткөн мыкты ырлардын үстүнөн иштеп жатам. Жакынкы күндөрү ага эл өзү күбө болот.

 

 

-“Бул сүйүү” аттуу  чыгарманы кантип ырдап калдыңыз?

 

-Бул чыгарма Акбар Кубанычбековдун калемине таандык. Аталган чыгарманы окуп жүргөн кезимде поэзия кечесинде мугалим эжейим мага жаттап кел деп тапшырма берген. Убакыт деген тез эле өтүп, поэзия кечесине бир күн калды. Эмне кылаарымды билбей,  түнү менен даярданып олтуруп, акыры аягында жүрөккө сиңирип алдым. Ошентип, жүрөккө жеткен ыр болгондуктан өзүм обон чыгарып, азыркы убакта бул чыгарма өз угармандарын таап жаткан учуру.

-Жү­рө­гү­ңүз­дүн ээси барбы?

 

-Азырынча эрте деп ойлойм Азыркы учурда убактымдын баарын чыгармачылыкка жумшап жаткандыктан бош убактым жокко эсе. Баары өз убагында болгону жакшы деп ойлойм.

 

-Клиптериңизге күбө болуп жүрөбүз. Бир клип тартыш үчүн канча каражат сарптайсыз жана аны ким каржылайт?
 

- Чыгармачылыкка аралашканыма аз эле убакыт болгондуктан клиптерге, ыр жаздырганга кеткен каражаттардын баарын ата-энем берип турат. Андан сырткары жакын санаалаш досторум да колдон келген жардамын берип аябайт. Мени ушул даражага алып келген ата-энеме учурдан пайдаланып ыраазычылыгымды билдирип кетким келет. Ар дайым аман болуңуздар, силер бар - менин бактым бар.

Чыгармачылыкта колдоп эле чектелип калбастан кеп-кеңешин берип турган агаларым, эжейлерим абдан көп. Алардын ичинен баса белгилеп кете тургандары -  ырчы, обончу аткаруучу агабыз Мирлан Баеков жана кыргыз элинин сыймыгы болгон алып баруучу, ар тараптан төп келишкен Нурзат Токтосунова эжебиз ар убак колунан келген жардамын берип турат.

-Азыркы учурда теле-радиодон тынымсыз аккордеон менен ырдаганыңызды көрүп жүрөбүз. Аккордеон менен ырдай баштаганыңызга канча убакыт болду?

-Бала кезимен бери аккордеонго абдан кызыгам. Алгач үйрөнүү мен үчүн абдан татаал болду. Бирок, кызыгуумдун натыйжасында аз эле  убакыттын ичинде үйрөнүп кеттим десем болот. Азыркы тапта эстрададан сырткары аккордеон менен той-тамашаларга да барып, элдин кызматын кылуудамын.

Маектешкен: Элиза КАПАРОВА

Досторуң менен бөлүш

Коментарии FACEBOOK:



Тектеш жаңылыктар

Сабыржан Жолдошев, акын жана обончу: «Чыгармачылыгыма кызым себепкер» Сабыржан Жолдошев, акын жана обончу: «Чыгармачылыгыма кызым себепкер»

  Каректе калган туулган жер      Кыргыз обондорунун  ордун толуктаган,ыргактуу , бири-бирине окшобогон  ондогон ыр кайрыктары менен чыгармачылыктын чыйыр жолун баштап, анын ...

19 - Марта  2018 | 10 : 24349
Арзыбек Бедияров, Кыргыз эл артисти: «Обон ордо» оболосо дейм» Арзыбек Бедияров, Кыргыз эл артисти: «Обон ордо» оболосо дейм»

     Кыргыз жыттанып, кыргыз үнүн мукамдуу обондору аркылуу  бул жагы Кытай, тиги жагы Америка, анан Түркия менен Азия жергесине угузуп жаткан, кыргыздын каны-жанына сиңип калган  обологон...

26 - Февраля  2018 | 5 : 32404
Дилкумар Жолдошева, Жалал-Абад областтык Токтосун Тыныбеков атындагы... Дилкумар Жолдошева, Жалал-Абад областтык Токтосун Тыныбеков атындагы...

  Дилкумар айым, адегенде өзүң тууралуу маалымат берсең? Мен 1979-жылы,  6-майда Сузак районунун Октябрь айылында, кызматчынын үй-бүлөсүндө туулганмын. Атам Сабыржан Жолдошев чыгармачыл...

9 - Февраля  2018 | 7 : 51536
“Бүт дүйнөмдү койгум келди, сага арнап, ...” “Бүт дүйнөмдү койгум келди, сага арнап, ...”

    Бүгүнкү каарманыбыз интернет желелеринде өзүнүн айкын чыгармалары-ырлары менен таанылган жердешибиз, Сузак районунун Ачы өрөөнүнүн Шатрак айылында төрөлгөн Назгүл Нышанбаева...

21 - Декабря  2017 | 8 : 71629
”Театрсыз жашоомду элестете албаймын” ”Театрсыз жашоомду элестете албаймын”

    ГАЛИНА КОНУРБАЕВА, Жалал-Абад областтык Барпы атындагы драма театрынын актрисасы: Жалал-Абад областтык Барпы атындагы драма театрында көп кырдуу таланттардын сабында актриса, ырчы...

21 - Декабря  2017 | 8 : 23294
Нурмухаммед киного тартылды Нурмухаммед киного тартылды

         Россиялык башкы телеканалдын “Лучше  всех” программасы аркылуу дүйнө көрүүчүлөрүн таң калтырган  Жалал-Абад шаарынын кичинекей тургуну Нурмухаммед Ташмаматов дагы бир өнөрү...

10 - Ноября  2017 | 6 : 16367
Токтогулдун үй – музейин көрөлү Токтогулдун үй – музейин көрөлү

  Улуу демократ төкмө акын , ойчул  жана композитор Токтогул Сатылгановдун  чыгармачылыгын  барактабаган, баалабаган жан болбосо керек.  Дал ушул кайталангыс улуу инсанга арналып,  Токтогул...

26 - Сентября  2017 | 9 : 18616