Кош бол, Замирбек...

20 - Января  2017 | 12 : 22420
Кош бол, Замирбек...

         Республикабызга белгилүү педагог, илимий чөйрөдө айкын орду бар, мээнеткеч, асыл инсан Раев Замирбек Жолчуевич жакында күтүүсүз авто кырсыктан каза болду. Артында калдайган элин, үй-бүлө, тууган-уругун, эмгек жамаатын кайгыга салып, канчалаган бийик максаттарын таштап, келгис сапарга бет алды... 

 

Замирбек Раев 1962-жылы 1-январда Жаңы-Жол районуна караштуу Авлетим айылында төрөлгөн. Авлетим орто мектебин 1979-жылы аяктап, Кыргыз Мамлекеттик СССРдин 50 жылдыгы атындагы университеттин колдонмо математика факультетине кирип эң мыкты окуу менен аяктаган. Эмгек Жолун Кыргыз Республикасынын Илимдер Академиясында кенже илимий кызматкер болуп иштөө менен баштаган.

1982-1987-жылдары Аксы районунудагы Ильич атындагы орто мектепке информатика мугалими, окуу тарбия иштер боюнча директордун орун басары болуп, андан соң райондук элге билим берүү бөлүмүндө усулчу болуп эмгектенген. Райондун мектептерине алгачкылардан болуп компьютерди жайылткан жана аны окутуп үйрөткөн. Мектептерде компьютердик класстарды ачууда эмгеги чоң болгон.

1993-жылы Жалал-Абад мамлекеттик университетине чакырылып, иштей баштаган. Университетте илимий иштер менен бирге информациялык технологиялар жаатында талыкпай иштеп алгачкылардан болуп информатика илими боюнча кандидаттык жактаган. 1994-1995-жылдары Кыргыз республикасынын илимдер академиясында энергетика жана микроэлектро техника институтунда окумуштуу катчы болуп дайындалып иштеген.

Замирбек Раевдин демилгеси менен ЖАМУнун Аксы педагогикалык факультети Аксыда ачылып, ал жерде директор болуп 2005-жылга чейин эмгектенген. Андан кийин кайрадан Жалал-Абад мамлекеттик университетине келип факультеттин деканы, маалымат технологиялар борборунун директору кызматтарында иштеген. Ал өзүнүн акыл көрөңгөсүн бир эле ЖАМУга эле жумшабастан кошумча иштөө менен Ош гуманитардык университетине жана Ош техникалык университетине да арнаган. Ошондой эл аралык уюмдар менен ондогон долбоорлордун үстүндө иштешип, бир канча ирет чет өлкөлөрдө тажрыйба алмашууларда, командировкаларда болгон. Студенттер үчүн алты усулдук колдонмолору, бир монографиясы жана 30дан ашуун басма иштери жарык көргөн. 

Замирбек Раев кандай гана жерде иштебесин ал өз ишине жоопкерчиликтүү, ак ниет мамиле кылып, таза иштеп келген. Эмгектеги жетишкендиктери үчүн Кыргыз республикасынын билим берүүсүнүн мыктысы, Билим берүү министрлигинин Ардак грамотасы, “ЖАМУнун эмгек сиңирген кызматкери”, жана башка бир топ сыйлыктар менен сыйланууга татыктуу болгон. Эл тарабынан иши жогору бааланып Аксы районунун, Кербен шаарынын, Авлетим айыл аймагынын «Ардактуу атуулу» наамдарына татыктуу болгон. Замирбек Жолчуевич сүйүктүү бир кыз, эки уулдун кастарлаган атасы, сүйүктүү жар, жакшы жолдош  болгон.

Тагдырга айла жок экен, шум ажал арабыздан эрте алып кетти... Жалал-Абад мамлекеттик университетинин жамааты Замирбек Раевдин үй-бүлөсүнө жана жакын туугандарына терең көңүл айтып, аза кайгысын тең бөлүшөбүз. Элесиң дайым биз менен... Кош бол, Замирбек...

 

Усенов Кеңеш,

Алыбаев Курманбек,

Алибаев Атабек,

Зулпукаров Аманкул,

Аширалиев Абдиумаматкадыр,

Абдылдаев Авазбек,

Сооронбаев Манас,

Дооронова Айгүл,

Арынбаев Жаңыбай,

Осмонова Бүзейнеп,

Кадырбаева Дамира,

Калчакеев Кубанычбек,

Сакбаева Зулфия,

Орозбаева Гүлбарчын,

Адышева Азизбү,

Аскарова Айнура,

Турдубаева Баринса,

Жуманалиева Максуда,

Шамиев Жакып,

Үметов Салмоор,

Сыдыков Сабыр,

Тампагаров Куштарбек,

Кадыралиев Ысмаил,

Чолпонкулов Шайырбек,

Козубаев Нурбек, ж.б...

 

 

 

 

 

Досторуң менен бөлүш

Коментарии FACEBOOK:



Тектеш жаңылыктар

Жаңгак фестивалы Арсанбапта Жаңгак фестивалы Арсанбапта

  Акыркы төрт жылдан бери жаңгак фестивалы бир топ ийгиликтерди ачыкка чыгарып жаткан учур. Тактап айтканда, акыркы учурда жаңгак өсүмдүгүнүн сапатын арттыруу, анын мөмөсүн сыртка экспорттоо колго алынып,...

8 - Ноября  2017 | 9 : 1051
УЛУУБРИТАНИЯНЫН ЭЛЧИСИ ЖАЛАЛ-АБАД ШААРЫНЫН  ЖЕТЕКЧИЛИГИ МЕНЕН... УЛУУБРИТАНИЯНЫН ЭЛЧИСИ ЖАЛАЛ-АБАД ШААРЫНЫН ЖЕТЕКЧИЛИГИ МЕНЕН...

  Улуубританиянын Кыргызстандагы элчиси Робин Орд-Смит Жалал-Абад шаарында болуп, шаар жетекчилиги менен эки тараптуу кызматташтыкты өнүктүрүү жана коомчулук байланыштарды арттыруу боюнча баарлашты. Бул...

21 - Августа  2017 | 4 : 46285
Өнөр жай продукциясынын көлөмү артууда Өнөр жай продукциясынын көлөмү артууда

    Быйылкы жылдын жети айынын жыйынтыгы менен Жалал-Абад шаарында өнөр жай продукциясын өндүрүү көлөмү артып, өткөн жылдын ушул мезгилине салыштырмалуу өсүү темпи 114,2 пайызды түздү. Бул тууралуу шаар...

17 - Августа  2017 | 3 : 47271
Жалал-Абадда эгемендик майрамына карата кату даярдыктар жүрүп жатат Жалал-Абадда эгемендик майрамына карата кату даярдыктар жүрүп жатат

    Жалал-Абад шаарында Кыргыз Республикасынын Эгемендик күнүнө карата майрамдык иш-чараларды даярдоо иштери кызуу жүрүп жатат. Бул тууралуу шаар мэриясынан билдиришти. Алынган маалыматка...

16 - Августа  2017 | 3 : 1226
Германияда сот тутуму кандай? Германияда сот тутуму кандай?

  Сот тутумундагы пресс-кызматынын жана массалык маалымат каражаттарынын өкүлдөрү Германияда жана Страссбург шаарында окуу жана таанышуу сапарына барып келишти.  Андагы сапарда маалымат каражаттарынын...

24 - Июля  2017 | 5 : 12379
Кыйноолорго укук коргоо органдары да аракет кылышууда Кыйноолорго укук коргоо органдары да аракет кылышууда

    Жалал-Абад областында кыйноолорго жана башка адамгерчиликсиз же кадыр-баркты басмырлоо боюнча мамиле кылуунун же жазанын түрлөрүн алдын алуу багытында кыйноолого каршы Улуттук борбор (КАУБ)...

22 - Июня  2017 | 10 : 22672
Балдар кайда эс алышат? Балдар кайда эс алышат?

      Мектептер убактылуу каалгасын жапты. Окуучулар болсо, жайкы каникулга таркашты. Айылдык балдар  болсо, эртели кеч ата-энелерине “кол-бут” болуп, чарбалык иштерине жардам беришет, жайлоодо...

8 - Июня  2017 | 11 : 361068