Ыйгарым укуктуу өкүлдүн орун басары Ырысбек Ызабеков коомдук уюмдардын жетекчилерин кабыл алды

28 - Марта  2017 | 10 : 17684
Ыйгарым укуктуу өкүлдүн орун басары Ырысбек Ызабеков коомдук уюмдардын жетекчилерин кабыл алды

 

      Бүгүн, 28-мартта КРнын Өкмөтүнүн Жалал-Абад облусундагы ыйгарым укуктуу өкүлүнүн орун басары Ырысбек Ызабеков Жалал-Абад облусундагы коомдук уюмдардын жетекчилерин иш бөлмөсүндө кабыл алды. Бул туурасында ыйгарым укуктуу өкүлдүн басма сөз катчысы билдирди. Жолугушууга облусттук Согуштун, куралдуу күчтөрдүн, укук коргоо органдарынын жана ооруктагы эмгекчилердин ардагерлер кеңешинин төрагасы Садырбек Качкынбаев, облустук аялдар кеңешинин төрайымы Дамира Алимжанова, “Союз Чернобыль” коомдук бирикмесинин төрагасы Элдияр Исраилов, Баткен коогалаңынын ардагерлер кеңешинин төрагасы Рустам Амиракулов жана облусттук ардагерелер кеңешинин төрагасынын орун басары Сүйөркул Бакиров катышты.

      Жолугушууда облусттук коомдук уюмдардын жетекчилери өз тармактарындагы иштердин жүрүшү жана өздөрүнүн көйгөйлүү маселелери туурасында ачык-айрым маанайда кеңири ой бөлүштү. Облусттук ардагерлер кеңешинин төрагасы Садырбек Качкынбаев облус аймагында 100 миңден ашуун пенсионерлер бар экендигин белгилөө менен алардын пенсияларын индексациялоо маселесине көңүл буруу, Жалал-Абад санаториясында согуштун жана эмгектин ардагерлерине 1 бөлмө ажыратуу зарылдыгын ортого салды. Ал эми облустук  аялдар кеңешинин төрайымы Дамира Алимжанова облус калкынын 51 пайызын аялдар түзөөрүн эске салып, аялдар кеңешинин ишин жандандыруу максатында бир бөлмө ажыратып берүү өтүнүчүн билдирди. Аялдарды 8-март жана “Энелер күнүндө” гана эскербестен аларды коомдук турмушка активдүү катыштыруу сунушун билдирди. Ал эми “Союз Чернобыль” коомдук бирикмесинин төрагасы Элдияр Исраилов Жалал-Абад шаарындагы Жеңиш сейил багында тургузулуучу чернобылчылардын эстелигине каражат жагынан жардам көрсөтүү сунушун айтып кетти. Баткен коогалаңынын ардагерлер кеңешинин төрагасы Рустам Амиракулов Эгемендүү Кыргызстанды сырткы душмандардан коргогон жигиттерге ипотекалык кредиттен жардам көрсөтүлсө деген пикирин ортого салды.

-     Урматтуу коомдук уюмдардын жетекчилери, Сиздер тарабынан айтылган бардык сунуштар биз тараптан сөзсүз эске алынат. Улуу Ата Мекендик согуштун кадырман ардагерлери жыл өткөн сайын улам азайып баратат. Азыр облус аймагында болгону 95 согуштун ардагерлери калды. Аларга ар тараптуу сый-урматтарды жана камкордуктарды көрүү биздин башкы парзыбыз. Облустагы райондордун мамлекеттик администрация башчылары – акимдер менен шаарлардын башчылары болгон мэрлер коомдук уюмдар менен тыгыз байлынашта иш алып баруусу алардын иш-аракеттеринин негизги бөлүгүнө кирет. Облустун аймагындагы санаториялар, алардын менчигинин түрүнө карабастан коомдук уюмдардын өтүнүч талаптарын аткарууга милдеттүү. Силер тарабынан айтылган ой-сунуштарды мен колдоймун жана мындан ары тыгыз байланышта иш алып барабыз деп ишенемин. Кандай гана маселе болбосун мага түз кириңиздер, Сиздер үчүн менин иш бөлмөмдүн эшиги ар дайым ачык,- деди жолугушууну жыйынтыктаган ыйгарым укуктуу өкүлдүн орун басары Ырысбек Ызабеков.

    Жолдошбай Осмонов, Жалал-Абад облусу

Досторуң менен бөлүш

Коментарии FACEBOOK:



Тектеш жаңылыктар

Ич жылыган ийги иштер Ич жылыган ийги иштер

  Кыргыз Өкмөтүнүн  Жалал-Абад  областындагы ыйгарым укуктуу өкүлү Кыянбек Сатыбалдиев Ала-Бука районунун алыскы айыл аймактарында болуп, жергиликтүү калктын үнүн угуп кайтты. Чек арага чектеш...

29 - Мая  2018 | 4 : 29127
Катюша минген жалгыз Кыргызстандыктын ысымы көчөгө неге ыйгарылбайт? Катюша минген жалгыз Кыргызстандыктын ысымы көчөгө неге ыйгарылбайт?

       Улуу Ата Мекендик согушта кан кечип,  согуш деген апаатты баштан кечирип, эл жердин бейпил жашоосу  үчүн өз өмүрүн аябаган, согушта катюша минген жалгыз Кыргызстандык Турду Исмановдун...

4 - Мая  2018 | 5 : 22196
Ааламдашуу доорун артка тарткан агымдар Ааламдашуу доорун артка тарткан агымдар

      Дегеле  жер алкагындагы  бардык мамлекеттерге коркунуч алып келген, анын ичинде  Кыргызстан үчүн да опурталдуу деп эсептелген   экстремисттик  аракеттер  ачык эле жүрүп...

6 - Апреля  2018 | 7 : 47253
Мечит менен мектептин атаандаштыгы күч алдыбы? Мечит менен мектептин атаандаштыгы күч алдыбы?

  Акыркы мезгилде  мектепке караганда мечиттердин көп курулуп, ага мектеп жашындагы балдардын да арбын тартылуусу коомчулуктун көңүлүн өзүнө бурган орчундуу маселеге айланып бараткандай. Башка аймакты...

6 - Апреля  2018 | 8 : 3497
Заманбап бут кийим тиккен өтүкчү Заманбап бут кийим тиккен өтүкчү

  Сузак районунун Ырыс айылынын тургуну Шарабидин Рахимбердиев өз колу менен заманбап жана сапаттуу бут кийимдерди тигип сатып, киреше табууда. Эч кандай техника колдонулбастан кол жумушу менен...

19 - Марта  2018 | 9 : 52205
Рысбек Жабиров, кинорежиссер:  ”Улуттук баалуулуктарга эшик ачтым” Рысбек Жабиров, кинорежиссер: ”Улуттук баалуулуктарга эшик ачтым”

  Азыркы кыргыз кинорежиссерлорунун арасында өз орду бар, таланттуу жана жаңычыл жигит Рысбек Жабиров  буга чейин “Кайып булак”, “Түндүктүк келин”, “Достор”, “ Талак”,...

7 - Марта  2018 | 9 : 44128
Аярлуу катмарлар да пайда келтирүүдө Аярлуу катмарлар да пайда келтирүүдө

Бүгүнкү экономикалык каатчылыкта алты саны аман, ишке толук жарактуу адам гана эмес, табияттын жазмышы менен көзү көрбөй, угуу мүмкүнчүлүгүнөн ажыраган адамдар да кол куушуруп, олтуруп алганы жок. Алар да эч кимден...

26 - Февраля  2018 | 5 : 18210