Балдар кайда эс алышат?

8 - Июня  2017 | 11 : 361530
Балдар кайда эс алышат?

 

    Мектептер убактылуу каалгасын жапты. Окуучулар болсо, жайкы каникулга таркашты. Айылдык балдар  болсо, эртели кеч ата-энелерине “кол-бут” болуп, чарбалык иштерине жардам беришет, жайлоодо болушат. Ал эми шаардык окуучулардын айрымдары эле  элеттеги чоң-ата, чоң эне, туугандарына барып, кыска болсо да эс алышпаса, дээрлик көпчүлүгү кайда бараарын билбей, шаардагы ысык аптаптан оолак болуунун жолун издей башташат. Мындайда аларга  жайкы эс алуу жайлары, лагерлер жардамга келчү эле. Быйыл бул жааттагы абал кандай болду экен?

  Ар жылы  июлдан августтун акырына чейин төрт беш агым менен балдарды эс алдырып жүрчү Сузак районундагы Кара-Алма токоюнун кучагында жайгашкан “Алтын балалык” балдар эс алуу жайынын директору Турдукан Аманованын айтымында ар жылы   каржылык жактан көмөк көрсөтүп келчү Жалал-Абад шаардык мэриясы  бул ирет баш тартты. Анын себеби, жыл башынан бери  шаардын бюджети бекитилбей, анын кесепетинен лагерь үчүн каражат бөлүнбөй жатат.   Андыктан профсоюз тарабынан он  күндүк эс алуу үчүн, ар бир балага  наркы 2500 сомдук жолдомо сатылат. Аны ата-энелер көтөрө алса, балдарды үч агым менен эс алдырууга даярдыктар жүрүп жатат.

  Айта кетели, кезегинде ушул Кара-Алма токоюнун өзүндө эле ондон ашуун балдар лагерлери иштеп турган. Азыркы тапта   Жоомарт Бөкөнбаев атындагы Октябрь балдар үйүнө караган  эс алуу жайы менен  “Алтын балалык” гана туруктуу иштеген болбосо, калгандарынын аты-жыты жок. Дээрлик бардыгы менчиктештирилип, ал эми менчикке алган адам аны каалагандай иштетип жатат. Кээ бирлери балдар үчүн эмес, эртели кеч эс алууга келген чоңдор үчүн кызмат кылат. Демек, балага караганда ар күнү капчыкка тыйын түшүп турганы оң белем?. Түп орду менен жок болгондор канча. Жалал-Абад – Казарман жолунун Үрүм-Баш аймагында жайгашкан “Нур” балдар лагери да быйылкы жылда иштебей калуусу ыктымал. Анткени, аталган жолдо жакында чоң көлөмдө жер көчкү жүргөн. Аны тазалап, жол ачылганы менен дагы да айрым жерлер кооптуу абалда экендиги айтылат. Арстанбап токою да эс алууга ыңгайлуу аймак экендиги эске алынып, кезегинде бул тарапка да бир катар балдар лагерлери салынган. Жайында миңдеген балдар туш-тараптан келип эс алып кайтышчу.  

   КРнын Өкмөтүнүн областтагы ыйгарым укуктуу өкүлү Кыянбек Сатыбалдиев балдардын жайкы эс алуусун уюштуруу жана буга чейин иштеп келген балдардын эс алуучу жайларын даярдоо жагдайында атайын иш-чара бекитип, район-шаарлардын жетекчиликтерине тапшырмаларды берди. Мурдагыдай эле  жыйырмадан ашуун  жай иштеш керек. Бул үчүн азыр камылгалар көрүлүп жатат жана июндун акыркы он күндүгүнөн тартып, балдар кабыл алына баштайт. Белгилей кете турган жагдай, айрым колунда бар инсандар балдардын эртеңин ойлоп, андай жайларды оңдоп түздөө иштерине кол кабыш кылышып, айрымдары өз эсебинен атайын жай да ачып жатышат.  Өзүн эч жерде рекламалабай, элге жарыя кылуудан баш тартып, бирок, балдар үчүн  иш жасап жаткан бир инсан Кара-Алмага  мусулман балдар лагерин ачыптыр. Аты айтып тургандай эс алуу учурунда балдарга мусулманчылыктын жолун үйрөтүп, анан балдарды ыймандуулукка тарбиялоо да башкы орунда экен. Ал лагерге балдарын алып барууну каалагандар көп. Ал эми анын келечеги кандай болот? Аны мезгил көрсөтөт.

Бактыкан АЖЫМАМАТОВА. 

Досторуң менен бөлүш

Коментарии FACEBOOK:



Тектеш жаңылыктар

Ич жылыган ийги иштер Ич жылыган ийги иштер

  Кыргыз Өкмөтүнүн  Жалал-Абад  областындагы ыйгарым укуктуу өкүлү Кыянбек Сатыбалдиев Ала-Бука районунун алыскы айыл аймактарында болуп, жергиликтүү калктын үнүн угуп кайтты. Чек арага чектеш...

29 - Мая  2018 | 4 : 29127
Катюша минген жалгыз Кыргызстандыктын ысымы көчөгө неге ыйгарылбайт? Катюша минген жалгыз Кыргызстандыктын ысымы көчөгө неге ыйгарылбайт?

       Улуу Ата Мекендик согушта кан кечип,  согуш деген апаатты баштан кечирип, эл жердин бейпил жашоосу  үчүн өз өмүрүн аябаган, согушта катюша минген жалгыз Кыргызстандык Турду Исмановдун...

4 - Мая  2018 | 5 : 22196
Ааламдашуу доорун артка тарткан агымдар Ааламдашуу доорун артка тарткан агымдар

      Дегеле  жер алкагындагы  бардык мамлекеттерге коркунуч алып келген, анын ичинде  Кыргызстан үчүн да опурталдуу деп эсептелген   экстремисттик  аракеттер  ачык эле жүрүп...

6 - Апреля  2018 | 7 : 47253
Мечит менен мектептин атаандаштыгы күч алдыбы? Мечит менен мектептин атаандаштыгы күч алдыбы?

  Акыркы мезгилде  мектепке караганда мечиттердин көп курулуп, ага мектеп жашындагы балдардын да арбын тартылуусу коомчулуктун көңүлүн өзүнө бурган орчундуу маселеге айланып бараткандай. Башка аймакты...

6 - Апреля  2018 | 8 : 3497
Заманбап бут кийим тиккен өтүкчү Заманбап бут кийим тиккен өтүкчү

  Сузак районунун Ырыс айылынын тургуну Шарабидин Рахимбердиев өз колу менен заманбап жана сапаттуу бут кийимдерди тигип сатып, киреше табууда. Эч кандай техника колдонулбастан кол жумушу менен...

19 - Марта  2018 | 9 : 52205
Рысбек Жабиров, кинорежиссер:  ”Улуттук баалуулуктарга эшик ачтым” Рысбек Жабиров, кинорежиссер: ”Улуттук баалуулуктарга эшик ачтым”

  Азыркы кыргыз кинорежиссерлорунун арасында өз орду бар, таланттуу жана жаңычыл жигит Рысбек Жабиров  буга чейин “Кайып булак”, “Түндүктүк келин”, “Достор”, “ Талак”,...

7 - Марта  2018 | 9 : 44128
Аярлуу катмарлар да пайда келтирүүдө Аярлуу катмарлар да пайда келтирүүдө

Бүгүнкү экономикалык каатчылыкта алты саны аман, ишке толук жарактуу адам гана эмес, табияттын жазмышы менен көзү көрбөй, угуу мүмкүнчүлүгүнөн ажыраган адамдар да кол куушуруп, олтуруп алганы жок. Алар да эч кимден...

26 - Февраля  2018 | 5 : 18210