"Адам күн сайын руханий жактан өнүгүп-өсүп турушу керек"

27 - Июня  2017 | 11 : 54928

 

Нурбек Шамуратов, Т.Тыныбеков атындагы областтык филармониянын ырчысы: “”

 

Ырчы тууралуу   

 

 

Туулган жери   - Сузак району, Ачы айылы.

Туулган жылы - 1985-жыл, 10-май.

Билими    - атайын орто, Жалал-Абад шаарындагы Барпы Алыкулов атындагы Маданият техникуму.

Кесиби -

Баалаган сапаты-  жөнөкөйлүк, ыймандуулук, намыстуулук

Иштеген жери -   Токтосун Тыныбеков атындагы  областтык филармония.

 

Өнөр адам баласынын сезимин ар бир көз ирмемде алга сүрөп, сезимтал адамдарды чексиз кыялдарга жетелейт. Өнөр жана чыгармачылык болбосо, адамдын колунан чыккан кооздуктардын эч бирин көрө албайт эмеспизби. “Мекен сакчысы”, “Жаңы жыл”, “Ата ким” деген ырларды аткаруучусу, көп кырдуу талант азыркы тапта  Жалал-Абад областтык Токтосун  Тыныбеков атындагы филармониянын   ырчысы Нурбек Шамуратов  “Акыйкат” сайтына өзү тууралуу маалыматы менен  бөлүштү.

 

“Төрт жашымдан  комузду  колго алгамын”

 

 

 

Менин бала чагым   Барпы атабыз жердеген  айтылуу Ачы айылында өткөн.  Кичинекей кезимде эле  комузду черткенди билбесем да, сүдүрөп алып, чертимиш болуп жүрө берчү экенмин. Кийин 5-класста окуп жүргөндө акырындык менен күү черткенди үйрөнүп баштадым. Ошондон тарта чыгармачылыкка болгон кызыгуум башталды.  Мектепте кароо сынактарга, маданий иш-чараларга  катышып, байгелүү орундарга жетишип, мектептин “жылдызына” айландым.

 

Ошентип мектепти ийгиликтүү аяктагандан соң Жалал-Абад шаарындагы Барпы Алыкулов атындагы маданият техникумунун эл аспаптар бөлүмүнө тапшырып, ал жерди артыкчылык диплом менен аяктадым. Аталган окуу жайда окуп жүргөндө областтык Токтосун Тыныбеков атындагы филармониядагы  “Мөлмөл” этнографиялык оркестрына комузчу болуп иштеп да калдым.

 

“Үйдө чыгармачылыкка апам жакын”.

Апамдын инилери, агалары баары эле чыгармачылыкка жакын инсандар.  Тагам Тилек Найманбаев деген учурда борбордо опера балет театрында опералык солист болуп эмгектенет. Атактуу Барпы атабыз ашык болуп ырдаган Мырзайым менин чоң энем болот.  Балким чыгармачылыкка ушул улуу инсандар түрткү болгон чыгаар деп ойлоп калам. Бул чөйрөгө аралашып калгандыктан эми кыргыз маданиятына  аз да болсо салым кошуп, артымда из калтыргым келет. Учурда бүт күчүмдү чыгармачылыкка жумшап жаткан учурум. Жакында эле сөзү Азамат Токоров агабызга таандык, обону Кубанычбек Экашев агабыздыкы болгон  “Ата ким?” деген ырды Рустам Шамшиев экөөбүз ырдап, клибин тартып бүттүк. Эми Кыргызстандагы телеканалдар жана радиолорго тапшыруунун  аракетинде жүрөбүз. “Ата аскалуу тоо, чалкыган деңиз, баарына тегиз”- эмеспи. Бул ырдын сөзү менен обону  бири-бирине төп келип турат. Ал эми клиптин сценарийин Улукбек Боронбаев жана Улукбек Бамырзаев деген жакын досторубуз  чогуу олтуруп кеңешип жаздык. Учурдан пайдаланып аты аталган инсандарга ыраазычылык билдирем. Клиптеги аксакал Рустамдын атасы. Ал эми орто жаштагысы менин атам.

Чыгармачыл чөйрөдө айрым учурларда ашыкча коздонуп алып, өздөрүнүн жүздөрү көрүнбөй калгандар да бар. Эгерде ички дүйнөң жарды болсо, канчалык кычырап кийинип турсаң дагы ал кооз кийим адамды көрктөндүрүп өстүрө албайт. Ошондуктан адам күн сайын руханий жактан өнүгүп-өсүп турушу керек. Бул -дүйнө, бул - өмүр, бул- жашоо баары убактылуу экенин билебиз. Акындар айткандай:

“Адамбыз жаңылабыз оңолобуз,

Турмушта бир бөксөрүп, бир толобуз.

Булутту жаап өткөн чагылгандай,

Дүйнөдө бир жарк этип жок болобуз”-дейт эмеспи, анын сыңарындай  бир келген бул өмүрдө жалаң гана жакшы иштерди аткарганга жаратканыбыз насип этсин дейли.

 

Даярдаган: Элиза КАПАРОВА.

 

Досторуң менен бөлүш

Коментарии FACEBOOK:



Тектеш жаңылыктар

“Бүт дүйнөмдү койгум келди, сага арнап, ...” “Бүт дүйнөмдү койгум келди, сага арнап, ...”

    Бүгүнкү каарманыбыз интернет желелеринде өзүнүн айкын чыгармалары-ырлары менен таанылган жердешибиз, Сузак районунун Ачы өрөөнүнүн Шатрак айылында төрөлгөн Назгүл Нышанбаева...

21 - Декабря  2017 | 8 : 7728
”Театрсыз жашоомду элестете албаймын” ”Театрсыз жашоомду элестете албаймын”

    ГАЛИНА КОНУРБАЕВА, Жалал-Абад областтык Барпы атындагы драма театрынын актрисасы: Жалал-Абад областтык Барпы атындагы драма театрында көп кырдуу таланттардын сабында актриса, ырчы...

21 - Декабря  2017 | 8 : 2333
Нурмухаммед киного тартылды Нурмухаммед киного тартылды

         Россиялык башкы телеканалдын “Лучше  всех” программасы аркылуу дүйнө көрүүчүлөрүн таң калтырган  Жалал-Абад шаарынын кичинекей тургуну Нурмухаммед Ташмаматов дагы бир өнөрү...

10 - Ноября  2017 | 6 : 1669
Токтогулдун үй – музейин көрөлү Токтогулдун үй – музейин көрөлү

  Улуу демократ төкмө акын , ойчул  жана композитор Токтогул Сатылгановдун  чыгармачылыгын  барактабаган, баалабаган жан болбосо керек.  Дал ушул кайталангыс улуу инсанга арналып,  Токтогул...

26 - Сентября  2017 | 9 : 18190
"Клипке тартылуудан сырткары кино багытында да өзүмдү сынай баштадым"

Аты жөнү -  Нурсултан Кудаяров   Туулган жери - Ноокен району, Масы...

29 - Июня  2017 | 13 : 27606
Жубайың сенин  -  башка жан Жубайың сенин - башка жан

Поэзия – Улуу Жаратуучуну издөөнү максат кылгандыктан  ары сырдуу,  ары басып өткөн жолу күүгүм тарткан жана көп тарабы түшүнүксүз купуя кайрык. Мына ошондуктан чыныгы ырдын...

27 - Июня  2017 | 12 : 12795
Чыгармаларымдын көпчүлүк бөлүгү кандайдыр бир таасирден улам жаралат Чыгармаларымдын көпчүлүк бөлүгү кандайдыр бир таасирден улам жаралат

Данияр Эркинбай уулу тууралуу кыскача маалымат   Туулган жери: Ала-Бука району, Ак-Там айылы. Туулган жылы: 1992-жылы 12-ноябрь. Билими: Жалал-Абад...

22 - Июня  2017 | 9 : 53668