Түркияга алданып барган сузактык кыз сексуалдык кулчулукка кабылып, 3 айдан ашык иштеген

7 - Сентября  2017 | 3 : 2249
Түркияга алданып барган сузактык кыз сексуалдык кулчулукка кабылып, 3 айдан ашык иштеген

Сузак районунун тургуну Түркияга алданып барып, сексуалдык кулчулукка кабылып, 3 ай 15 күн иштеп келген. Бул тууралуу Жалал-Абад ОИИБдин өкүлү Ширин Расулов облуста «Адам сатууга каршы 100 күн» акциясынын жүрүшү боюнча өткөн маалымат жыйында билдирди.
Ал 2013-2014-2015-жылдары болгон адам сатуу фактыларын мисалга келтирди.


Анын айтымында, сексуалдык кулчулукка кабылган кыз — Сузак районуна караштуу Орток айылынын 1987-жылы туулган тургуну Т.Н. Ал 2014-жылы Жалал-Абад шаарындагы кафелердин биринде официант болуп иштеп жүргөн. Жумуш күндөрүнүн биринде бейтааныш эки аял кызга Кореяга барып иштөөгө жардам беришерин, маянасы жогору жумуш даяр экенин айтып, аны көндүрүшкөн. Макул болгон кызды аялдар Кореяга эмес, Түркияга учуруп жиберишкен. Ал жерден кызды Алтынай деген аял тосуп алган.
«Түркиядан тосуп алган аял: "сени 10 миң долларга сатып алдым, мага иштеп бересиң" деп айткан. Ал алданып барган жерде сексуалдык кулчулукка кабылып, 3 ай 15 күн иштеген. Иштеген жеринен качып чыгып, элчиликке кайрылып, Кыргызстанга кайтарылган. Бул факты боюнча кылмыш иши козголуп, бирок тергөө убактылуу токтотулган. Алданган кыз аны саткан аялдардын аты-жөнү боюнча маалыматы жок болууда. Экинчиден кулчулукка кабылып иштеген жерин да толук айта алган эмес», - деп билдирди Жалал-Абад ОИИБдин өкүлү.
Анын маалымдоосунда, 2015-жылдын биринчи жарым жылында Ала-Бука районунун Ак-Коргон айылынын тургуну өз уулун Баястан айылынын тургунуна 23 миң сомго сатып жиберген. Бул факты боюнча кылмыш иши козголуп, сотко өткөн.
Анын белгилөөсүндө, акыркы эки жылдан бери адам сатуу фактысы катталган жок.
«Мектептерде, ар кандай жыйындарда түрдүү азгырыктарга азгырылбоого чакырыктар ташталып, түшүндүрүү иштерин жүргүзүп жатабыз. Түшүндүрүүлөрдүн да таасири болду окшойт. Учурда адам сатууга каршы өтүп жаткан маалыматтык кампаниянын да өз таасири бар», - деп кошумчалады ал.
«Адам сатууга каршы 100 күн» акциясы боюнча өткөн маалымат жыйында ыйгарымдуу өкүлдүн орун басары Ырысбек Ызабеков маалыматтык кампнаниянын эстафетасын Баткен облусунан алышканын, акциянын алкагында адам сатууга каршы күрөшүү багытында түрдүү иш-чаралар, жыйындар жүрүп жатканын маалымдады.


Маалыматтык кампания облуста 18-сентябрга чейин уланып, башка облуска берилет. Бул саамалыктын алкагында жогорку окуу жайларда да иш-чаралар өткөрүлөт. Адам сатууга каршы күрөшүү багытында иш жүргүзгөн «Аймира» коомдук фонду да биргеликте иштеп жатат.

Жүмагүл Шайыкова

Досторуң менен бөлүш

Коментарии FACEBOOK:



Тектеш жаңылыктар

Сузак районунда жол кырсыгынан бир адам каза болду Сузак районунда жол кырсыгынан бир адам каза болду

  2017-жылдын 3-декабрында саат 18:30 чамасында Жалал-Абад Казарман жолунун 38 чакырымында, Сузак районунун Курманбек айыл аймагына караштуу Таран-Базар айылынын тургуну, 1976-жылы туулган Д. А ны мамлекеттик...

4 - Декабря  2017 | 6 : 5112
Маңзат сөзсүз уулайт Маңзат сөзсүз уулайт

      Жалал-Абад ОИИБнин милиция кызматкерлери тарабынан өткөн айда баңгизатын мыйзамсыз жүгүртүүгө каршы жүргүзүлгөн ыкчам иш-чаралардын натыйжасында Кара-Көл шаарынын Жээн-Кыштоо...

26 - Октября  2017 | 7 : 2775
Кумарпоздордун курмандыгы болдум Кумарпоздордун курмандыгы болдум

Адам сатуунун курмандыгы болгон каарманым маектешүүгө макул болбой жатып араң көндү. “Аты-жөнүмдү өзгөрт, кай жерден экенимди сураба” деген шарт менен баштан өткөн окуясын баяндоого...

7 - Сентября  2017 | 5 : 29229
Шайлоодо мыйзам бузулса оор жаза күтүлөт Шайлоодо мыйзам бузулса оор жаза күтүлөт

2016-жылдын 11-декабрындагы болуп өткөн Жалал-Абад шаарындагы жергиликтүү кеңештердин депутаттарын шайлоо убагында Кыргыз Республикасынын “Жергиликтүү кеңештердин депутаттарын шайлоо жөнүндөгү” 2011-жылдын...

7 - Сентября  2017 | 5 : 51232
Кылмышты жаап-жашыруу менен жасалган аракеттер алдын алынууда Кылмышты жаап-жашыруу менен жасалган аракеттер алдын алынууда

        Базар-Коргон районунун прокуратурасы тарабынан, Базар-Коргон РИИБнын КККне 167 саны менен катталган материалды карап чыгып, төмөнкүлөр аныкталган.  Базар-Коргон районунун Акман айыл...

28 - Марта  2017 | 2 : 56358
Областтык сотко түшкөн кылмыш иштер Областтык сотко түшкөн кылмыш иштер

  Былтыркы жылы областтын жергиликтүү сотторунда 2074 кылмыш иши түшүп, областтык сотко апелляциялык жана кассациялык даттануу менен 486 кылмыш иштери ачылган. Мындай маалымат областтык...

15 - Февраля  2017 | 3 : 28567
11 жыл мурдагы “кек” 9-класстын окуучусу Шерзад Алимбековдун өлүмү... 11 жыл мурдагы “кек” 9-класстын окуучусу Шерзад Алимбековдун өлүмү...

    Учурда Сузак районуна караштуу Сымкат айылынын А. Тажибаев атындагы орто мектебинин 9-классынын окуучусу Шерзад Алимбековдун өлүмү боюнча түрдүү жоромолдор айтылып жатат. “Акча...

4 - Ноября  2016 | 11 : 41100