Англис тилин үйрөтүүнүн жаңы ыкмалары

8 - Ноября  2017 | 8 : 581442
Англис тилин үйрөтүүнүн жаңы ыкмалары

 

            Германия өлкөсүнүн “Дүйнөгө нан” эл аралык уюму тарабынан колдоого алынып, “Эрайым” аялдар коомдук бирикмеси тарабынан ишке ашырылып жаткан “Салттык жана заманбап усулдарды айкалыштырып колдонуу аркылуу Кыргызстандын түштүгүндө элдердин достугун жана ынтымагын чыңдоо” долбоору боюнча Жалал-Абад областындагы долбоорго кирген мектептерде англис тили ийримин жетектеп жаткан Айсулуу Орозова аталган тилди терендетип, заманбап ыкмалар менен окутуу аракетин күчөтүп жатат.

Бул үчүн эң алдын көргөзмөлүү куралдарды ар бир сабакка жетиштүү колдонууну башкы орунга коюп, изденет жана жаңы ыкмаларды ойлоп табат. Ал өзү эмгектенген Базар-Коргон районундагы Жоомарт Бөкөнбаев атындагы жатак мектебинде балдарга англис тилин үйрөтүүнүн бир канча  жаңы усулдарын иштеп чыгып, ушул мектептеги окуучулар  райондук, областтык  олимпиадаларда ар убак алдыңкы орунга жетишип келе жатышат. А түгүл республикада да  мыкты ийгиликтер  жаралып, бир катар окуучулар Америкага чейин барып жатышат.

Ал эми долбоордун алкагында англис тили ийримин жетектеп, долбоорго кирген Жалал-Абад шаарындагы Алым Усман атындагы мектептеги ийрим мүчөлөрүнүн  тил үйрөнүүлөрүнө кошумча шарт жаратып, Жалал-Абад мамлекеттик университеттин алдындагы “Америка ордосу” борборунан сабак алып турууларына мүмкүнчүлүк түзүп берди. Андагы адистер менен өз ара сүйлөшүлүп жана макулдашылып, атайын графиктин негизинде балдар бул жерге келишип, окуу куралдарын пайдаланышат жана азыркы технологиялардын жардамы менен сүйлөө ыкмаларын үйрөнүшөт. Ошондой эле ал жердеги мугалимдерден да кошумча сабак алып турушат.

-Жол кире каржысы окуучуларды бир аз кыйнап коёт. Же болбосо долбоорго кирген Базар-Коргон районундагы Жоомарт Бөкөнбаев атындагы жатак мектебиндеги, Токтогул жана Колот мектептериндеги ийрим мүчөлөрү да  борборго келип, кошумча сабак алууну каалап жатышат. Бул маселени да караштырып, ыңгайлуу жагын издеп жатабыз - дейт Айсулуу айым.

Мындан сырткары балдарды англис тилинде таза сүйлөөгө каныктыруунун дагы бир ыкмасы Америкадан келген ыктыярчы Николь Стасковски айым  менен биргеликте команда менен иштөө ыкмасында сабак өтүп жатат. Мындай ыкма акыркы кезде кеңири жайылтылып жаткан кез жана окуучулар да аны жакшы кабыл алышат, сабакты тереңдетип  өздөштүрүүгө чоң өбөлгө болот. Ошондой эле 5-класстардын англис тил окуу китебин  мугалимдерге окутуу боюнча да кезек-кезек тренингдерди өтүп жатат. Андай окутуу тренинги Жалал-Абад шаарындагы  кыргыз-түрк балдар лицейинин базасында Кара-Көл, Таш-Көмүр жана Жалал-Абад шаарларындагы англис тил мугалимдери үчүн өтүлдү.

-Андагы негизги максат - англис тилин жаңы ыкма менен окутуунун усулун үйрөтүү. Себеби, мурдагыга караганда 5-класстын англис тили окуу предмети түп тамырынан жаңыланды жана азыркы мезгилдин талабына ылайык жаңы технологиянын жардамы менен окутулат.Эң башкысы англис алфавитин үйрөнгөн соң эле, сүйлөө, маектешүү, аңгемелешүү, текст түзүү ыкмалары окутула баштайт. Мындайча айтканда  программа өтө  тыгыз  түзүлгөн - деп кошумчалайт ал.

Бактыкан Ажымаматова. 

Досторуң менен бөлүш

Коментарии FACEBOOK:



Тектеш жаңылыктар

Аймакка ичүүчү таза суу берилди Аймакка ичүүчү таза суу берилди

    Жалал-Абад шаарынын Чыңгыз Айтматов аймактык башкаруусуна караштуу 120 кожолук тургундар бир апта бою таза суунун жоктугунан кыйынчылык тартып келишкен. “Жалал-Абадсууканал” башкармалыгына...

11 - Мая  2018 | 10 : 4933
IT чөйрөсүндө окууга кабыл алат IT чөйрөсүндө окууга кабыл алат

  Программалык жабдуулар жана Кызматтар Өндүрүүчүлөрүнүн Кыргыз Ассоциациясы жана IT Академиясы өзгөчө муктаждыктары бар жарандарга IT тармагында кыска мөөнөттүк окутуу боюнча жаңы долбоордун ишке...

11 - Мая  2018 | 10 : 5814
Жалал-Абад областында инвестиция тартуу көбөйүүдө Жалал-Абад областында инвестиция тартуу көбөйүүдө

  Жалал-Абад областында ар кайсы тармактарды өнүктүрүү багытында тартылып жаткан инвестицияинын көлөмү улам артып баратат. Быйылкы жылдын биринчи чейрегинде област боюнча 2 миллиард 399 миллион сомдук...

11 - Мая  2018 | 11 : 2316
Кыргыз сомуна 25 жыл Кыргыз сомуна 25 жыл

  1993-жылы 10-майда Кыргызстан КМШ өлкөлөрүнүн арасынан алгачкылардан болуп өзүнүн жеке улуттук валютасын сомду жүгүртүүгө киргизген. Бул күнү баалар, эмгек акылар, стипендиялар пенсиялар, ишкана-мекемелердин...

10 - Мая  2018 | 8 : 326
Базар-Коргондун тургуну 19 жаштагы айылдашын бычактап салды Базар-Коргондун тургуну 19 жаштагы айылдашын бычактап салды

Базар-Коргон районуна караштуу Арстанбап айылынын тургундары өз ара урушуп кетишип, 19 жаштагы И.А. аттуу тургунга 24 жаштагы айылдашы М. уулу Н. бычак уруп жиберген. Анын кесепетинен 19 жаштагы...

8 - Мая  2018 | 4 : 5415
Премьер-министр «Жалал-Абад» аэропортунун жаңы аэровокзалдык... Премьер-министр «Жалал-Абад» аэропортунун жаңы аэровокзалдык...

    Премьер-министр Мухаммедкалый Абылгазиев Жалал-Абад облусуна жасаган иш сапарында «Жалал-Абад» аэропортунун жаңы аэровокзалынын...

8 - Мая  2018 | 5 : 030
Россияга жетээриңиз менен катталыңыз! Россияга жетээриңиз менен катталыңыз!

    Россия Федерациясында быйылкы жылдын 14 – июнунан 15-июлуна чейин футбол боюнча дүйнөлүк чемпионат болуп өтөт. Ага байланыштуу Кыргыз Республикасынын Россияга бара жаткан тургундары миграциялык...

8 - Мая  2018 | 5 : 1113