Нурмухаммед киного тартылды

10 - Ноября  2017 | 6 : 16194
Нурмухаммед киного тартылды

 

       Россиялык башкы телеканалдын “Лучше  всех” программасы аркылуу дүйнө көрүүчүлөрүн таң калтырган  Жалал-Абад шаарынын кичинекей тургуну Нурмухаммед Ташмаматов дагы бир өнөрү менен тааныла турган болду. “Үркүн” тарыхый көркөм тасмасынын чыгармачыл тобу, анын ичинде тасманын продюссери Эрлан Жамгырчиевдин тандоосу менен жети жаштагы жердешибиз “Номер 7” тасмасында таң калыштуу кишинин уулунун ролун аткарды. Фильмдин продюссери Эрлан мырзанын айтымында Нурмухаммед менен интернет аркылуу таанышышкан жана анын  нурун төгүп турган жылдыздуу жүзүнө жана  талантына баа берип, жаштарга арналган комедиялуу көркөм тасмага  тартылууга  чакырган. Ансыз да келечекте   тасма ааламын багындырган  кумири Брюс Ли менен Жеки Чандай актёр болууну самай баштаган кичинекей бала үчүн “асмандан издегени жерден табылгандай” эле  болду. Фильмдин өзөгүн жаш футболчулардын турмушу, алардын жашоосундагы кызыктуу жана күлкүлүү окуялар түзөт.

  • Нурмухаммеддин келечегин азыр эле көрө баштадык, анткени ал өтө зирек, сезгич жана өжөр бала экен. Айткан нерсеңди дароо кабыл алат жана айтканыңдай кылып аткарып жатты. Эң сонун талант. Фильмдин режиссёру Мухтар Атаналиев да тан берип жатты. Буюрса,  алдыда дагы далай иштешебиз. Атасы Асилбек да макулдугун берди, “баланын келечеги үчүн бардык жардамымды, колдоомду көрсөтөм” деди.  Азыркы күндө фильм соңуна чыгып калды, буюрса жаңы жылда элге көрсөтүлө баштайт. Мына ошондо  биздин жаш актёрдун талантына көрүүчүлөр баа бере башташат, - дейт продюссер Эрлан Жамгырчиев.

     Белгилей кетели, тасма дээрлик Бишкек шаарында тартылды. Негизги идея ушул жылдын башында ишке аша баштаган. Ал арада  тасмадагы башкы каармандар үчүн кастинг жарыяланып, аларды тандоо маселеси убакытты алган. Ал эми каржы жагын  чыгармачыл топ өздөрү көтөрүшкөн.

 

Бактыкан АЖЫМАМАТОВА.

Досторуң менен бөлүш

Коментарии FACEBOOK:



Тектеш жаңылыктар

Сабыржан Жолдошев, акын жана обончу: «Чыгармачылыгыма кызым себепкер» Сабыржан Жолдошев, акын жана обончу: «Чыгармачылыгыма кызым себепкер»

  Каректе калган туулган жер      Кыргыз обондорунун  ордун толуктаган,ыргактуу , бири-бирине окшобогон  ондогон ыр кайрыктары менен чыгармачылыктын чыйыр жолун баштап, анын ...

19 - Марта  2018 | 10 : 2471
Арзыбек Бедияров, Кыргыз эл артисти: «Обон ордо» оболосо дейм» Арзыбек Бедияров, Кыргыз эл артисти: «Обон ордо» оболосо дейм»

     Кыргыз жыттанып, кыргыз үнүн мукамдуу обондору аркылуу  бул жагы Кытай, тиги жагы Америка, анан Түркия менен Азия жергесине угузуп жаткан, кыргыздын каны-жанына сиңип калган  обологон...

26 - Февраля  2018 | 5 : 32181
Дилкумар Жолдошева, Жалал-Абад областтык Токтосун Тыныбеков атындагы... Дилкумар Жолдошева, Жалал-Абад областтык Токтосун Тыныбеков атындагы...

  Дилкумар айым, адегенде өзүң тууралуу маалымат берсең? Мен 1979-жылы,  6-майда Сузак районунун Октябрь айылында, кызматчынын үй-бүлөсүндө туулганмын. Атам Сабыржан Жолдошев чыгармачыл...

9 - Февраля  2018 | 7 : 51189
“Бүт дүйнөмдү койгум келди, сага арнап, ...” “Бүт дүйнөмдү койгум келди, сага арнап, ...”

    Бүгүнкү каарманыбыз интернет желелеринде өзүнүн айкын чыгармалары-ырлары менен таанылган жердешибиз, Сузак районунун Ачы өрөөнүнүн Шатрак айылында төрөлгөн Назгүл Нышанбаева...

21 - Декабря  2017 | 8 : 71167
”Театрсыз жашоомду элестете албаймын” ”Театрсыз жашоомду элестете албаймын”

    ГАЛИНА КОНУРБАЕВА, Жалал-Абад областтык Барпы атындагы драма театрынын актрисасы: Жалал-Абад областтык Барпы атындагы драма театрында көп кырдуу таланттардын сабында актриса, ырчы...

21 - Декабря  2017 | 8 : 23144
Токтогулдун үй – музейин көрөлү Токтогулдун үй – музейин көрөлү

  Улуу демократ төкмө акын , ойчул  жана композитор Токтогул Сатылгановдун  чыгармачылыгын  барактабаган, баалабаган жан болбосо керек.  Дал ушул кайталангыс улуу инсанга арналып,  Токтогул...

26 - Сентября  2017 | 9 : 18350
"Клипке тартылуудан сырткары кино багытында да өзүмдү сынай баштадым"

Аты жөнү -  Нурсултан Кудаяров   Туулган жери - Ноокен району, Масы...

29 - Июня  2017 | 13 : 27694