Ирандагы зилзаладан курман болгондордун саны 300дөн ашты

14 - Ноября  2017 | 3 : 883
Ирандагы зилзаладан курман болгондордун саны 300дөн ашты

Ирандын батышында болгон катуу зилзаладан курман болгондор 300дөн ашып, жарадарлардын саны эки жарым миңге жетти. Бул сандар саат сайын көбөйүүдө.

Ирандын соттук-медициналык кызматы 328 адамдын каза тапканын ырастады. Баарынан да Керманшах провинциясындагы Сарпол-э Захаб шаарында өлгөндөрдүн саны көп катталган.

Ирандык гуманитардык уюмдардын биринин маалыматы боюнча, зилзаладан улам 70 миңден ашык киши турак-жайсыз калды. Айрым калктуу конуштарда электр жарыгы өчүп, байланыш жок калган.

Толук кандуу куткаруу иштери дүйшөмбү таң аткандан кийин гана башталган. Ага аскер кызматкерлери дагы катышууда.

Ирандын руханий лидери аятолла Али Хаменеи өлкөдө үч күндүк аза күтүү жарыялады.

7,3 баллга жеткен зилзала Ирак-Иран чек арасына жакын жерде болуп, жердин силкинүүсү Түркияда, Израилде жана Кувейтте дагы сезилген.

Досторуң менен бөлүш

Коментарии FACEBOOK:



Тектеш жаңылыктар

Элчилик Орусияда иштеген жарандарды эмгек келишимин түзүүгө... Элчилик Орусияда иштеген жарандарды эмгек келишимин түзүүгө...

Орусияда иштеген кыргызстандыктар ишке кирген учурунда милдеттүү түрдө эмгек келишимин түзүшү керек. Бул тууралуу Кыргызстандын Орусиядагы элчилиги билдирди. Элчиликтин маалыматы боюнча, кыргыз мигранттары...

17 - Июня  2016 | 15 : 57829