2017-жылы 262 журналист куугунтуктоого кабылган

14 - Декабря  2017 | 4 : 20182
2017-жылы 262 журналист куугунтуктоого кабылган

Журналисттерди коргоо комитети (CJP) шаршембиде 2017-жылы кылмыш куугунтуктоосуна 262 журналист кабылганын жарыялады. Бул рекорддук көрсөткүч болуп эсептелет. Уюмдун маалыматы боюнча куугунтуктоолорго биринчи кезекте саясий окуяларды чагылдырган кабарчылар кабылган.

Журналисттик ишмердүүлүгүнө байланыштуу беш киши Орусия, бир киши Украина, экөө – Казакстан, төртөө – Өзбекстан, он киши Азербайжан жана бирөө Кыргызстандагы түрмөдө отурат. Эң эле көп камоолор Түркияда болгон, 73 журналист темир тор артында.

Уюм Кыргызстанда журналист жана укук коргоочу Азимжан Аскаров абакта отурат деп белгилеген. Ал Базар-Коргондогу 2010-жылдагы кандуу калабаны уюштурган, милиция кызматкерин өлтүргөн деп соттолуп, өмүр бою эркинен ажыратылган. Аскаров айыптоолорду четке каккан. БУУ жана эл аралык башка уюмдар, анын ичинде Human Rights Watch бийликтен аны бошотууну сурап келет.

Казакстанда Журналисттер биримдигинин мурдагы төрагасы Сейтказы Матаев жана анын уулу Асет камалган. Алар мамлекеттик каражатты уурдоого айыпталышкан. 2017-жылы декабрда Сейтказы Матаев эркиндикке чыккан.

Түркмөнстанда 2015-жылы Свобода радиосу менен кызматташкан журналист Сапармаммет Непескулиев тыюу салынган дары каражаттарын сактоого күнөөлөнүп, үч жылга соттолгон. Азыр анын тагдыры белгисиз. Өзбекстанда журналисттер жана укук коргоочулар Бобомурод Абдулаев, Дильмурод Саид, Хаётхан Насреддинов жана Юсуф Рузимурадов түрмөдө отурат.

Журналисттерди коргоо комитети Орусияда "Новая газетанын" штаттан тышкаркы кабарчысы, өзбекстандык Али Феруз менен украин журналисти Роман Сущенко куугунтуктоого кабылганын белгилеген.

Досторуң менен бөлүш

Коментарии FACEBOOK:



Тектеш жаңылыктар

Ич жылыган ийги иштер Ич жылыган ийги иштер

  Кыргыз Өкмөтүнүн  Жалал-Абад  областындагы ыйгарым укуктуу өкүлү Кыянбек Сатыбалдиев Ала-Бука районунун алыскы айыл аймактарында болуп, жергиликтүү калктын үнүн угуп кайтты. Чек арага чектеш...

29 - Мая  2018 | 4 : 29135
Катюша минген жалгыз Кыргызстандыктын ысымы көчөгө неге ыйгарылбайт? Катюша минген жалгыз Кыргызстандыктын ысымы көчөгө неге ыйгарылбайт?

       Улуу Ата Мекендик согушта кан кечип,  согуш деген апаатты баштан кечирип, эл жердин бейпил жашоосу  үчүн өз өмүрүн аябаган, согушта катюша минген жалгыз Кыргызстандык Турду Исмановдун...

4 - Мая  2018 | 5 : 22206
Ааламдашуу доорун артка тарткан агымдар Ааламдашуу доорун артка тарткан агымдар

      Дегеле  жер алкагындагы  бардык мамлекеттерге коркунуч алып келген, анын ичинде  Кыргызстан үчүн да опурталдуу деп эсептелген   экстремисттик  аракеттер  ачык эле жүрүп...

6 - Апреля  2018 | 7 : 47265
Мечит менен мектептин атаандаштыгы күч алдыбы? Мечит менен мектептин атаандаштыгы күч алдыбы?

  Акыркы мезгилде  мектепке караганда мечиттердин көп курулуп, ага мектеп жашындагы балдардын да арбын тартылуусу коомчулуктун көңүлүн өзүнө бурган орчундуу маселеге айланып бараткандай. Башка аймакты...

6 - Апреля  2018 | 8 : 34109
Заманбап бут кийим тиккен өтүкчү Заманбап бут кийим тиккен өтүкчү

  Сузак районунун Ырыс айылынын тургуну Шарабидин Рахимбердиев өз колу менен заманбап жана сапаттуу бут кийимдерди тигип сатып, киреше табууда. Эч кандай техника колдонулбастан кол жумушу менен...

19 - Марта  2018 | 9 : 52217
Рысбек Жабиров, кинорежиссер:  ”Улуттук баалуулуктарга эшик ачтым” Рысбек Жабиров, кинорежиссер: ”Улуттук баалуулуктарга эшик ачтым”

  Азыркы кыргыз кинорежиссерлорунун арасында өз орду бар, таланттуу жана жаңычыл жигит Рысбек Жабиров  буга чейин “Кайып булак”, “Түндүктүк келин”, “Достор”, “ Талак”,...

7 - Марта  2018 | 9 : 44143
Аярлуу катмарлар да пайда келтирүүдө Аярлуу катмарлар да пайда келтирүүдө

Бүгүнкү экономикалык каатчылыкта алты саны аман, ишке толук жарактуу адам гана эмес, табияттын жазмышы менен көзү көрбөй, угуу мүмкүнчүлүгүнөн ажыраган адамдар да кол куушуруп, олтуруп алганы жок. Алар да эч кимден...

26 - Февраля  2018 | 5 : 18224