«Скинхеддер бычактап кетишти»: Сузактык эне уулун өлтүргөн кылмышкерлерди жоопко тартууну суранат

23 - Января  2018 | 11 : 47387
«Скинхеддер бычактап кетишти»: Сузактык эне уулун өлтүргөн кылмышкерлерди жоопко тартууну суранат

 

 Сузак районуна караштуу Сузак айылынын 41 жаштагы тургуну Тахиржан Хамраев Россияда иштеп жүрүп ушул жылдын 12-январында киши колдуу болуп көз жумду. Анын сөөгү Кыргызстанга алынып келинип, 17-январь күнү жерге берилди. Бул тууралуу аймактык кабарчыга маркумдун апасы Хайринса Хамраева билдирди.

61 жаштагы эне уулун өлтүргөн мыкаачыларды жоопко тартуу үчүн Кыргызстандын бийлигинен салым кошууну суранат.

«Уулум Тахиржан өткөн жылдын май айында Россияга жумуш издеп кеткен. Ал Москва облусунун Ногинск шаарында көп кабатуу үйдүн курулушунда иштеп жаткан болчу. "Суукта үйгө эле кел" десем бир абышка кемпирдин үйүндө жашап жатканын, алар жакшы адамдар экенин айтты. Алар уулума жакшы жумуш таап берүүнү убадалашкан экен. Уулум жумушка жаңы эле кирген эле. 12-январь күнү Россияда иштеген уулдарым — Гафуржан жана Тахиржан менен WhatsApp аркылуу сүйлөштүк. Көрсө ал күнү уулум менен акыркы жолу сүйлөшүптүрмүн. Уулум жумуштары менен сыртка чыгып, такыр баштарга (скинхед) жолугуп калыптыр. Алар аны аесуз бычакташыптыр. Анын колунун манжалары менен бет сөөктөрү гана жаракат алган эмес. Баламды өтө мыкаачылык менен өлтүрүшүптүр. Боорукер баламдын эмне жазыгы бар эле? Кайсы күнөөсү үчүн мындай окуяга туш болду билбейм. Уулум каза болгон жерде бир ай мурун эки кыргыз жигит ур-токмокко алынып, жан беришкен экен. Учурда баламдын өлүмү боюнча Россиянын полициясы иштеп жатыптыр. Биздин бийлик өкүлдөрүнөн бул окуяны көзөмөлгө алуусун суранам.

Уулумдун артында 4 баласы калды. Балдарынын улуусу 18 жашта болсо, кичүүсү болону 18 айлык. Неберелерим атасыз калышты. Кылмышкерлердин колунан бир эмес эки уулум көз жумду. 7 неберем жетим калды», - деди ал.

Тахиржан Хамраевдин (ортодо) үлпөт тоюу

  

 Т.Хамраевдин бир тууган иниси Гафуржандын айтымында, 12-январь күнү байкеси экөө жолугуп, ал анын телефону менен интернет аркылуу жакындары менен сүйлөшкөн. Ага-ини сүйлөшүп отуруп, андан кийин Гафуржан жумушуна кеткен. Ошол күнү кечинде байкесинин каза болгону тууралуу кабар келип, анын өлүмүнө шектүү катары сурак берген.

«Аталган күнү мага бир шайман керек болуп агама бардым. Экөөбүз сүйлөшүп отуруп, интернет аркылуу туугандарыбыз менен баарлаштык. Агам "мен жашаган үйдүн ээсинин дачасын иретке келтиргенге жардам берип кой" деди. Мен саат 16:00-17:00 чамасында бошоп келе турганымды айтып, жумушка кеттим. Айтылган убакта мен иштеген жерге жүк келип, бошобой калдым. Агам байланышканда жагдайды түшүндүрүп, алган шайманды эртеси алып бара турганымды айттым. Байкем менен саат 16:40та сүйлөшкөнбүз. Саат 17:40 чамасында мага бирөөлөр телефон чалып, агам бычакталып ооруканада жатканын билдиришти. Агам акыркы жолу мага телефон чалгандыктан милиция алгач кылмышка шектүү катары мени кармашты. Бир сааттай сурак берип чыктым. Экөөбүздүн сүйлөшкөнүбүз жана бир тууган экенибиз такталган соң мени кое беришти. Бир тууганымды бычактаган кылмышкерлердин жоопко тартылышына көзүм жетпей турат. Анткени аны Ногинск шаарында өлтүрүшсө, тергөө Черноголовка шаарында өттү. Сөөк Старая Купавнадагы өлүкканага жиберилген. Окуяга күбө болгондор агамды такыр баштар (скинхед) бычактап кеткенин айтышыптыр. Биз аба майданына келгенде тергөөчүлөр кылмышка шектүү кармалганын билдирип, телефон номурумду алып калышкан. Азырынча биз менен байланышыша элек», - деди ал.

Атлаган үй-бүлө укук коргоо органдарынан жана бийликтен кылмышка шектүүлөрдү жоопко тартууга жардам берүүнү өтүнөт. Эки уулу тең кылмышкерлердин колунан каза болгонун айткан Хайринса Хамраева 7 жыл мурун көз жумган уулун өлтүргөндөр кармала электигин белгиледи.

«2011-жылы 1978-жылы туулган уулум Илхомжанды белгисиз адамдар атып кетишкен. Алгач алар эскертүү катары уулумдун Сузак айылындагы үйүн өрттөшкөн. Кылмышкерлер эл аралык издөөдө жүрөт. Кыргызстанда оокат кылгыла дейин десем жумуш жок. Устачылык менен алектенип, нан таап жаткан уулум биздин айылда өзүнчө жашачу. Ал 3-4 баланы бириктирип алып устачылык кылчу. Анын иштегенин көрө албагандар коркутуп, акча талап кылышкан. Алардын талабын аткарбай койгондон кийин үйүнө өрт коюшту, андан кийин атып кетишти. Илхомду өлтүргөндөр Санпа окуясына (Санпа пахта иштетүүчү заводдун жанында миңге чукул адам чогулуп, жолдо өткөн унааларга куралчан кол салышкан) күнөөлүү деп табылып, эл аралык издөөдө жүргөндөр экени аныкталган. Арадан 7 жыл өтсө да уулумду өлтүргөндөр жазага тартыла элек», - деди Хайринса Хамраева.

Ж. Шайыкова

 

Редакциядан: сурөттөрү turmush.kg сайтынан алынды.

Досторуң менен бөлүш

Коментарии FACEBOOK:



Тектеш жаңылыктар

Жаш жарандардын келечеги үчүн Жаш жарандардын келечеги үчүн

   Он жети миң калкы бар Кочкор-Ата шаарында  социалдык буйрутмалар ишке ашырылганы турат. Тактап айтканда, шаардагы 12-18 жаштагы 2000 ге чукул  балдардын бош убактысын туура пайдалануусу,...

27 - Июня  2018 | 9 : 5268
АЙМАКТАРГА МИГРАЦИЯ КЫЗМАТЫ КЕРЕК АЙМАКТАРГА МИГРАЦИЯ КЫЗМАТЫ КЕРЕК

  Эми Жалал-Абад шаарындагы бардык мекеме-ишканаларда, коомдук бирикмелерде, маалыматтар кату кызматтарында адам сатууга каршы ар кандай расмий, коомдук иш-чаралар күчөтүлөт. Ал эми аймактарда мурда болуп...

21 - Июня  2018 | 6 : 3100
Сандарыгер жетишпейт Сандарыгер жетишпейт

            Жалал-Абад шаардык оорулардын алдын алуу жана санитардык көзөмөл борборунун маалыматына караганда шаарда 900 обьект, областын аймагында 4000 миңден ашык обьект  жылына бир жолу...

21 - Июня  2018 | 6 : 771
Ыкчам медициналык жардам бөлүмү ишке берилет Ыкчам медициналык жардам бөлүмү ишке берилет

    Кыргызстанда алгачкы жолу  Жалал-Абад областтык клиникалык ооруканасынын базасында  ыкчам медициналык жардам бөлүмү ишке берилет.  Бейтаптарды чукул кабыл алып, андан ары тиешелүү...

21 - Июня  2018 | 6 : 1473
Азык-түлүк коркунучун алдын ал! Азык-түлүк коркунучун алдын ал!

  Азыркы учурдагы 5 мамлекеттен турган (Россия, Белорусия, Казакстан, Армения жана Кыргызстан) Евроазиялык экономикалык Бажы союзунун курамына кирип,  калкты коопсуз тамак-аш жана башка товарлар менен...

21 - Июня  2018 | 6 : 1976
ОИИБнин өздүк курамы ыктыярдуу кан тапшырууда ОИИБнин өздүк курамы ыктыярдуу кан тапшырууда

  Областтык кан борборунун кызматкерлери жана Улуттук Кызыл Ай Коому, ИИМдин Жалал-Абаддагы медицина кызматы менен биргеликте Жалал-Абад ОИИБнин өздүк курамына барып жолугушуп, жеринде ыктыярдуу...

21 - Июня  2018 | 6 : 2586
ЖАЛАЛ-АБАД ШААРЫНЫН БЮДЖЕТИ КАНДАЙ САРПТАЛДЫ? ЖАЛАЛ-АБАД ШААРЫНЫН БЮДЖЕТИ КАНДАЙ САРПТАЛДЫ?

  Жалал-Абад шаарынын мэри Бишкектеги Жылуулук электр борборунун чатагы менен арызын жазып, кызматынан кетти. Ал эми Жалал-Абад шаарынын депутаттары 2016-2017-жылда шаар бюджетинин кандай иштетилгени тууралуу...

29 - Мая  2018 | 5 : 55160