Аймак жанылыктары

9 - Февраля  2018 | 7 : 47319
Аймак жанылыктары

 

НООКЕН.  Масы кыштагындагы үйлөрдүн бирине “электриктин” атынан келип,  бир миллион сомдой акчалуу сейфти уурдаган эки адам Бишкектен кармалды. ОИИБдин басма сөз кызматы  алар адам өлтүргөндүгү үчүн соттолгон Ноокен районунун жана Ысык-Көл областынын тургундары экендигин билдирди. Экөө тең эч жерде иштебейт. Алар карактаган акчага жеңил автоунаа сатып алышкан. Окуяга КЖКнын 168-беренеси (Каракчылык) менен кылмыш иши козголгон.  Бишкек—Ош унаа жолунун четиндеги талаадан жабырлануучунун темир кутусу  ачылган абалда табылган.

  

КАРА-КӨЛ.  Алыскы айылдардан келип,  билим алган окуучулар үчүн акысыз автобус каттоодо. Билим берүү бөлүмүнүн башчысы А.Мырзалиева айткандай, буга чейин ал окуучулар шаардагы туугандарыныкында жүрүп,  же батирде жашап,  окушчу.«Көк-Бел жана Чоң-Таш айылдарында жашаган окуучулар үйлөрүнө ата-энелеринин жардамы менен көчүрүлүп кетти. Акысыз автобус 25-январдан тартып, эртең менен жана түштө балдарды ташууда. Мындан ары окуучулар  кошумча сабактар менен ийримдерге да жол кире төлөбөй автобус менен келе башташат.

 

МАЙЛУУ-СУУ.  Мэрия кабарлагандай мүмкүнчүлүгү чектелген 12 үй-бүлө муниципалдык үйлөргө жайгаштырылды. Алардын турак жайга болгон муктаждыгы канааттандырылды.  

Алардын арасынан жети үй-бүлөгө көп кабаттуу үйлөрдөн  батир ажыратылды. Турак жайга муктаж болуп кезекте турган беш кожолукка муниципалдык жатаканалардан орун берилди.«КРнын Турак жай кодексине ылайык колдоого муктаж кожолуктар 1-2 бөлмөлүү болгон үйлөргө жайгаштырылды», - деп билдиришти  мэриядан.

 

АКСЫ. Райондун  тургунун шахтада таш басты. ӨКМдин басма сөз кызматы кабарлагандай окуя  31-январда,  Кара-Тыт айылында  көмүр казуу үчүн ачылган шахтада болду. Таштын алдында калган жаран — Жолборсту айылынын 1992-жылы туулган тургуну М.Ч. экени такталды. Издөө-куткаруу ишине  ошол эле күнү  ӨКМдин №6 - мобилдик тоо-кен кырсыктарынан куткаруу взводунан он эки куткаруучу жөнөтүлдү. Алар  маркумдун жансыз денесин таап чыгып, милиция кызматкерлерине өткөрүп берген.

 

ЧАТКАЛ.  Шамалдан жабыркаган  райондогу төрт  үй-бүлөгө 50 миң сомдон акчалай жардам берилди. Бул тууралуу  Чаткал райондук администрациясынан билдиришти. Билдирүүгө караганда буга чейин  ал үй-бүлөлөр өздөрүнүн  турак жайларын келишимдин негизинде мамлекеттик камсыздандыруу уюмуна каттаткан.  Мамлекеттик камсыздандыруу мекемеси айыл-кыштактагылар бир жылга турак-жайларын 600 сомго камсыздандырса, кокус кырсык болсо, аларга 500 миң сомдон төлөнөөрүн жарыялоодо.

 

АЛА-БУКА. Кыргыз-өзбек мамлекеттик чек арасында октон жараат алып, Намангандагы ооруканада дарыланган район тургуну 31-январда кайтып келди. Анын бутуна 27-январда чек арада ок тийген. Чек ара кызматынын басма сөз кызматынын билдиришинче «Достук – унаа жолу» көзөмөл өткөрүү пунктуна аны  туугандары, Өкмөттүн Оштогу өкүлчүлүгүнүн, УКМКнын, ИИМдин аймактагы бөлүмдөрүнүн өкүлдөрү менен дарыгерлер тосуп алган. А.У. медициналык текшерүүдөн өтүү үчүн дарооо ооруканага жеткирилген. Туугандарынын макулдугу боюнча эми  Бишкек шаарында дарыланат. Учурда анын абалы канааттандырарлык.

Ырысбай Абдраимов.

 

 

Досторуң менен бөлүш

Коментарии FACEBOOK:



Тектеш жаңылыктар

Аймак жаңылыктары Аймак жаңылыктары

Аксы. Кайнене келинди өлтүрүп, мурда кыз жигит катары сүйлөшкөн кызын да өлтүрүүгө аракет жасаган 30 жаштагы Авлетим айыл аймагынын жашоочусу Б. Т ны райондук сот өмүр боюу эркинен ажыратты.   Эске...

28 - Марта  2018 | 4 : 54137
Аймак жаңылыктары Аймак жаңылыктары

  Сузак. Кызыл-Туу айыл аймагынын Таштак айылындагы О. Муратов мектебинде акыркы он жылдан бери балдарга 3 нөөмөттө сабак берилип келет. Ата-энелердин жардамы менен ашар ыкмасында 9 класстык...

7 - Марта  2018 | 10 : 1130
Аймак жаңылыктары Аймак жаңылыктары

  ЖАЛАЛ-АБАД. Шаардык казынадан берилген акчалай сыйлыкка  2 спортчу жаңы конуштуу болушту. Областтык спорт, дене-тарбия жана жаштар комитети кабарлагандай грек – рим күрөшү боюнча дүйнө...

16 - Февраля  2018 | 10 : 40144
Аймак жаңылыктары Аймак жаңылыктары

  ЖАЛАЛ-АБАД.. Шаарда Чүй, Баткен, Жалал-Абад, Ош областтарынын окуучулары үчүн «менин кирешелүү чарбам» аттуу семинар болуп өттү. Аны балдарды эмгекке үйрөтүү максатында Жалал-Абад айылдык...

23 - Января  2018 | 11 : 54132
Аймак жаңылыктары Аймак жаңылыктары

  ЖАЛАЛ-АБАД. Шаарда болгон  жыйында бир топ маселелер  козголду. Мэриянын маалыматтык борбору билдиргендей көчөлөрдү кеңейтүү, мектептерди жана балдар бакчаларын куруу, мугалимдерди социалдык жактан...

23 - Января  2018 | 11 : 56151
Батир кезегин зарыга күткөн төрт эм төрөгөн чаткалдык эне Батир кезегин зарыга күткөн төрт эм төрөгөн чаткалдык эне

         2013-жылдын 30-декабрында борбор калаабыз Бишкектин № 4 төрөт үйүндө төрт эм көз жарып, төрт наристелүү болгон Абдрыхмановдордун үй бүлөсү гана эмес, бүтүндөй республикабыздын калкы кубанган...

16 - Января  2017 | 5 : 451579
Чаткалда маданиятка тиешелүү бир топ маселелер талкууланды Чаткалда маданиятка тиешелүү бир топ маселелер талкууланды

  Январь  айынын он экисинде Чаткал районунун борбору Каныш-Кыя айылында Ч. Айтматов атындагы райондук маданият үйүндө райондук маданият бөлүмүнүн жылдык отурум болду. Отурумга райондук мамлекеттик...

16 - Января  2017 | 5 : 491583