Аймак жаңылыктары

16 - Февраля  2018 | 10 : 40265
Аймак жаңылыктары

 

ЖАЛАЛ-АБАД. Шаардык казынадан берилген акчалай сыйлыкка  2 спортчу жаңы конуштуу болушту. Областтык спорт, дене-тарбия жана жаштар комитети кабарлагандай грек – рим күрөшү боюнча дүйнө чемпиону Калы Сулайманов жана коло медалдын ээси Эсен Асановдун ар бирине жергиликтүү бюджеттен бир миллион сомдон ашуун акчалай сыйлык берилген. Балбандар ал акчаларга шаардын З. Жамашев көчөсүндө курулуп жаткан жаңы үлгүдөгү, заманбап үйдөн батир сатып алышты.

 

СУЗАК. ИИМдин басма сөз кызматы  райондон  «Хизб ут-Тахрир аль-Ислами» диний экстремисттик уюмунун активдүү төрт  мүчөсү кармалганын жарыя кылды. Таратылган маалыматка караганда 39 жаштагы  И.Л., 41 жаштагы К.У., 55 жаштагы Д.Ш. жана 45 жаштагы К.У. колго түштү. Алардын жашаган жерин тинтүү учурунда диний экстремисттик уюмдун материалдары табылды.

Ал материалдар боюнча экспертиза дайындалып, кошумча тергөө иш-чаралары жүргүзүлүүдө.

БАЗАР-КОРГОН. Ушу район баштаган областтын бир катар аймактарында коомдук он сегиз фонд түзүлдү. Алар областтын жайыт пайдалануучуларын насыя түрүндө үрөн менен камсыздашмакчы. Жайыт пайдалануучулар үрөн акысын күзүндө кайтарышат.  Айыл өкмөттөрдүн жайыт комитеттеринин башчылары аталган фонддордун лидерлери менен жолугушуп, уюштуруу маселеси боюнча талкуу өткөрүштү. Коомдук фонддордо  20 гектарган  сугат жер болот. Алардын ар бири баштапкы капитал катары 4000 кг сапаттуу арпа үрөндү  жана ошончо эле салмактагы жер семирткичти кайтарымсыз алышат.

 

 

ТОКТОГУЛ. Кетмен-Дөбө, Чолпон-Ата айыл аймактарында элдик жыйын болду. Анда эки айыл өкмөт башчы менен участкалык милиционерлер былтыр аткарган иши тууралуу айтып  беришти. Райондук администрациядан билдиришкендей айыл эли таза суу, сугат суу жана жайытты пайдалануу тууралуу маселени козгошту. Өткөн жылы дем берүүчү гранттын эсебинен Чоң-Арык айылында суу түтүктөрү оңдолгон.

 

АКСЫ. Аймакта узундугу жети жарым чакырымдык  ирригациялык канал курулууда. Курулушка 800 миллион сом жумшалмакчы. Канал ишке кирсе, Кербен шаарчасынын айланасы, Кашка-Суу кыштагы жана Сары-Жайык тилкеси, тагыраагы 4000 гектар аянт  суу менен камсыз болот. Азыр жумушчулар узундугу 223 метр,  кеңдиги 2,5 метр, бийиктиги 3 метр өткөөл курууга киришти. Акыркы жумага чейин  135 миллион сомдук жумуш аткарылды.

АЛА-БУКА. Өрүктү айылында «Алихан» спорт комплекси салтанаттуу ачылып, пайдаланууга берилди. Андан улам  айылдын жашоочулары, жаштары үчүн грек-рим күрөшү, бокс, таэквондо жана футбол менен үзгүлтүксүз машыгууга жакшы шарт түзүлдү.

Спорт комплекс ЖКнын депутаты И. Пирматовдун колдоосу менен курулган. Сметалык баасы 16,4 млн сомго жеткени тууралуу кабар келди.

 

Ырысбай Абдраимов

Досторуң менен бөлүш

Коментарии FACEBOOK:



Тектеш жаңылыктар

Аймак жаңылыктары Аймак жаңылыктары

Аксы. Кайнене келинди өлтүрүп, мурда кыз жигит катары сүйлөшкөн кызын да өлтүрүүгө аракет жасаган 30 жаштагы Авлетим айыл аймагынын жашоочусу Б. Т ны райондук сот өмүр боюу эркинен ажыратты.   Эске...

28 - Марта  2018 | 4 : 54282
Аймак жаңылыктары Аймак жаңылыктары

  Сузак. Кызыл-Туу айыл аймагынын Таштак айылындагы О. Муратов мектебинде акыркы он жылдан бери балдарга 3 нөөмөттө сабак берилип келет. Ата-энелердин жардамы менен ашар ыкмасында 9 класстык...

7 - Марта  2018 | 10 : 1275
Аймак жанылыктары Аймак жанылыктары

  НООКЕН.  Масы кыштагындагы үйлөрдүн бирине “электриктин” атынан келип,  бир миллион сомдой акчалуу сейфти уурдаган эки адам Бишкектен кармалды. ОИИБдин басма сөз кызматы  алар адам...

9 - Февраля  2018 | 7 : 47476
Аймак жаңылыктары Аймак жаңылыктары

  ЖАЛАЛ-АБАД.. Шаарда Чүй, Баткен, Жалал-Абад, Ош областтарынын окуучулары үчүн «менин кирешелүү чарбам» аттуу семинар болуп өттү. Аны балдарды эмгекке үйрөтүү максатында Жалал-Абад айылдык...

23 - Января  2018 | 11 : 54260
Аймак жаңылыктары Аймак жаңылыктары

  ЖАЛАЛ-АБАД. Шаарда болгон  жыйында бир топ маселелер  козголду. Мэриянын маалыматтык борбору билдиргендей көчөлөрдү кеңейтүү, мектептерди жана балдар бакчаларын куруу, мугалимдерди социалдык жактан...

23 - Января  2018 | 11 : 56271
Батир кезегин зарыга күткөн төрт эм төрөгөн чаткалдык эне Батир кезегин зарыга күткөн төрт эм төрөгөн чаткалдык эне

         2013-жылдын 30-декабрында борбор калаабыз Бишкектин № 4 төрөт үйүндө төрт эм көз жарып, төрт наристелүү болгон Абдрыхмановдордун үй бүлөсү гана эмес, бүтүндөй республикабыздын калкы кубанган...

16 - Января  2017 | 5 : 451723
Чаткалда маданиятка тиешелүү бир топ маселелер талкууланды Чаткалда маданиятка тиешелүү бир топ маселелер талкууланды

  Январь  айынын он экисинде Чаткал районунун борбору Каныш-Кыя айылында Ч. Айтматов атындагы райондук маданият үйүндө райондук маданият бөлүмүнүн жылдык отурум болду. Отурумга райондук мамлекеттик...

16 - Января  2017 | 5 : 491764