Аярлуу катмарлар да пайда келтирүүдө

26 - Февраля  2018 | 5 : 18166
Аярлуу катмарлар да пайда келтирүүдө

Бүгүнкү экономикалык каатчылыкта алты саны аман, ишке толук жарактуу адам гана эмес, табияттын жазмышы менен көзү көрбөй, угуу мүмкүнчүлүгүнөн ажыраган адамдар да кол куушуруп, олтуруп алганы жок. Алар да эч кимден үмүт этпей, жардам күтпөй, жашоо үчүн аракет кылып, иштеп, үй-бүлөсү менен өздөрүн багып,  коомго чоң  пайда келтирип жатат. Макалабыздын каармандары  мына ошолор тууралуу болмокчу.  

  Албетте, азыркы турмушта алты саны аман туруп,  жашоонун түйшүгүнө нааразы болгон адамдар көп чыгат. Бирок,  ошол эле кезекте, ден-соолугунун мүмкүнчүлүгү чектелгенине карабастан, башкаларга үлгү болуучу инсандарыбыз  аз  эмес.  Бул сөзүбүзгө  Жалал-Абад шаарындагы  көзү азиздер жана дүлөйлөр коомунун мүчөлөрү күбө боло алат.  Коомго таандык окуу-өндүрүштүк ишканадан  жууркан-төшөктөрдү тиккен көзү азиздерди көрөсүң.  Ошол эле ишкананын бир бөлүгүндө угуусу начар адамдар эмерек, буюмдарды  жасашат. Мүмкүнчүлүктөрү чектелгенине карабастан бирөөлөргө же өкмөткө өлүмтүгүн артпай, өз  жанын өздөрү багат. Бул өзгөчө адамдардын жашоо шарты жана жасаган эмгектери тууралуу кеп кылуу бир эсе сыймыктуу. Анткени, алар  быйылкы аймактарды өнүктүрүү жылында да өндүрүмдүү иштеп, тиешелүү салыктарды төлөп, өлкөбүздүн экономикасына салым кошум жатышат.  Өндүрүштүк бирикменин кызматкерлери тарабынан жасалган буюм – тайымдар өзгөчө көрктүү.  

Ишканага  кирип барганда ар бир жумушчу өз жумушун дыкаттык менен жасап жатканына көңүл  бурулат. Кызматкерлердин бири  Райхан Усманова Жалал-Абад областынын  Базар-Коргон районунда төрөлгөн. Тубаса көзү азиз болгондуктан Жалал-Абад калаасына келип, атайын окуу жайда билим алып, кийин көзү азиздер жана дүлөйлөр коомуна мүчө болгон. 33  жылдан бери тигүүчү болуп иштейт.  Эки уул,  бир кызы бар.   Көп жылдан бери бир ишканада эмгектенгендиктен, көзү көрбөсө да,  колу көнгөн, туюу сезими аркылуу төшөнчүлөрдү мыкты тиккен, дасыккан чебер.

  • Мага тигүүчүлүктү  эжем үйрөткөн. Күнүнө 4-5 төшөк тигебиз. Көрбөгөнүм үчүн атайын гүл -трафареттерди төшөктүн үстүнө коюп тигебиз. Ар бир жуурканды көзөмөлдөөчү текшерип турат - дейт Райхан Усманова.

Ушул убакта Жалал-Абад окуу - өндүрүштүк ишканасында 42 адам иштейт. Аталган ишканада жууркан-төшөк, жаздык матрастар  жана брезент кол каптары, медициналык халаттар, ооруканаларга керектелүүчү  керебет,  мектеп окуучулары үчүн парта,  стол-стулдарга чейин жасалат. Негизи мыйзамга ылайык бул ишканага мамлекеттик мекемелер буйрутма берүүгө милдеттүү. Бирок,  акыркы жылдары өндүрүштүк ишкана өндүргөн товарларга караганда  башка жактан келген буюмдар  арзан болгондуктан мекеме ишканалар буйрутманы аз бере баштаган. Баалары мүмкүнчүлүгү чектелген адамдар тиккен үчүн кымбат, бирок ошого жараша сапаты да жогору. Жетекчиликтин айтымында тигүүчү машиналардын эскилиги жеткен. Шаардык мэрияга 279 миң сомдук тигүү  машинасын сатып  алуу үчүн долбоор жазылган. Бирок,  долбоор шаардык кеңештин депутаттары тарабынан колдоого алынбай,  машина сатып алуу жагы бүдөмүк бойдон кала берди .

-“Сапаты жагынан жакшы” – деп, канчалаган адамдар батасын берип,ыраазычылыгын билдирип кетишет. Бул адамдар мэрияга барып, жардам сурап, же балдарым ачка калды дебестен өздөрү эмгектенип келишет. Ар бир кызматкер жасаган эмгегине жараша акы алат. Коомдо эмгектенип жаткан адамдар шаардык кеңештин депутаттарына абдан нааразы болушту. Анткени, кол машиналардын эскилиги жетип турган чагы. Ошондуктан аз да болсо,колдоп турса- дедикөзү азиздер жана дүлөйлөр коомуна караштуу Жалал-Абад шаардык окуу-өндүрүштүк ишканасынын жетекчиси Үсөнбай Бечелов.

Жумушчулар үчүн ишкананын жанына 2010-жылы түзүлгөн Ош жана Жалал-Абад шаарларын калыбына келтирүү мамлекеттик дирекциясы тарабынан үй салынган. 2012-жылы   20-апрелде көзү азиз жана угуу мүмкүнчүлүгү чектелген 40 жаранга батирдин ачкычы тапшырылган. Аталган ишкана жанында болгондуктан жарандар кирип, чыгып иштешет. Жумуш күнү сегиз  саат. Буйрутма көп болуп калса,  андан ашык иштөөгө туура келет.

  • Мурунку жылдары жумуш  жок болду. Көзү көрбөсө, кулагы укпаса, сүйлөй алышпаса... Ошондуктан биздин коом буларга жардам көрсөтүп, жумуш менен камсыздап келет. Мындай жарандар башка жумушка жарамдуу эмес, тигүүчүлүк жумушка гана жарамдуу- дейт ишкана жетекчиси.

Жалал-Абад шаардык көзү азиздер жана дүлөйлөр коомуна 190 жаран мүчө. Аталган ишкана 2000-жылы ачылган. Шаарда бул ишканадан тышкары  Көк-Арт кичи шаарчасында да жеке тигүү цехинде  көзү азиз алты кыз-келин кыздарга сеп тигип,  эмгектенишет. Сапаттуу тиккен үчүн такай буйрутма берүүчү кардар  арбын.  

Мындан сырткары ишкананын жанында мүмкүнчүлүгү чектелген жарандар иштеген  эмерек жасоочу цех да бар, азырынча ал цехте үч адам иштейт. Былтыр мамлекет тарабынан атайын мугалимдер келип,  15кыз-келинди тигүүчүлүккө  үйрөтүп,  бир ай окутуп кетишкен. Жумушчулар  бир гана өздөрүн  каржылабастан,  мамлекетке да салык төлөп коомго пайдасы күч жана  өнөрлөрү өрнөк болууга татыктуу.

Элиза АКЖОЛТОЕВА

 

  

Досторуң менен бөлүш

Коментарии FACEBOOK:



Тектеш жаңылыктар

Ич жылыган ийги иштер Ич жылыган ийги иштер

  Кыргыз Өкмөтүнүн  Жалал-Абад  областындагы ыйгарым укуктуу өкүлү Кыянбек Сатыбалдиев Ала-Бука районунун алыскы айыл аймактарында болуп, жергиликтүү калктын үнүн угуп кайтты. Чек арага чектеш...

29 - Мая  2018 | 4 : 2965
Катюша минген жалгыз Кыргызстандыктын ысымы көчөгө неге ыйгарылбайт? Катюша минген жалгыз Кыргызстандыктын ысымы көчөгө неге ыйгарылбайт?

       Улуу Ата Мекендик согушта кан кечип,  согуш деген апаатты баштан кечирип, эл жердин бейпил жашоосу  үчүн өз өмүрүн аябаган, согушта катюша минген жалгыз Кыргызстандык Турду Исмановдун...

4 - Мая  2018 | 5 : 22128
Ааламдашуу доорун артка тарткан агымдар Ааламдашуу доорун артка тарткан агымдар

      Дегеле  жер алкагындагы  бардык мамлекеттерге коркунуч алып келген, анын ичинде  Кыргызстан үчүн да опурталдуу деп эсептелген   экстремисттик  аракеттер  ачык эле жүрүп...

6 - Апреля  2018 | 7 : 47189
Мечит менен мектептин атаандаштыгы күч алдыбы? Мечит менен мектептин атаандаштыгы күч алдыбы?

  Акыркы мезгилде  мектепке караганда мечиттердин көп курулуп, ага мектеп жашындагы балдардын да арбын тартылуусу коомчулуктун көңүлүн өзүнө бурган орчундуу маселеге айланып бараткандай. Башка аймакты...

6 - Апреля  2018 | 8 : 3465
Заманбап бут кийим тиккен өтүкчү Заманбап бут кийим тиккен өтүкчү

  Сузак районунун Ырыс айылынын тургуну Шарабидин Рахимбердиев өз колу менен заманбап жана сапаттуу бут кийимдерди тигип сатып, киреше табууда. Эч кандай техника колдонулбастан кол жумушу менен...

19 - Марта  2018 | 9 : 52147
Рысбек Жабиров, кинорежиссер:  ”Улуттук баалуулуктарга эшик ачтым” Рысбек Жабиров, кинорежиссер: ”Улуттук баалуулуктарга эшик ачтым”

  Азыркы кыргыз кинорежиссерлорунун арасында өз орду бар, таланттуу жана жаңычыл жигит Рысбек Жабиров  буга чейин “Кайып булак”, “Түндүктүк келин”, “Достор”, “ Талак”,...

7 - Марта  2018 | 9 : 4499
Электрди үнөмдөп, кирешени көбөйтүңүз Электрди үнөмдөп, кирешени көбөйтүңүз

       Жыл өткөн сайын электр энергияга болгон муктаждык да өстү. Бир кезде бир үйдө бир эле сыналгы болсо азыр  экиден-үчтөн кезиктирүүгө болот. Электр тогу аркылуу иштей турган үй-тиричилигине...

6 - Февраля  2018 | 5 : 18153