№1 ҮДТ жаңы имаратка муктаж

14 - Марта  2018 | 11 : 23307
№1 ҮДТ жаңы имаратка муктаж

 

Ыйгарымдуу өкүл Жалал-Абад шаарындагы №1 үй-бүлөлүк дарыгерлер тобунун имаратын көздөн кечирген учурда анда былтыркы жылдын декабрь айында жумуш учурунда өрт чыкканы маалым болду. Муну үй-бүлөлүк дарыгерлер тобунун жетекчиси Анара Алымкулова кабелдердин эскилиги жеткендиги менен түшүндүрдү.  Ошондой эле ал, кызматкерлер да кооптонуу менен иштеп жатканын айтып, жарандык коргонуу комиссиясы обьектини мындан ары пайдаланууга болбой турганы боюнча АКТ чыгарышканын баса белгиледи.

-Имарат  антисейсмикалык талаптар сакталбастан курулган. Узак мезгил пайдалануунун жана климаттык шарттардын таасиринен улам имараттын пайдубалы чөгө баштады. Негизги дубалдарында жана дубалдардын бурчтарында жаракалар пайда болгон. Этаж аралык жыгач балкалары ийилип, шыбында майда жаракалар көбөйүүдө. Полдорунун тактайлары чирип калды. Экинчи кабаттагы айрым бөлмөлөрдө шыптары оюлуп түшүп калды.  2006-жылдары ажаткана тараптан эки кабат дубалдын ортосу ажырап, биринчи кабат кадимкидей көрүнүп калган. Биз шаардык кеңештин депутаттарына кайрылып жүрүп, 60 миң сом бөлдүрүп, дубалы ажырап калган жерди калыбына келтиргенбиз. Экинчи кабатка чыгуучу тепкичтерибиз дубалдан ажырап, кооптуулук жаралып турат.  Мына ошол эки кабатка чыга бергенде  неврапатолог врачыбыз олтурат, ага кайрылгандар көп, 15-20дай жаран дайым кезек күтүп турушат. Жаш балдарын ээрчитип келишет. Кокустан бизге кайрылгандар тепкичке көбүрөөк туруп алышса  түшүп кетпесе экен деп кабатырланабыз, биз тепкичтерге көп тургузбаганы аракет кылабыз. Эми бизге келгендердин баарысына көз сала албайт экенсиң-, дейт А. Алымкулова.

Имарат 1928-жылы курулган, жер төлөсү жок, акыркы жолу 1999-жылы капиталдык оңдоодон өткөн. №1УБДТнун имаратында жалпысынан 38 врач, 52 медайым, 5 кичи персенал жана эки жумушчу эмгектенет. Жалал-Абад шаарынын 17 миң калкын тейлейт.  Башкысы бул имарат быйылкы жылга титулдук тизмеге киргенине мындагылар сүйүнүп турган кези.  Бул жай  капиталдык оңдоого эмес башкадан имарат салууга муктаж экенин белгилешкен кызматкерлер  ыйгарымдуу өкүлдөн да көмөк көрсөтүүнү суранышты. К. Сатыбалдиев кайрылуулар жөнөтүлүп жатканын, бул маселенин үстүндө дагы да иш алып бара тургандыгын айтты.

Жумагүл ШАЙЫКОВА

Досторуң менен бөлүш

Коментарии FACEBOOK:



Тектеш жаңылыктар

Ок атуучу курал алынды Ок атуучу курал алынды

                            Жума ичинде Жалал-Абад областында жарандардан 3 сайлуу ок атуучу куралдар алынды. ОИИБнын аймактардагы бөлүмдөрү эл арасында мыйзамсыз сакталган ок атуучу...

21 - Сентября  2018 | 11 : 3264
Колдоодон качкан мекемелер кимдер? Колдоодон качкан мекемелер кимдер?

                              Бүткүл дүйнөлүк III көчмөндөр оюнуна аттанаардан бир күн мурда Жалал-Абад областтык Барпы театры жана Т. Тыныбеков...

30 - Августа  2018 | 9 : 39104
Жаш жарандардын келечеги үчүн Жаш жарандардын келечеги үчүн

   Он жети миң калкы бар Кочкор-Ата шаарында  социалдык буйрутмалар ишке ашырылганы турат. Тактап айтканда, шаардагы 12-18 жаштагы 2000 ге чукул  балдардын бош убактысын туура пайдалануусу,...

27 - Июня  2018 | 9 : 52152
АЙМАКТАРГА МИГРАЦИЯ КЫЗМАТЫ КЕРЕК АЙМАКТАРГА МИГРАЦИЯ КЫЗМАТЫ КЕРЕК

  Эми Жалал-Абад шаарындагы бардык мекеме-ишканаларда, коомдук бирикмелерде, маалыматтар кату кызматтарында адам сатууга каршы ар кандай расмий, коомдук иш-чаралар күчөтүлөт. Ал эми аймактарда мурда болуп...

21 - Июня  2018 | 6 : 3254
Сандарыгер жетишпейт Сандарыгер жетишпейт

            Жалал-Абад шаардык оорулардын алдын алуу жана санитардык көзөмөл борборунун маалыматына караганда шаарда 900 обьект, областын аймагында 4000 миңден ашык обьект  жылына бир жолу...

21 - Июня  2018 | 6 : 7129
Ыкчам медициналык жардам бөлүмү ишке берилет Ыкчам медициналык жардам бөлүмү ишке берилет

    Кыргызстанда алгачкы жолу  Жалал-Абад областтык клиникалык ооруканасынын базасында  ыкчам медициналык жардам бөлүмү ишке берилет.  Бейтаптарды чукул кабыл алып, андан ары тиешелүү...

21 - Июня  2018 | 6 : 14121
Азык-түлүк коркунучун алдын ал! Азык-түлүк коркунучун алдын ал!

  Азыркы учурдагы 5 мамлекеттен турган (Россия, Белорусия, Казакстан, Армения жана Кыргызстан) Евроазиялык экономикалык Бажы союзунун курамына кирип,  калкты коопсуз тамак-аш жана башка товарлар менен...

21 - Июня  2018 | 6 : 19136