Бакчаларга эмнеге муктаж?

4 - Мая  2018 | 4 : 5357
Бакчаларга эмнеге муктаж?

                   

 Жалал-Абад шаарындагы көпчүлүк бала бакчаларда медайымдар 0,5 ставка менен иштешет жана  бакчада эки саат гана болушат.  Ал эми  №1 жана №5 бала бакчаларында гана эки медайым бир штат менен толук иштеп, эртеден кечке балдар менен болушат.   Бул жана башка маселелер  шаардык кеңештин бир катар депутаттарынын  шаардагы мектептерди жана бала бакчаларды кыдыруусунда айкын болду.

Кыдыруу шаардын  борборундагы Н.К. Крупская атындагы №1 бакчанын абалын көрүү менен башталды. Сексен жыл мурун курулган бакча 280 балага ылайыкташкан. Бирок, учурда 400дөн ашык бала тарбияланат. Ушунча көп баланын тамак  ашы, жаткан жери, жалпы эле короо жайы канааттандырарлык.  Деген менен ашканада атайын  аш тизменин жоктугу депутаттардын көңүлүн өзгөчө бурду. Бакча жетекчиси Батма Оморова “Жумалык, бир айлык меню бар. Биз мунсуз иш кыла албайбыз” деп, күйпөлөктөгөн менен “менюсун” “ме” деп, көрсөтө албай, тамак-аш катталган журналын гана көрсөтүп тим болду. Ашпозчусу, тарбиячыга, тарбиячысы ашпозчуга шылтоолоп жатып, эч кандай айы, күнү, же жетекчи тарабынан мөөр басылбаган “аш тизмени” алып келишти. Депутаттар азыр эле даярдала койгон бул “аш тизме” бакчанын тескери жүзү деп баалашып, жетекчинин бул маселеге олуттуу карашын милдеттендиришти. Шаардык кеңештин төрагасы Мураталы Тагаев бакчадагы коопсуздук маселеси да эске алынбаганын белгиледи.

-Балдардын тамак-ашына, бакчаны оңдоп-түзөөгө кетүүчү чыгымга гана акча сурап кайрылышкан бакча жетекчилеринин бирөөсү да коопсуздугуна кабатырланып,  шаардык кеңештин босогосун аттаган эмес. Мен азыр көрүп турам, ашканада электр коопсуздугу жакшы эмес. Зымдар ачык. Өрт чыгып кетүү ыктымалы жогору-деп Мураталы Тагаев бул жагдайга бакча жетекчисинин олуттуу көңүл буруусун эскертти.

Андан соң  кургак учук оорусу менен байланышы бар балдарды тарбиялаган №5 “Чолпон” бала бакчасына  барышты. Бул жерди жыйырма жылдан бери жетектеп келе жаткан Айнагүл  Мамбеталиеванын айтымына караганда “100 балага ылайыкташкан бул бакчада 120 бала тарбияланат”. Бакча балдарды акысыз тарбиялангандыктан, “айрым чоң кызматта иштегендер балдарын ушул жерге алып келүүгө аракет кылышат” деген сөз бекер айтылбаганын белгилешкен депутаттар, балдар кандай жол менен кабыл алынарына кызыгышты. Айнагүл  Мамбеталиева жогорудагы сөздү төгүндөп, бул жерге дарыгердин көрсөтмөсү менен кургак учук оорусуна байланышы бар балдар гана кабыл алынаарын айтты.

Шаардык билим берүү берүү башкармасынын  мектепке чейинки билим берүү бөлүмүнүн инспектору Саадат  Тургунбаеванын айтымына караганда  “22 муниципалдык, 9 жеке менчик бала бакчаларында 4505 бала тарбияланып келе жатат. Учурда 87 бала кезекте турат. Дагы беш бала бакча керек. Анткени шаардын борборундагы бакчаларда балдар ашык”. Саадат Тургунбаева бакчаларда медайымдар үчүн бир штат ачылышын өзгөчө белгилейт.

                                                       Гүлнура КЕЛДИБАЕВА

Досторуң менен бөлүш

Коментарии FACEBOOK:



Тектеш жаңылыктар

ЖАЛАЛ-АБАД ШААРЫНЫН БЮДЖЕТИ КАНДАЙ САРПТАЛДЫ? ЖАЛАЛ-АБАД ШААРЫНЫН БЮДЖЕТИ КАНДАЙ САРПТАЛДЫ?

  Жалал-Абад шаарынын мэри Бишкектеги Жылуулук электр борборунун чатагы менен арызын жазып, кызматынан кетти. Ал эми Жалал-Абад шаарынын депутаттары 2016-2017-жылда шаар бюджетинин кандай иштетилгени тууралуу...

29 - Мая  2018 | 5 : 5576
Аймакка ичүүчү таза суу берилди Аймакка ичүүчү таза суу берилди

    Жалал-Абад шаарынын Чыңгыз Айтматов аймактык башкаруусуна караштуу 120 кожолук тургундар бир апта бою таза суунун жоктугунан кыйынчылык тартып келишкен. “Жалал-Абадсууканал” башкармалыгына...

11 - Мая  2018 | 10 : 4980
IT чөйрөсүндө окууга кабыл алат IT чөйрөсүндө окууга кабыл алат

  Программалык жабдуулар жана Кызматтар Өндүрүүчүлөрүнүн Кыргыз Ассоциациясы жана IT Академиясы өзгөчө муктаждыктары бар жарандарга IT тармагында кыска мөөнөттүк окутуу боюнча жаңы долбоордун ишке...

11 - Мая  2018 | 10 : 5859
Жалал-Абад областында инвестиция тартуу көбөйүүдө Жалал-Абад областында инвестиция тартуу көбөйүүдө

  Жалал-Абад областында ар кайсы тармактарды өнүктүрүү багытында тартылып жаткан инвестицияинын көлөмү улам артып баратат. Быйылкы жылдын биринчи чейрегинде област боюнча 2 миллиард 399 миллион сомдук...

11 - Мая  2018 | 11 : 2349
Кыргыз сомуна 25 жыл Кыргыз сомуна 25 жыл

  1993-жылы 10-майда Кыргызстан КМШ өлкөлөрүнүн арасынан алгачкылардан болуп өзүнүн жеке улуттук валютасын сомду жүгүртүүгө киргизген. Бул күнү баалар, эмгек акылар, стипендиялар пенсиялар, ишкана-мекемелердин...

10 - Мая  2018 | 8 : 384
Базар-Коргондун тургуну 19 жаштагы айылдашын бычактап салды Базар-Коргондун тургуну 19 жаштагы айылдашын бычактап салды

Базар-Коргон районуна караштуу Арстанбап айылынын тургундары өз ара урушуп кетишип, 19 жаштагы И.А. аттуу тургунга 24 жаштагы айылдашы М. уулу Н. бычак уруп жиберген. Анын кесепетинен 19 жаштагы...

8 - Мая  2018 | 4 : 5471
Премьер-министр «Жалал-Абад» аэропортунун жаңы аэровокзалдык... Премьер-министр «Жалал-Абад» аэропортунун жаңы аэровокзалдык...

    Премьер-министр Мухаммедкалый Абылгазиев Жалал-Абад облусуна жасаган иш сапарында «Жалал-Абад» аэропортунун жаңы аэровокзалынын...

8 - Мая  2018 | 5 : 0106