Катюша минген жалгыз Кыргызстандыктын ысымы көчөгө неге ыйгарылбайт?

4 - Мая  2018 | 5 : 22286
Катюша минген жалгыз Кыргызстандыктын ысымы көчөгө неге ыйгарылбайт?

 

     Улуу Ата Мекендик согушта кан кечип,  согуш деген апаатты баштан кечирип, эл жердин бейпил жашоосу  үчүн өз өмүрүн аябаган, согушта катюша минген жалгыз Кыргызстандык Турду Исмановдун  баатырдыгын айтып түгөтө албай даңктап, мактап жүрүүгө арзыйт. Анткени ал Кыргызстандан барган согуш катышуучуларынын арасында жалгыз катюша  минген  инсан болуп  тарыхта калды.  Бирок жүрөгүн, өмүрүн элге арнаган, бизге ушундай жакшы заманды тартуулаган атабыздын эрдиги унутулуп,   айылдагы көчөгө ысымын ыйгарууга эми минтип  ыраа көрүлбөй жатканы өкүндүрөт.   Жергиликтүү бийлик кийинки муундарга атанын эмгегин, эрдигин  даңктоону мындай кой, анын согушка катышканын кадырлап, бир көчөгө атын  ыйгарууга жараган эмес.  Мына Улуу Жеңишти тартуулаган согуш ардагерлерине жасалып жаткан мамиле... “Согуш катышуучуларына таазим” деп ар убак таазим кылаарыбызды айтып, ооз көптүрүп келгенибиз менен иш жүзүндө баары башкача болот тура. Анткени дал ушул согуш ардагерине жасалган мамиле деле бышыктап жатпайбы. Дал ушул атанын өмүрү өткөн Жийде айылында 2001-жылдан бери  уулдары  ардагердин ысымын көчөгө  ыйгаруу маселесин уулдары  көтөрүп келет. Бирок, дале колдоо таппай келет.  

Сузак районуна караштуу С. Атабеков айыл өкмөтүнүн Жийде айылынын тургуну Үрбай Исманов биздин редакцияга   1941-1945-жылдардагы каргашалуу окуяны башынан кечирип келген атасы  Үрбай Исмановдун  эмгеги бааланбай жатканына нааразы болуп кайрылды. Анын айтымында, ал 16 жылдан бери айылдагы көчөлөргө атасынын ысымын берүү боюнча жергиликтүү бийликке кайрыла берип, үмүтү да өчүп калды. Ал жазган катында:

-Атабыз 1922-жылы туулуп, 1940-жылы айылдагы колхозго мүчө болгон. Ал да башка жоокерлердей Ата Мекенин коргоо үчүн согуш талаасына 1942-жылы жөнөп кетип, 1947-жылы эрдиктери үчүн бир канча орден медалдар менен сыйланып кайтып келген. Туулуп өскөн жерине келээри менен эле өз чарбасында айдоочу болуп жумушту баштаган. Кийин бригадир,  башкарма болуп иштеген. 1957-1960-жылдары Фрунзедеги советтин партиялык окуу жайын бүтүрүп, өмүрүнүн аягына чейин “Эркин” колхозунда башкы агроном, башкармасынын орун басары болуп эмгектенип келди.  Ушул бүткүл өмүрүн түнү-түн дебей, күнү-күн дебей иштеген эмгегин өкмөт менен партия баалап, бир канча жолу өкмөттүн сыйлыктарына татыды. Бирок бүгүнкү күндө С. Атабеков айыл өкмөтүндө улуу инсандардын ысымын ыйгарууда баш аламандык орун алууда. Жийде айылынын башкы жолдоруна жаат-жаат,  уруу-уруу болуп бөлүнүп, ысым ыйгаруу жүрүп жатат. Инсандын элге, өкмөткө кылган эмгеги менен эске алынбай калды. Тескерисинче акчалуулар жана кээ бир чиновниктер аралашып жатканы өкүндүрөт. 2006-жылы ошол учурдагы айыл башчы Ш. Касымов айылдагы чоң көчөлөрдүн бирине атамдын ысымын берүү боюнча айылдык кеңештин чечими чыккандыгын айтып, сүйүнчүлөп келген. Баарыбыз сүйүнүп жатканбыз. Кийин ысым ыйгаруу маселеси боюнча чогулушуп болуп, жергиликтүү бийлик өкүлдөрү да катышып, элдик  таптакыр башка нукка бурулуп кетти. Дегеним менин атамдын ысымы эмес башка акчалуу адамдын ысымын ыйгаруу демилгеси көтөрүлүп, кокустан колдоо таап кетти. Анткени көчөгө аты берилгендин тууган уруктары көбүрөөк катышып, колдоо таап кетишти. Биз ошол учурдагы айыл башчыга эч түшүнө албай калып кеттик. Жогорудагы жолдош Касымовдун жоругуна түшүнбөй райондук кеңештин төрагасы М. Жумуковго бардык. Ал киши да эки мисал келтирип, көчө тургундары чечет деп койду. Ушуну менен олтуруп калдык. Ошондон бери учуру келгенде жергиликтүү бийликке кайрылып келе жатабыз.  Айылдыктар атабызга ысым берүүнү колдошот. Бирок дале көчөгө ысымы берилбей келе жатат. Эл үчүн жан дили менен ак эмгек өтөгөн атабызды эмгеги  бааланбай  жатканы өкүндүрөт-, деп билдир ал.

Атасынын атын коюуну максаттаган Үрбай аба эми минтип жогорку бийлик тарапка да кайрылуу аракетин көрүүгө өттү. Аксакалдын үнү кандай жетет? Ким  ардагердин эмгегин туюп, сезип жардам берет? Мына ушул сыяктуу суроолорго кийин да жооп издеп, кайрылабыз.

 

Жумагүл ШАЙЫКОВА

Досторуң менен бөлүш

Коментарии FACEBOOK:



Тектеш жаңылыктар

Ич жылыган ийги иштер Ич жылыган ийги иштер

  Кыргыз Өкмөтүнүн  Жалал-Абад  областындагы ыйгарым укуктуу өкүлү Кыянбек Сатыбалдиев Ала-Бука районунун алыскы айыл аймактарында болуп, жергиликтүү калктын үнүн угуп кайтты. Чек арага чектеш...

29 - Мая  2018 | 4 : 29175
Ааламдашуу доорун артка тарткан агымдар Ааламдашуу доорун артка тарткан агымдар

      Дегеле  жер алкагындагы  бардык мамлекеттерге коркунуч алып келген, анын ичинде  Кыргызстан үчүн да опурталдуу деп эсептелген   экстремисттик  аракеттер  ачык эле жүрүп...

6 - Апреля  2018 | 7 : 47318
Мечит менен мектептин атаандаштыгы күч алдыбы? Мечит менен мектептин атаандаштыгы күч алдыбы?

  Акыркы мезгилде  мектепке караганда мечиттердин көп курулуп, ага мектеп жашындагы балдардын да арбын тартылуусу коомчулуктун көңүлүн өзүнө бурган орчундуу маселеге айланып бараткандай. Башка аймакты...

6 - Апреля  2018 | 8 : 34142
Заманбап бут кийим тиккен өтүкчү Заманбап бут кийим тиккен өтүкчү

  Сузак районунун Ырыс айылынын тургуну Шарабидин Рахимбердиев өз колу менен заманбап жана сапаттуу бут кийимдерди тигип сатып, киреше табууда. Эч кандай техника колдонулбастан кол жумушу менен...

19 - Марта  2018 | 9 : 52286
Рысбек Жабиров, кинорежиссер:  ”Улуттук баалуулуктарга эшик ачтым” Рысбек Жабиров, кинорежиссер: ”Улуттук баалуулуктарга эшик ачтым”

  Азыркы кыргыз кинорежиссерлорунун арасында өз орду бар, таланттуу жана жаңычыл жигит Рысбек Жабиров  буга чейин “Кайып булак”, “Түндүктүк келин”, “Достор”, “ Талак”,...

7 - Марта  2018 | 9 : 44205
Аярлуу катмарлар да пайда келтирүүдө Аярлуу катмарлар да пайда келтирүүдө

Бүгүнкү экономикалык каатчылыкта алты саны аман, ишке толук жарактуу адам гана эмес, табияттын жазмышы менен көзү көрбөй, угуу мүмкүнчүлүгүнөн ажыраган адамдар да кол куушуруп, олтуруп алганы жок. Алар да эч кимден...

26 - Февраля  2018 | 5 : 18299
Электрди үнөмдөп, кирешени көбөйтүңүз Электрди үнөмдөп, кирешени көбөйтүңүз

       Жыл өткөн сайын электр энергияга болгон муктаждык да өстү. Бир кезде бир үйдө бир эле сыналгы болсо азыр  экиден-үчтөн кезиктирүүгө болот. Электр тогу аркылуу иштей турган үй-тиричилигине...

6 - Февраля  2018 | 5 : 18227