Жанар Кадыралиев, астролог: «Жеӊишти чыгарсын! Болбосо, бул иштин акыр аягы Камчыбек үчүн жакшы бүтпөйт».

789

– Жеӊиштин кандайча камалганын ар бир кыргыз жараны билет. Ким каматса да аркасы жакшы болбойт. Молдокматовду жакынкы арада чыгарыш керек. Болгондо да алдап – соолап, «сен жакшы» деп бошоткон оӊ. Кийин көчөдө жолугуп калганда жакшы мамиледе учурашып жүргөнгө.

– Ким камаганын ачык айта аласызбы?

– Жеӊиш Молдокматов президентке кайрылып “сиз Камчыбек Ташиевди тезинен жумуштан алыныз!” дебеди беле? Ошонун эртеси эле Молдокматов камалды.Эгер биздин маекти Камчыбек мырза окуп жаткан болсо, бир гана кеӊешим бар: Жеӊишти чыгарсын! Болбосо, бул иштин акыр аягы Камчыбек үчүн жакшы бүтпөйт. Мен эми жөн эле кыргызча эмес, астрология илимине таянып айтып жатам. А астрология илими 97% кепилдик берет. Буга көп мисалдар бар. Алсак, Улуу Ата- Мекендик согушта Гитлердин түбүнө Сталин менен Уинстон Черчилль жеткен. Ошондой эле Ислам Каримовдун түбүнө Атамбаев жетти. Булардын ортосунда “8” деген сан турат. Ушул эле “8” деген сан Камчыбек менен Жеӊиштин ортосунда да турат. Ошон үчүн Камчыбек Ташиев акылына келсе, жакынкы арада Жеӊиш Молдокматовду бошотсун! Мындан өзү эле чоӊ утушка ээ болот.

Булак:Азияньюс