Бүгүн президент Жапаров Олимпиада спортчуларына сыйлык тапшырат

232

Олимпиада оюндарында Акжол Махмудов (күмүш медаль), Айсулуу Тыныбекова (күмүш медаль) жана Мээрим Жуманазарова (коло медаль) байгелүү орундарды ээлешкен.

Мамлекет башчы Садыр Жапаров бүгүн, 23-августта, Олимпиада оюндарынан медаль алган спортчулар менен Кыргызстандын курама командасына мамлекеттик сыйлыктарды тапшырат. Бул тууралуу президенттин маалымат кызматы билдирди.
Иш-чара КТРК, республикалык жана облустук телеканалдардын түз эфиринде жана социалдык түйүндөрдүн баракчаларында чагылдырылат. Эфир саат 09:55те башталат.

Белгилей кетсек, буга чейин президент Садыр Жапаров Олимпиададан байгелүү кайткан спортчуларга өзүнүн атынан белек камдап жатканын билдирген.

Токиодо өткөн Олимпиада оюндарында Акжол Махмудов (күмүш медаль), Айсулуу Тыныбекова (күмүш медаль) жана Мээрим Жуманазарова (коло медаль) байгелүү орундарды ээлешкен.