Мектептерде акыркы коңгуроо өткөрүлөбү? Министрликтин жообу

185

Мектептерде акыркы коңгуроо салтанаты быйыл да онлайн форматта өткөрүлөт. Бул тууралуу Билим берүү жана илим министрлигинин басма сөз кызматы билдирди.

Билим берүү жана илим министрлиги билдиргендей, быйыл окуу жылы 25-майда аяктайт. Бул күнү мектептерде салтанаттуу иш-чаралар өткөрүлбөйт.

“Республикадагы эпидемиологиялык кырдаал жакшырганга чейин массалык иш-чараларды өткөрүүгө тыюу салынгандыгына байланыштуу 25-майга карата салтанаттуу иш-чаралар онлайн форматта өткөрүлөт. Бишкек, Ош шаарларынын жана райондук, шаардык билим берүү бөлүмдөрүнүн жетекчилери 25-майда окуу жылы аяктагандыгына байланыштуу онлайн режимде бүтүрүүчүлөр менен мектеп администрациясынын, класс жетекчилердин, мугалимдердин куттуктоолорун уюштурушат. Онлайн форматта өткөрүлүүчү “Бүтүрүүчү – 2021″ иш-чарасынын программасы жана аны өткөрүү шарттары министрликтин буйругу менен бекитилген жана бардык билим берүү уюмдарына таратылган. Белгиленген талаптарга жооп берген видеоматериалдар 25-майда эртең мененки саат 10.00дон 12.30га чейин Илим-билим каналынан көрсөтүлөт”,-деп айтылат маалыматта.

Govori.tv