Бир короодогу эки мектептин зарылдыгы канчалык?

21 - Сентября  2018 | 11 : 29519
Бир короодогу эки мектептин зарылдыгы канчалык?

 

Ала-Бука районуна караштуу 1-Май айыл аймагынын Айры-Там айылында 5 миңге чукул калк жашайт. Кызыгы андагы айылда бир короодо М. Алымбеков жалпы орто мектеби жана Айры-Там мектеп-гимназиясы  жайгашкан, аралыгынын алыстыгы 5 метрди гана түзөт. М. Алымбеков орто мектеби 3 кабаттан туруп, лабораториялар, лингафондук, компьютердик класстар ачылып, окуучулар терең билим алууга мүмкүнчүлүк түзүлгөн.  Ал эми кыскарууну каалабаган гимназия мектебинде эч кандай лабораториялык кабинеттер жок, имаратынын да эскилиги жеткен. Эгер мектепти бириктирүү кадамы ишке ашса 9 мугалим кыскарууга барат, мындан улам да кыскартууга каршылыктар бар. Ал эми жергиликтүү кеңештин депутаттары жана бийлик М. Алымбеков атындагы орто мектебине Айры-Там гимназия мектебинин статусун сактап калуу жолу менен бириктирүүнү көздөшөт. Алар да гимназия статусун жоюлушуна каршы, ошондуктан сактап калуу боюнча да өтүнүч келтиришүүдө.  

Маалым болгондой, М. Алымбеков мектеби 1985-жылы заманбап шартта типтүү болуп, 1270 окуучуга ылайыкташкан абалда пайдаланууга берилген.  Азыркы тапта болгону 600дүн тегереинде бала билим алат. Аталган мектепте 2003-жылга чейин 1000ден ашуун  бала билим алып, мектеп республикадагы алдыңкы  мектептердин катарына кирген. Мектепте шаталовдук метод менен окутулуган эксперименталдык математика класстары ачылып, дүйнөлүк олимпиадада алдыңкы орундарды багындырган. Кийинчерээк мектеп гимназия класстары бар эксперименталдык мектепке айланып, кошумча шарттар жаралып, гимназия класстарынын мугалимдерине кошумча акылар төлөнүп, кошумча сааттар ажыратылып, мектептин билим берүүсүнүн сапаты жогорулаган. Мурдагы мектептин имараты эскиргендиги үчүн жаңы типтүү мектеп курулган. Мурунку имаратынан жарактуу делген бөлүгүндө балдардын чыгармачылык мектеби жайгашып, балдарга кошумча билим берилип келген.  2003-жылы  ошол эскилиги жеткен ашар ыкмасы менен курулган  имаратта  бир да лаборатирялык кабинеттери, спорттук залы, акты залы жок, гимназия статусуна жооп берүүчү шарттарына жооп берилбесе да  мектеп-гимназиясы ачылган. Албетте балдардын билимин тереңдетүү үчүн мектептин ачылуусун ата-энелер, бийлик колдогон. Жергиликтүү кеңештин айрым депутаттарынын ырастоолорунда кезегинде гимназия мектебин күчтүү бүтүргөн окуучулар деле катталган. Бирок мындай натыйжаны айыл аймактагы башка мектептер деле берип жатат.

Акыркы жылдарда гимназия мектебинин билим берүүдөгү жетишкендиктери аймактагы жалпы билим берүүчү мектептердей эле көрсөткүчтү берип, гимназия статусун кармап калуу максатында сынактарга  башка мектептерден окуучуларын гимназиянын мектебинин окуучусу катары алып барышкан учур катталган. Жалпы тестирлөөдөн деле жарытылуу балл топтой элек.  Ага караганда Ажек, Жаңы-Шар, Совет мектебинен жакшы балл алууга жетишип жаткандар бар.  Ошондуктан айылдык кеңештин депутаттары гимназия класстары бар мектеп уюштуруу же жалпы гимназия статусун алуу демилгесин көтөрүп чыгышкан. 1-Май айылдык кеңештин төрагасы Н. Абдраимов балдардын коопсуздугун ойлоп жатышкандыгын төмөнкүдөй билдирди:

-Биз гимназия мектебин жок кылып жиберүүнү көздөгөн жокпуз. Ошол мектепке жанаша турган 3 кабаттуу мектеп турат, үчүнчү кабаты бош, ошол жерге көчүрөлү дедик. Статусун сактап бергиле деп суранып жатабыз.  Тескерисинче гимназиянын айрым мугалимдери  мени “эски имаратты сатып алып, кафе курат экен” деген сөз таратып жиберишиптир. Мектеп имараттары сатылган эмес, жогорку бийлик буга кымындай да  жол бербейт”-деп билдирди ал. Ошондой эле ал гимназияга кабыл алаарда балдардын ата-энесинин капчыгына да маани берилген учур болоорун  билдирүүдө. 

Айыл өкмөт башчысы Муктар Шербаев да эки мектептин бириктирүүлүсүн колдойт жана  гимназия статусу сакталып калышы керек деп эсептейт. Эгер мектеп бириктириле турган болсо республикалык жана  жергиликтүү бюджеттин каражаты экономдоло баштайт. Балдардын билим алуусу үчүн толук шарттар түзүлөт, лабораториялар, атайын адистешкен кабинеттер, спорттук зал, акт залдары менен кошо камсыз болот.

- Атайын кружоктор адистешкен бөлмөлөрдө өтө баштайт. Бул окуучулардын терең билим алуусуна түрткү берет. Ал эми эски имараттын жарактуу бир корпусуна 120 орундуу бала бакчага айланат.  Анткени Айры-Там айылында болгону 170 бала гана балдар бакчасына барат, 1300 бала бакчага муктаж болуп турат. Айыл аймакта 5 мектеп болсо, үчөөсү авариялык абалда. Жаңы-Курулуш айылындагы мектептин курулушу бүтө элек. Министрлик ушул жагдайларды эске алса жакшы болот эле. Окуу  жылынын аягында  гимназия-мектеп жетекчилиги орто мектептин 3-кабатына көчүүгө макул болушкан. Биз бюджеттен каражат ажыратып,оңдоп-түзөөдөн өткөрүп бердик-дейт айыл өкмөт башчысы.

Ала-Бука райондук билим берүү бөлүмүнүн башчысы Чынара Турдукулованын айтымында, алар да КРнын Билим берүү жана илим министрлигинин алдындагы Билим берүү мекемелерин лицензиялоо жана аккредитациялоо башкармалыгына эки мектепти бириктирүү боюнча кат жолдогон.

-Айры-Там гимназия мектебинин окуу тарбия иштери боюнча эч кандай кемчиликтери жок. Бир аз түшүнбөстүк орун алып, директор алмашкандан кийин баары өз нугуна түшүп, билим берүү жакшырган. Жылыштар бар.  М. Алымбеков мектебинин мугалимдери  изденүүлөрү керек, билим берүү сапаты жакшыртылыш керек. Бизге айыл өкмөт башчысы да эки мектепти бириктирүүну сунуштаган, биз макул болгонбуз. Жеринде көрүп бириктирүү жагын караганбыз. Анан министрликке кат жолдогонбуз. Бирок мектептин лицензиясынын мөөнөтү бүтө элек, ушул жылдын декабрь айында бүтөт. Министрлик тарабынан аталган мектепке ноябрда текшерүүгө бара турушкандыгын,  гимназия мектеп статусунун талаптарына жооп бербесе жөнөкөй мектепке кошсок боло турганы боюнча  жооп берген. Орто мектептин мугалимдери жакшылып иштеп берсе, эки мектеп бириктириле турган болсо анда иновациялык мектептердин катарына кошууга болгон күч аракетибизди жумшап көрөбүз-дейт, Чынара Турдукулова.

Гимназия мектебинин жетекчиси Зуура Тажикеева  жакында келүүчү аттестациялык комиссиянын чечими бул маселеге чекит коёрун айтат. Анын пикиринде аталган мектеп оптимизация болуучу билим берүү мекемелеринин катарына кирбейт. Эгер бир короодо эки жалпы билим берүүчү орто мектеп болгондо, бириктирсе жарашмак. Гимназия талабына ылайык негизи мектептен жакшы окуган окуучулар тандалып алынат, ошондуктан жанаша тургандыктары мыйзамдуу эле көрүнүш.

-Биз биринчи бул имаратка көчүп келгенде абдан оор шартта болчу. Ата-энелердин демөөрчүлүктөрү менен баарын калыбына келтирип, жакшыртып алганда эки мектепти бириктирүүнү каалагандарга таң калып жатам. Айылдык кеңештин депутаттары бир мектептен келип кабар алышпайт.  Бириктирүү боюнча сессияда оозеки айтылганда мен да өз пикиримди айтканмын.  Биздин мектеп авариялык абалда эмес, капиталдык оңдоого муктаждардын тизмесине киргизилди. Кошууга негиз жок деген ойдомун. Балдардын билими боюнча эң жакшы көрсөткүчтөргө жетишип жатабыз. Ата-энелер деле бириктирилишине каршы.  Биздин кийинки жылдан кандай иш тутарыбызды  аттетациялык комиссиянын корутундусуна гана көз карандылык бар. Балдар эч кандай социалдык абалына карап бөлүп албайбыз. Биз жакшы окуган балдарды тандап алабыз-дейт мектеп директору.  Андагы мектепте 270 окуучу билим алат, 28 мугалим эмгектенет.

Айтор мектеп тагдыры КРнын Билим берүү жана илим министрлигинин алдындагы Билим берүү мекемелерин лицензиялоо жана аккредитациялоо башкармалыгы тарабынан чечилмекчи.

Жумагүл ШАЙЫКОВА

Досторуң менен бөлүш

Коментарии FACEBOOK:



Тектеш жаңылыктар

Майда эмес маселелер арбын Майда эмес маселелер арбын

Жалал-Абад областтык өкүлчүлүгүндө өткөн коллегияда жарандарды турак жай менен камсыз кылуу, административдик башкаруунун  абалы  ошондой эле  тарых жана маданият жылындагы аткарылып жаткан иштер...

6 - Июня  2016 | 18 : 71037
ВИЧ илдети баш ооруга айланууда ВИЧ илдети баш ооруга айланууда

  Област аймагында бүгүнкү күндө  708 атуул ВИЧ/СПИД илдетин жуктуруп алган, анын 76сын жашы жете элек өспүрүмдөр түзөт. Мындай маалымат областтык саламаттыкты сактоонун координациялык кеңешменин Ноокен...

6 - Июня  2016 | 18 : 111313
Секелектердин тагдыры сестентет Секелектердин тагдыры сестентет

Областта акыркы үч жылда 15-17 жаштагы кыздардын турмушка чыгуусу көбөйдү.  Ага мисал иретинде 2013-жылы 146 кыз үй-бүлө курган. Андан кийинки жылы 205 кыз мектепти бүтпөй турмуш жолуна аттанган. Былтыр  212 өспүрүм кыз...

6 - Июня  2016 | 18 : 42843
Үй курганга жер берчи Үй курганга жер берчи

2009-жылы республикада сугат аянттарды турак-жай үчүн бөлүп берүүгө мораторий жарыяланган. Ага чейин өлкө аймагында 38  миң  адам  айыл чарба жерлеринин сугат жайларына 42 миӊ турак  жай куруп алган. Бирок,...

7 - Июня  2016 | 12 : 451034
Шаардыктар көчөнү кеңейтүүнү каалады Шаардыктар көчөнү кеңейтүүнү каалады

Жалал-Абад шаарынын  Ленин көчөсүн кеңейтүүнүн  экинчи этабы башталды. Борбордук жолду кеңейтүү  жумушун колго алган шаар бийлигинин  аракетин  шаар жашоочулары гана эмес,  областтын  калкы да...

10 - Июня  2016 | 16 : 40535
ЖАЛАЛ-АБАДДА ЭСКИ ТӨРӨТ ҮЙҮНҮН ИМАРАТЫН ЖАНА ЖЕРИН КИМ САТКАН? ЖАЛАЛ-АБАДДА ЭСКИ ТӨРӨТ ҮЙҮНҮН ИМАРАТЫН ЖАНА ЖЕРИН КИМ САТКАН?

Жалал-Абад шаарынын прокуратурасы быйылкы 17-майда Жалал-Абад областынын райондор аралык сотуна доо арыз менен кайрылып, Жалал-Абад шаарынын мэриясынын 2009-жылдын 26-июнундагы №41 жер аянтын сатуу жана сатып алуу...

15 - Июня  2016 | 10 : 31319
Бизнес-форум – дыйкан менен ишкерге көпүрө Бизнес-форум – дыйкан менен ишкерге көпүрө

Жалал-Абад шаарында  21-22-июнь күндөрү  айыл чарба азыктарын жарнамалоону жана областка инвестиция тартууну көздөгөн  II Эл аралык  бизнес форум   болуп өттү.  Анда  айыл чарба азыктарынын...

27 - Июня  2016 | 12 : 221659