Токтогулда өлгөн балыктар 3 тоннага жетти

23 - Января  2018 | 11 : 37895
Токтогулда өлгөн балыктар 3 тоннага жетти

  

 Токтогул районунда массалык түрдө кырылган балыктардын салмагы 3 тоннадай болду. Бул тууралуу райондун акими Майорбек Сатымкулов бүгүн, 23-январда билдирди.

Анын айтымында, балык чарбаларда 17 тоннага жакын балык бар. Балыктардын өлүүсү азыркыга чейин токтой элек.

 «Бүгүн, 23-январда саат 09:30га карата алынган маалыматтар боюнча балык чарбасынан 2,9 тонна балык өлгөнү аныкталды. Учурда балыктардын өлүүсү токтой элек. Адистер жеринде иштеп жатышат. Бул балык чарба 2008-жылы уюшулган. Ал чарбада жалпы 14 көлмө болсо, анда 17 тоннага жакын балык бар деп болжолдонууда», - деди ал.

Маалым болгондой, Жаңы-Жол айыл аймагынын тургуну Аман Борбуев 9 жылдан бери балык чарбачылыгы менен алектенип келген. Алгач 3 тонна балыкка ылайыкташкан жасалма көлмө менен ишин баштаган. Бир топ жылдан берки чарбачылыгынын үзүрүн көрө баштаган эле. Былтыркы жылы 15 тоннадай балык саткан. Быйыл 20 тоннага жеткирүүнү көздөп жатканын буга чейин билдирген.

Буга чейин маалымдалгандай 21-аянварда саат 23:00 чамасында Ош—Бишкек жолунун 264-чакырымында күйүүчү май ташыган унаа Чычкан капчыгайындагы сууга кулап, анын кесепетинен балыктар массалык түрдө кырылган. Балыктар балык чарбасын иштеткен жеке ишкерге таандык болгон. Ал дарыяга күйүүчү май ташуучу унаанын кулоосунун кесепетинен экинчи жолу зыянга учурап жатат.

Жалал-Абад ОИИБ күйүүчү май ташыган унаанын сууга кулашы боюнча КРнын Кылмыш-жаза кодексинин 281-беренеси (транспорт каражаттарынын кыймылын жана аларды пайдалануунун коопсуздук эрежелерин бузуу) 2-бөлүмү менен кылмыш иши козголгонун билдирди. Учурда тергөө иштери жүрүп жатат.

Унаа суудан чыгарылып, унаалар токтоочу жайга жеткирилген.

Ошондой эле, Мамэкотехинспекциянын Токтогул району боюнча аймактар аралык башкармалыгынын инспекторлору тарабынан 38 тонна бензин төгүлгөн жерден административдик протокол толтурулган.

«Чычкан суусунда бир нече жеке менчик балык өстүрүүчү көлмөлөр жайгашкан. Кырсык учурунда бир көлмөдөн балыктардын массалык кырылуусу катталып, себебин аныктоо үчүн балыктар ветеринардык инспекциянын лабораториясына жөнөтүлгөн. Ал эми суунун үлгүсү Айлана-чөйрөнү коргоо боюнча агенттиктин лабораториясына текшерүүгө берилди. Токтогул суу сактагычын текшерүүгө алганда кооптуу кырдаал катталган жок. Жаратылышка келтирилген зыян боюнча күнөөлүү адамдарга чара көрүү үчүн тийиштүү материалдар Токтогул райондук ички иштер башкармалыгына берилди. Учурда иликтөө иштери жүрүп жатат», - деп айтылат Мамэкотехинспекциянын билдирүүсүндө.
Ош—Бишкек жолундагы кырсыктын кесепетинен 1 адам каза болуп, 2 адам ооруканага жеткирилген. Такталган маалыматтар боюнча, май ташуучу унаанын айдоочусу эмес, анын жардамчысы — 1986-жылы туулган А.Н. каза болгон. Унаа Бишкек шаарынан Жалал-Абад шаарын көздөй бара жаткан.

Жалал-Абад облустук жол кыймылынын коопсуздугун камсыздоо бөлүмүнөн алынган маалыматка караганда, оор жүк ташуучу унаа чукул бурулуштан катуу ылдамдыкта бурулуп, жүк унааны сайды көздөй тартып кеткен деп болжолдонуп жатат. Бул боюнча автотехникалык экспертиза дайындалып, териштирүү иши жүрүп жатат.  

 

Ж. Шайыкова

Редакциядан: сурөттөрү turmush.kg сайтынан алынды.

Досторуң менен бөлүш

Коментарии FACEBOOK:



Тектеш жаңылыктар

Көк-Жаңгакта аскер кызматкерлеринин балдары үчүн  бала бакча ачылат Көк-Жаңгакта аскер кызматкерлеринин балдары үчүн бала бакча ачылат

Былтыркы жылы өлкө башчысы Алмазбек Атамбаев Көк-Жаңгак шаарындагы  №52870 аскер  бөлүгүн расмий ачылуусуна келгенде, аскер кызматкерлеринин балдарын бакча менен камсыздоо маселеси айтылган.  Өлкө башчы...

9 - Июня  2016 | 11 : 30512
Электрондук-санарип кол тамгасын колдонуу маселеси талкууланды Электрондук-санарип кол тамгасын колдонуу маселеси талкууланды

Жалал-Абад шаарында электрондук-санарип кол тамгасын колдонуу маселесин  ишкерлердин катышуусундагы тегерек үстөлдө талкууланды Жакында  “Жалал-Абад шаарынын ишкерлеринин электрондук-санарип кол...

6 - Июня  2016 | 17 : 39481
Ооруканага профсоюз өкүлдөрү келди Ооруканага профсоюз өкүлдөрү келди

Социалисттик Эмгектин Баатыры Шамшидин Сүйөркулов атындагы борборлоштурулган аймактык оорукананы медициналык кызматкерлердин республикалык тармактык профсоюздарынын өкүлдөрү көрүп чыкты. Мамлекетибиздин ...

6 - Июня  2016 | 17 : 421774
Төрт бөлмө жаңы  ачылды Төрт бөлмө жаңы ачылды

Тогуз-Торо районунун №4-Иса Иманбердиев атындагы орто мектептин мугалимдери мектеп окуучуларына тереңдетилген билим берүүгө умтулууда. Бул багытта мектепте өткөн жумада жаңыдан төрт класс-кабинет  ачылды. Бул...

6 - Июня  2016 | 17 : 44453
Област а 7 адам ипотекалык насыядан үйлүү болушту Област а 7 адам ипотекалык насыядан үйлүү болушту

Бүгүнкү күнгө чейин Жалал Абад областында 7 адам ипотекалык насыядан үйлүү болушту. Мугалимдер, медиктер жана  соц кызматкерлер жеңилдетилген кредиттен үй-жайга ээ болуп келсе, эми жалпы эле бюджетте иштеген...

7 - Июня  2016 | 12 : 491263
159 миң 28 турак жай камсыздандырылды 159 миң 28 турак жай камсыздандырылды

Жалал-Абад областында 200 миң турак жай камсыздандырылыш керек болсо 159 миң 28и мамлекеттик камсыздандыруудан өтүү. Сузак, Базар-Коргон райондорунда жана  айрыкча шаар жерлеринде үй жайын камсыздандыргандар...

7 - Июня  2016 | 12 : 52364
Кургак учук көбөйдү Кургак учук көбөйдү

 Жалал-Абад шаарында жыл башынан бери беш бала кургак учук менен ооруду. Былтыр бул дартка тогуз бала кабылган болчу. Чоң адамдардын да  кургак учукка чалдыгуусу көбөйгөн. Быйыл беш айдан бери 35 жаран ооруса, ...

9 - Июня  2016 | 12 : 3737