“Тез жардам” өзү тез жардамга муктаж

6 - Февраля  2018 | 5 : 23533
“Тез жардам” өзү тез жардамга муктаж

 

Жалал-Абад шаарындагы тез жардам кызматынын турган жайы өтө коопту абалда. Бул тууралуу Жалал-Абад шаарындагы тез жардам кызматынын жетекчиси Нургүл Садырова менен маектештик.

-Нургүл айым,тез жардам кызматы бир кокустук болсо өзү тез жардамга муктаж болор абалда экен. Имаратыңыздардын абалы тууралуу кененирээк айтсаңыз?

-Чынында жайгашкан ордубуз начар. Баштагы санитардык гаражда турабыз. Өтө эски, полдору чирип, дубалдары көчөйүн деп турат. Үч жыл мурун ӨКМканын областагы башкармалыгы бул имаратты өтө коопту, турганга болбойт деп бүтүм чыгарып кеткен. Ошого карабастан эптеп кудай сакта менен иштеп келебиз.Биз да жаңы болбосо да коопсуз имаратта иштегибиз келет. Тилеке каршы,көп жылдан бери ары-сүр, бери-сүр менен эски тамда иштеп келебиз. Жайгашкан ордубуздун мындай абалы,  айлык акынын төмөндүгү кызматкерлерибиздин ишке болгон кызыгуусун арттырбайт. Айла жок, сүйгөн кесибибизде, элге жардамыбыз тийсин деп иштеп келе жатабыз.

-Акыркы кезде тез жардам кызматын кеч жардам кызматы деп калгандарды угуп калабыз. Бул жөн жеринен болбосо керек?

-Ооба чындыгында кечиккен учурлар болот. Кечигүүгө жүйөөлү себептер бар. Мисалы, чакырган үйдүн дарегин табуу кыйын мүшкүл жаратат. Көчөлөрдүн аты, үй номурлары дээрлик жазылбайт. Мен бул көйгөйдү шаар бийлигине көп эле жолу айттым. Бирок ушул күнгө чейин оң натыйжа боло элек. Борбордук көчөлөрдү эске албаганда шаардын чет жактарындагы жана жаңы конуштагы көчөлөрдүн аты жок. Же тез жардамды чакырган адам күтүп албайт. Биз кабар түшөөрү менен жолго чыгабыз.Жогоруда айткандай даректерди табуу көп убаракерчиликти жаратып, көздөгөн жерге кечигип барып жатабыз.

-Кечигүүгө ушул нерсе гана тоскоолдук келтирип жатабы же башка да тоскоолдуктар барбы? Мисалы дары-дармек, кадр жана унаа маселесинде көйгөйлөр?

-Дары-дармектерден көйгөй жок. Шаарда 93 миң калк болсо, ар бир 9 миң калкка бир биргада кызмат өтөш керек. Бизде штат кыскарып кеткен. Учурда 30 кызматкер бар. Эскилиги жеткен төрт унаабыз бар. Булардын маселеси эч бүтпөйт. Бир күн, бир жери, дагы бир күн, экинчи жери бузулат.  УАЗ маркасындагы эски унаалар менен иштейбиз. Мунусунан да  имаратыбыз чоң көйгөй жаратат.

-Ачыгын айтканда акыркы  мезгилде өлкөдө тез жардам кызматын себептүү да себепсиз да чакырып жатышкандыктары айтылууда. Сиздерде да ушундай учурлар болуп турабы?

-Ооба, болбоду эле дегенде жеңил ооруларга деле тез жардам чакыргандар болот. Чынында көпчүлүк жарандар кандай ооруларга тез жардам чакырыш керектигин билишпейт. Бир айдан бери же бир жумадан бери ооруп жаткандар чакырышат. Алар жакынкы ооруканага же аймактык үй бүлөлүк дарыгерине барса болот да. Негизи тез жардам деген капысынан кармаган ооруларга тактап айтканда дене табынынын, кан басымдын кескин көтөрүлүшүндө барат. Мындан башка да хирургиялык ооруларда, башка капысынан катуу кармаган ооруларда тез жардам кызматын чакырса болот.Бизди көп учурда жеңил эле ооруларга чакырган учурлар болгонуна карабастан оорулууга алгачкы медициналык жардамдарды берип келебиз.

                                                Гүлнура КЕЛДИБАЕВА

 

 

Досторуң менен бөлүш

Коментарии FACEBOOK:



Тектеш жаңылыктар

Майда эмес маселелер арбын Майда эмес маселелер арбын

Жалал-Абад областтык өкүлчүлүгүндө өткөн коллегияда жарандарды турак жай менен камсыз кылуу, административдик башкаруунун  абалы  ошондой эле  тарых жана маданият жылындагы аткарылып жаткан иштер...

6 - Июня  2016 | 18 : 71018
ВИЧ илдети баш ооруга айланууда ВИЧ илдети баш ооруга айланууда

  Област аймагында бүгүнкү күндө  708 атуул ВИЧ/СПИД илдетин жуктуруп алган, анын 76сын жашы жете элек өспүрүмдөр түзөт. Мындай маалымат областтык саламаттыкты сактоонун координациялык кеңешменин Ноокен...

6 - Июня  2016 | 18 : 111302
Секелектердин тагдыры сестентет Секелектердин тагдыры сестентет

Областта акыркы үч жылда 15-17 жаштагы кыздардын турмушка чыгуусу көбөйдү.  Ага мисал иретинде 2013-жылы 146 кыз үй-бүлө курган. Андан кийинки жылы 205 кыз мектепти бүтпөй турмуш жолуна аттанган. Былтыр  212 өспүрүм кыз...

6 - Июня  2016 | 18 : 42833
Үй курганга жер берчи Үй курганга жер берчи

2009-жылы республикада сугат аянттарды турак-жай үчүн бөлүп берүүгө мораторий жарыяланган. Ага чейин өлкө аймагында 38  миң  адам  айыл чарба жерлеринин сугат жайларына 42 миӊ турак  жай куруп алган. Бирок,...

7 - Июня  2016 | 12 : 451023
Шаардыктар көчөнү кеңейтүүнү каалады Шаардыктар көчөнү кеңейтүүнү каалады

Жалал-Абад шаарынын  Ленин көчөсүн кеңейтүүнүн  экинчи этабы башталды. Борбордук жолду кеңейтүү  жумушун колго алган шаар бийлигинин  аракетин  шаар жашоочулары гана эмес,  областтын  калкы да...

10 - Июня  2016 | 16 : 40531
ЖАЛАЛ-АБАДДА ЭСКИ ТӨРӨТ ҮЙҮНҮН ИМАРАТЫН ЖАНА ЖЕРИН КИМ САТКАН? ЖАЛАЛ-АБАДДА ЭСКИ ТӨРӨТ ҮЙҮНҮН ИМАРАТЫН ЖАНА ЖЕРИН КИМ САТКАН?

Жалал-Абад шаарынын прокуратурасы быйылкы 17-майда Жалал-Абад областынын райондор аралык сотуна доо арыз менен кайрылып, Жалал-Абад шаарынын мэриясынын 2009-жылдын 26-июнундагы №41 жер аянтын сатуу жана сатып алуу...

15 - Июня  2016 | 10 : 31318
Бизнес-форум – дыйкан менен ишкерге көпүрө Бизнес-форум – дыйкан менен ишкерге көпүрө

Жалал-Абад шаарында  21-22-июнь күндөрү  айыл чарба азыктарын жарнамалоону жана областка инвестиция тартууну көздөгөн  II Эл аралык  бизнес форум   болуп өттү.  Анда  айыл чарба азыктарынын...

27 - Июня  2016 | 12 : 221655