Ортоктуктар ордунан жылгысы келбейт

6 - Февраля  2018 | 5 : 31483
Ортоктуктар ордунан жылгысы келбейт

 

 

Сузак районуна караштуу Орток айылында жер көчкү кооптуулугунан улам 100дөн ашуун бала билим алган мектеп жабылып,  жергиликтүү бийлик айылдагы 33 түтүндү коопсуз жайларга көчүрүү аракетин көрүп жатышат. Деген менен бийликтин талабына  баш ийбеген элеттиктер жылуу жумшак жеринен көчүүнү каалабастан,  мектепти убактылуу ачып берүүсүн талап кылышууда.

 

Өзгөчө кырдаалдар министрлигинин Сузак районундагы бөлүмүнүн жетекчиси Алманбет Карабековдун айтымында,  1998-жылдан 2005-жылга чейин  Орто айылындагы 133 түтүнгө тең жер тилке берилип, 250 миң сомдон ссудалар да берилген. Андагы үй-бүлөлөрдүн 100ү коопсуз аймакка көчүп кетишкен. Ал эми 33 түтүн мамлекеттен жардамын алганына карабастан жер которуша элек.

-Кооптуу аймакта жашап жаткан үй-бүлөлөргө  эскертмелер берилген, түшүндүрүү иштери жүрүп жатат.  Негизгиси азыр 33 кожолукту башка аймакка чыгарып кетүү зарылдыгы турат. Мектеп имаратына да кооптуулук жаралгандыктан жабууга туура келди.  Быйыл буга чейин коопсуз болуп келген 17 үй-бүлөгө да кооптуулук жаралды,- деп билдирди ал.

Район акими Эрмекбай Омошевдин ырастоосунда, аталган айылдагы Т. Алыбаев атындагы орто мектептин окуучуларын Жашасын айылындагы 600 орунга ылайыкташкан Жуманазаров  мектебине которуу  аракетин көрүшүүдө. Ал эми жашоочулардын окуу жылы бүткөнгө чейин   балдарды айылдагы ФАПка окутуп туруу өтүнүчү каралууда. Бийлик түшүндүрүү иштерине карабастан көчүүнү каалабаган жарандарды мажбурлап көчүрүү үчүн сотко кайрылууга аргасыз болушууда.

Орток айылынын жашоочулары болсо жер көчкү жүрүүсү мүмкүн болгон жерлерди кайрадан мониторинг жасоо керектигин  айтышууда. Ошол эле тапта айыл жашоочулар өздөрү бир пикирге келе албай, талашып тартышкан учурлары жок эмес. Саналуу гана жарандар көчүү зарылдыгын айтышса, дээрлиги айылда эл кооптонгудай жер көчкү жүрүүсү мүмкүн болгон жарака жоктугун айтышууда жана мектепти жабылуусуна нааразы болушууда. Элеттиктердин ырастоолорунда бир канча жылдан бери эле эки коктудан жаз мезгилинде бир аздан топурак түшүп турат. Буга чейин элге эч кандай зыяны тийген эмес.

-Жарды жарака деп элди дүрбөтүүнүн кереги жок. Бийлик бизди жылуу ордубуздан козгобой эле коюшсун. Мектептин маңдайындагы жарака  имаратка эч кандай кооптуулук жаратпайт. Бийлик дүрбүп жаткан колоттон кээде көчкү түшүп жар болуп катып калат, эл жайкысын чөптөрүн оруп жыйнап эле жүрөт. Айылдын тоогун да көчкү баскан эмес.  Бийлик башка аймакка көчүргөн менен айылдагыдай шарт түзүп бере алышпайт» деген пикирди карманышууда. Айылдагы  аксакалдар арасында  «сөөгүм ушул айылдагы топуракка коюлушу керек, эч кайда кетпейм» дегендери да жок эмес.  Айтор, элеттиктер айрымдарынын айылдан көчүп кетүү ниеттери жок экенин ачык айткандар да бар.

 Ал эми Кара-Алма айыл аймагынын жетекчилиги, ӨКМдин Сузак районундагы өкүлдөрү айыл эли менен жолугушуп,  адистер негиз болгон үчүн кооптуу деп табышкандыгын, башка аймакка көчүү зарылдыгын белгилешти.  Жергиликтүү бийлик 17 үй-бүлөгө жер тилке ажыратып берүү боюнча иш алып барышууда. Алардын балдарын К. Эрматов атындагы жатак мектебине жайгаштыруу кадамы жүрүп жатат.  

Кошумчалай кетсек, Сузак районунда 900дөн ашык түтүн кооптуу аймакта жашашат.

 

Жумагүл Шайыкова  

Досторуң менен бөлүш

Коментарии FACEBOOK:



Тектеш жаңылыктар

Майда эмес маселелер арбын Майда эмес маселелер арбын

Жалал-Абад областтык өкүлчүлүгүндө өткөн коллегияда жарандарды турак жай менен камсыз кылуу, административдик башкаруунун  абалы  ошондой эле  тарых жана маданият жылындагы аткарылып жаткан иштер...

6 - Июня  2016 | 18 : 71018
ВИЧ илдети баш ооруга айланууда ВИЧ илдети баш ооруга айланууда

  Област аймагында бүгүнкү күндө  708 атуул ВИЧ/СПИД илдетин жуктуруп алган, анын 76сын жашы жете элек өспүрүмдөр түзөт. Мындай маалымат областтык саламаттыкты сактоонун координациялык кеңешменин Ноокен...

6 - Июня  2016 | 18 : 111302
Секелектердин тагдыры сестентет Секелектердин тагдыры сестентет

Областта акыркы үч жылда 15-17 жаштагы кыздардын турмушка чыгуусу көбөйдү.  Ага мисал иретинде 2013-жылы 146 кыз үй-бүлө курган. Андан кийинки жылы 205 кыз мектепти бүтпөй турмуш жолуна аттанган. Былтыр  212 өспүрүм кыз...

6 - Июня  2016 | 18 : 42833
Үй курганга жер берчи Үй курганга жер берчи

2009-жылы республикада сугат аянттарды турак-жай үчүн бөлүп берүүгө мораторий жарыяланган. Ага чейин өлкө аймагында 38  миң  адам  айыл чарба жерлеринин сугат жайларына 42 миӊ турак  жай куруп алган. Бирок,...

7 - Июня  2016 | 12 : 451023
Шаардыктар көчөнү кеңейтүүнү каалады Шаардыктар көчөнү кеңейтүүнү каалады

Жалал-Абад шаарынын  Ленин көчөсүн кеңейтүүнүн  экинчи этабы башталды. Борбордук жолду кеңейтүү  жумушун колго алган шаар бийлигинин  аракетин  шаар жашоочулары гана эмес,  областтын  калкы да...

10 - Июня  2016 | 16 : 40531
ЖАЛАЛ-АБАДДА ЭСКИ ТӨРӨТ ҮЙҮНҮН ИМАРАТЫН ЖАНА ЖЕРИН КИМ САТКАН? ЖАЛАЛ-АБАДДА ЭСКИ ТӨРӨТ ҮЙҮНҮН ИМАРАТЫН ЖАНА ЖЕРИН КИМ САТКАН?

Жалал-Абад шаарынын прокуратурасы быйылкы 17-майда Жалал-Абад областынын райондор аралык сотуна доо арыз менен кайрылып, Жалал-Абад шаарынын мэриясынын 2009-жылдын 26-июнундагы №41 жер аянтын сатуу жана сатып алуу...

15 - Июня  2016 | 10 : 31318
Бизнес-форум – дыйкан менен ишкерге көпүрө Бизнес-форум – дыйкан менен ишкерге көпүрө

Жалал-Абад шаарында  21-22-июнь күндөрү  айыл чарба азыктарын жарнамалоону жана областка инвестиция тартууну көздөгөн  II Эл аралык  бизнес форум   болуп өттү.  Анда  айыл чарба азыктарынын...

27 - Июня  2016 | 12 : 221655