ЖАЛАЛ-АБАД: БЫЙЫЛ ШААРГА СЕЛ КОРКУНУЧУ БОЛБОЙБУ?

6 - Февраля  2018 | 9 : 16763
ЖАЛАЛ-АБАД: БЫЙЫЛ ШААРГА СЕЛ КОРКУНУЧУ БОЛБОЙБУ?

 

 

Быйыл жазда Жалал-Абад шаарына караштуу 600гө жакын турак-жай сел жууп кетүү коркунучунда турат. Өткөн жылы суу ташкыны Көк-Арт дарыясындагы №9 жана 10-дамбанын 250 метр жээгин алып кеткен эле. Бирок, арадан бир жыл өтсө да оңдоп-түзөө иштери жүргүзүлбөй келет, анткени аталган жайга Өзгөчө кырдаалдар министрлигинин Жалал-Абад областтык Сел жана суу ташкындарынан коргоо бөлүмүнүн адистери ушул күнгө чейин барып, кабар алышкан эмес. Ал эми сел алуу коркунучунан улам айыл тургундарынын арасында нааразычылык жаралууда.

Жалал-Абад шаарынын четиндеги “Живпром” аймагынын тугундары өткөн жылы суунун агымы күчтүү болуп, суу ташкыны үйлөргө чейин жеткенин, эми ушундай эле коркунуч быйыл да кайталанышы ыктымалдыгын айтышат. Себеби ушул кезге чейин жээктерди бекемдөө иштери жүргөн эмес, тийиштүү жактардан эч ким кабар албаганына жергиликтүү тургундар нааразы.

Жазда суу кирген кезде жээкке жакын жайгашкан ишканаларга да сел коркунучу жаралган. Жеке ишкерлер да аймак тургундары менен чогуу жээкти бекемдөө иштерине катышкан. Бирок, жыл сайын эле ушундай иштерди жүргүзө берүүгө алардын чамасы жетпейт. Быйылкы жылы да Көк-Арт суусу кирип, ишкерлердин өткөн жылдагы мээнетти талаага кетиши мүмкүн. Шаардык кеңештин депутаты, “Абий” жоопкерчилиги чектелген коомунун жетекчиси Сайдилла Чимбердиевдин айтымында, өткөн жылы суу коркунучунда калган жээктерди сууга жакын жайгашкан тургундар менен чогуу өз күчтөрү менен бекемдеп, сууну тосуп калышкан. Эми быйылкы жылы тезинен чара көрүлбөсө, анда абал абдан оор болот.

Алынган маалыматтарга караганда, Көк-Суусунун сол жээгиндеги №9 дамба 1998-жылы кыркылган таштардан курулган. Коргоочу тосмонун узундугу 2601 метрге жетет жана жалпы баланстык наркы 26 миллион 560 миң 470 сомду түзөт. Ошол эле сол жээктеги №10 дамба 1987-жылы кыркылган таштардан курулган. Коргоочу тосмонун узундугу 6700 метр болуп, баланстык наркы 71 миллион 59 миң 818 сомго барабар. Бул кэи дамба тең Өзгөчө кырдаалдар министрлигинин Жалал-Абад областтык Сел жана суу ташкындарынан коргоо бөлүмүнүн балансында турат. Өткөн жылы 17-апрелдеги суу ташкыны учурунда ушул эки дамбанын 250 метр аралыгын суу жеп кетип, шаар тургундарына коркунуч жараткан. Бирок, шаар бийликтери билдиргендей, ушул кезге чейин оңдоо-түзөө иштери жүргүзүлгөн эмес.

Сел коркунучунун алдын алуу үчүн өткөн жылы декабрь айында Жалал-Абад шаарынын мэриясы тарабынан областтык Сел жана суу ташкындарынан коргоо бөлүмүнө иш-чараларды тездетүү боюнча кат жүзүндө сунуш жиберген. 1998-жылы курулган №9 жана 1987-жылы курулган №10 дамбаны тезинен бекемдөө зарылдыгы айтылган. Бирок, ушул кезге чейин аракеттер болбой жатканына шаар жетекчилери нааразы. Ал эми Сел жана суу ташкындарынан коргоо бөлүмүнүн жетекчиси Сапарбай Ормонов оңдоо-түзөө иштери тендерге коюлуп, анан гана апрель-май айларында жүргүзүлөрүн айтат. 

Жалал-Абад шаарынын вице-мэри Урмат Маматовдун азыртанэле жүргүзүлбөсө, быйылкы жылдын март, апрель айларынан суу жээгинде жайгашкан турак жайларга жана ишканаларга кыйын болот.

 

Нурайым Турдумаматова

Досторуң менен бөлүш

Коментарии FACEBOOK:



Тектеш жаңылыктар

Көк-Жаңгакта аскер кызматкерлеринин балдары үчүн  бала бакча ачылат Көк-Жаңгакта аскер кызматкерлеринин балдары үчүн бала бакча ачылат

Былтыркы жылы өлкө башчысы Алмазбек Атамбаев Көк-Жаңгак шаарындагы  №52870 аскер  бөлүгүн расмий ачылуусуна келгенде, аскер кызматкерлеринин балдарын бакча менен камсыздоо маселеси айтылган.  Өлкө башчы...

9 - Июня  2016 | 11 : 30580
Электрондук-санарип кол тамгасын колдонуу маселеси талкууланды Электрондук-санарип кол тамгасын колдонуу маселеси талкууланды

Жалал-Абад шаарында электрондук-санарип кол тамгасын колдонуу маселесин  ишкерлердин катышуусундагы тегерек үстөлдө талкууланды Жакында  “Жалал-Абад шаарынын ишкерлеринин электрондук-санарип кол...

6 - Июня  2016 | 17 : 39530
Ооруканага профсоюз өкүлдөрү келди Ооруканага профсоюз өкүлдөрү келди

Социалисттик Эмгектин Баатыры Шамшидин Сүйөркулов атындагы борборлоштурулган аймактык оорукананы медициналык кызматкерлердин республикалык тармактык профсоюздарынын өкүлдөрү көрүп чыкты. Мамлекетибиздин ...

6 - Июня  2016 | 17 : 421810
Төрт бөлмө жаңы  ачылды Төрт бөлмө жаңы ачылды

Тогуз-Торо районунун №4-Иса Иманбердиев атындагы орто мектептин мугалимдери мектеп окуучуларына тереңдетилген билим берүүгө умтулууда. Бул багытта мектепте өткөн жумада жаңыдан төрт класс-кабинет  ачылды. Бул...

6 - Июня  2016 | 17 : 44494
Област а 7 адам ипотекалык насыядан үйлүү болушту Област а 7 адам ипотекалык насыядан үйлүү болушту

Бүгүнкү күнгө чейин Жалал Абад областында 7 адам ипотекалык насыядан үйлүү болушту. Мугалимдер, медиктер жана  соц кызматкерлер жеңилдетилген кредиттен үй-жайга ээ болуп келсе, эми жалпы эле бюджетте иштеген...

7 - Июня  2016 | 12 : 491301
159 миң 28 турак жай камсыздандырылды 159 миң 28 турак жай камсыздандырылды

Жалал-Абад областында 200 миң турак жай камсыздандырылыш керек болсо 159 миң 28и мамлекеттик камсыздандыруудан өтүү. Сузак, Базар-Коргон райондорунда жана  айрыкча шаар жерлеринде үй жайын камсыздандыргандар...

7 - Июня  2016 | 12 : 52398
Кургак учук көбөйдү Кургак учук көбөйдү

 Жалал-Абад шаарында жыл башынан бери беш бала кургак учук менен ооруду. Былтыр бул дартка тогуз бала кабылган болчу. Чоң адамдардын да  кургак учукка чалдыгуусу көбөйгөн. Быйыл беш айдан бери 35 жаран ооруса, ...

9 - Июня  2016 | 12 : 3823