Элдик жыйында эл кимге нааразы болушту?

9 - Февраля  2018 | 8 : 38572
Элдик жыйында эл кимге нааразы болушту?

 

Эл үнү угулуп жаткан элдик жыйындар бул сапар Кара-Көл шаарында жана Токтогул районунда болду. Өкмөттүн Жалал-Абад областы боюнча ыйгарым укуктуу өкүлдүн орун басары Ырысбек Ызабеков баштаган жумушчу топ алгач Кара-Көл шаарынын тургундары менен жолугушту. Энергетиктер шаары аталган аймактагы тургундар негизинен  Улуттук энергохолдингдин жетекчиси Айбек Калиевдин келээри күтүлүп жаткандыктан, ага  тиешелүү суроолорду камдап  келишкенин айтышып, анын келбей калганына нааразы болушту.   Шаардыктардын ырастоолорунда,  Токтогул ГЭСтер Каскадына тиешелүү 1964-жылы курулуп, ушул күнгө чейин оңдоп-түзөөдөн өтпөгөн борбордук мончону оңдоо зарылдыгы турат.   Үйлөрдүн 90 пайызы жыгач үйлөр, меш колдонууга  мүмкүн эмес. Ошол үчүн өрт коопсуздук эрежелерине да маани берүү зарылдыгы бар экенин айтышты.  Ошондой эле Токтогул ГЭСтер Каскадынын карамагындагы  гидрокуруучулар жана энергетиктер үчүн салынган мончону,  коммуналдык ишканалар комбинатын шаардык мэрия өткөрө салууга кызыктар болуп жаткан Улуттук энергохолдингдин жетекчилигине нааразычылык күч экени баса белгиленди. Бул маселе боюнча шаардык кеңештин депутаты Тилек  Эстебес уулу да төмөнкүдөй үн катты:

- Айбек Калиев Улуттук энергохолдингди  жетектей баштагандан бери шаардагы коммуналдык ишканалар комбинатын шаардык мэрияга өткөрүп берүү аракети күч болууда.  Комбинатты  өткөрүп берсе эле Улуттук энергохолдингдин маселеси чечилип калчудай болуп жатышат.  Шаардын  бюджети  жылуулук цехи менен комбинатты каржылоону көтөрө албайт. Кыргызстанды электр энергиясы менен камсыздап жаткан шаардын  эки  ишканасын өткөрө салуу акылга сыйбаган кадам. Ансыз деле сатуудан түшкөн салыктар шаар бюджетине түшпөй шаардагы иштер аркага кетти-деди ал. Жыйында Токтогул ГЭСтер каскадына карапайым калктын жумушка орношуусу кыйынга тураары, шаарда жумушсуздук көйгөйү күч экендиги айтылды. Шаар мэри  Ильяз Еркеев: Мага күнүнө 20дай адам жумушсуздук маселеси менен кайрылышат, көпчүлүгү  Токтогул ГЭСтер Каскадына жумушка орношууну каалашат. Бирок, алар да  жумуш ордулары чектелүү. Оот айылына акыркы үлгүдөгү  техникалар менен жабдылган экологияга зыянсыз заманбап цемент заводу курулганы жатат. Эгер бул завод ишке кирип калса  300-400 жумуш орду түзүлүп калат. Андан сырткары Камбар-Ата шаарчасына дагы  инвестиция келе жатат. Пландалган максаттар жүзөгө ашса анда  шаарчада дагы 100 жумушчу орун пайда болот,-деди .

Камбар-Ата шаарчасындагы таза суу көйгөйү да көтөрүлдү. Маалыматка караганда, аталган шаарчаны таза суу менен камсыздоо үчүн 13 чакырымга суу түтүктөрү тартылган, бирок жумуш учурунда аяктабай создугуп кеткендиктен 500дүк суу түтүктөрдүн 8 чакырымы уурдалып кеткен. Шаарчага таза суу жеткирүү боюнча 2014-жылы жергиликтүү бийлик  тендери жок эле “Кызыл Буурчак” ЖЧКсы менен  келишим түзүлүп жумуш башталган. Тилекке каршы таза суу  чыгаруу жоопкерчилигин алган  жоопкерчилиги чектелген коом  бүгүнкү күнгө чейин өзүнө тийиштүү болгон жумушту жасабай жүрөт.  Куруучулар 3 жылдан бери  жергиликтүү бийликке “Ана барабыз, мына барабыз” деген шылтоолорду айтып келишет. Бул маселе боюнча финполиция кылмыш ишин козголуп, иш жабыла элек. Ошол үчүн да жергиликтүү бийлик ал шаарчага каражат кароого мүмкүн болбогондуктан, конкреттүү кадамдарга бара албай жатышат. Калаа башчысы бул багытта дагы колдон келген аракеттер жасалаарын айтты.  Айтор, шаардыктар энергетика тармагына байланышкан суроолорду беришип, областтык бийлик өкүлдөрүн тийиштүү жетекчилерге жеткирүүнү суранышты.

Токтогул районунда элдик жыйын Үч-Терек айыл аймагында жана Токтогул шаарында өттү. Мында суу сактагыч алдынан көчүп чыккан элеттиктердин  таза суу көйгөйү курч экени белгиленди.  Мисалы Кетмен-Төбө айыл аймагындагы Терек-Суу айылында 8 миңге чукул калк жашайт. Аталган айылда агын суу да жок. 600 гектарга ылайыкташып насостун жардамы менен суу жеткирилген, бирок 1000гектардай жер өздөштүрүлүп, насостун кубаттуулугу  жетпей калды. Жергиликтүү кеңештин депутаты Бакытбек Чороевдин айтымында, жай мезгилинде көп кыйынчылыкка кабылышууда.

-Биздин айылда агын суу деген жок. Насостун жардамы менен араң суу ичебиз акыркы жылдары суу да убагында чыкпай убай тартуудабыз.  Жай мезгилинде насос бузулду эле 3-4 күн таптакыр суу жок калк кыйналдык же мал жандык ичкени суу жок, же эл ичкени суу жок. Бизге суу жеткирилген насосторду оңдоп бербесеңиздер жай мезгилинде суусу жок калганы турабыз-деди жергиликтүү кеңештин депутаты.  Мындан сырткары ушул эле аймактагы Ак-Тектир айылында  айылга суу кетүүчү башкы булактын айланасын тосмолоо зарылдыгы, калк саз жыттанган суу ичип жатышканы маалым болду. Торкент айыл аймагында болсо 2 миңге жакын калк суу ичкен насостук станциядагы трансформатр жарылып, 3 күндөн бери калк 2-3 чакырымга чейинки аралыктагы булактардан ат, эшектер менен  суу ташууга мажбур болушууда. 

Жыйында  авариялык абалдагы мектептердин абалы, бала бакчалардын жетишсиздиги айтылды. Ыйгарым укуктуу өкүлдүн орун басары Ы. Ызабеков калк көйгөйүн угуу үчүн келишкенин, айтылган  маселелер протоколго түшүрүлүп жатканын белгиледи.

-Өкмөттүн “Жаңы доорго 40 кадам”  программасын иштеп чыкканбыз. Өкмөт башчынын тапшырмасы менен эл көйгөйүн угуу үчүн жер-жерлерде  элдик жыйындар өтүүдө.  Аймактагы көйгөйлөрдү тереңден билүүгө жакшы мүмкүнчүлүк болууда.  Айтылган маселелердин баарысы иргелет,  жергиликтүү бийлик  чече ала турган маселелер боюнча өзүбүз иш алып барабыз. Биздин күчүбүз жетпеген көйгөйлөрдү өкмөткө жеткирип, калк көйгөйүн чечүүгө болгон кадамдарды жасайбыз-деди Ы. Ызабеков.

Кошумчалай кетсек, Сузак районунан башталган элдик жыйындар Тогуз-Торо районунан башка район-шаарларда өткөрүлүп, калк көйгөйү угулду.

 

Жумагүл ШАЙЫКОВА

 

 

 

Досторуң менен бөлүш

Коментарии FACEBOOK:



Тектеш жаңылыктар

Майда эмес маселелер арбын Майда эмес маселелер арбын

Жалал-Абад областтык өкүлчүлүгүндө өткөн коллегияда жарандарды турак жай менен камсыз кылуу, административдик башкаруунун  абалы  ошондой эле  тарых жана маданият жылындагы аткарылып жаткан иштер...

6 - Июня  2016 | 18 : 71037
ВИЧ илдети баш ооруга айланууда ВИЧ илдети баш ооруга айланууда

  Област аймагында бүгүнкү күндө  708 атуул ВИЧ/СПИД илдетин жуктуруп алган, анын 76сын жашы жете элек өспүрүмдөр түзөт. Мындай маалымат областтык саламаттыкты сактоонун координациялык кеңешменин Ноокен...

6 - Июня  2016 | 18 : 111313
Секелектердин тагдыры сестентет Секелектердин тагдыры сестентет

Областта акыркы үч жылда 15-17 жаштагы кыздардын турмушка чыгуусу көбөйдү.  Ага мисал иретинде 2013-жылы 146 кыз үй-бүлө курган. Андан кийинки жылы 205 кыз мектепти бүтпөй турмуш жолуна аттанган. Былтыр  212 өспүрүм кыз...

6 - Июня  2016 | 18 : 42843
Үй курганга жер берчи Үй курганга жер берчи

2009-жылы республикада сугат аянттарды турак-жай үчүн бөлүп берүүгө мораторий жарыяланган. Ага чейин өлкө аймагында 38  миң  адам  айыл чарба жерлеринин сугат жайларына 42 миӊ турак  жай куруп алган. Бирок,...

7 - Июня  2016 | 12 : 451034
Шаардыктар көчөнү кеңейтүүнү каалады Шаардыктар көчөнү кеңейтүүнү каалады

Жалал-Абад шаарынын  Ленин көчөсүн кеңейтүүнүн  экинчи этабы башталды. Борбордук жолду кеңейтүү  жумушун колго алган шаар бийлигинин  аракетин  шаар жашоочулары гана эмес,  областтын  калкы да...

10 - Июня  2016 | 16 : 40535
ЖАЛАЛ-АБАДДА ЭСКИ ТӨРӨТ ҮЙҮНҮН ИМАРАТЫН ЖАНА ЖЕРИН КИМ САТКАН? ЖАЛАЛ-АБАДДА ЭСКИ ТӨРӨТ ҮЙҮНҮН ИМАРАТЫН ЖАНА ЖЕРИН КИМ САТКАН?

Жалал-Абад шаарынын прокуратурасы быйылкы 17-майда Жалал-Абад областынын райондор аралык сотуна доо арыз менен кайрылып, Жалал-Абад шаарынын мэриясынын 2009-жылдын 26-июнундагы №41 жер аянтын сатуу жана сатып алуу...

15 - Июня  2016 | 10 : 31319
Бизнес-форум – дыйкан менен ишкерге көпүрө Бизнес-форум – дыйкан менен ишкерге көпүрө

Жалал-Абад шаарында  21-22-июнь күндөрү  айыл чарба азыктарын жарнамалоону жана областка инвестиция тартууну көздөгөн  II Эл аралык  бизнес форум   болуп өттү.  Анда  айыл чарба азыктарынын...

27 - Июня  2016 | 12 : 221659