Ооганчылар күнү эскерилди

16 - Февраля  2018 | 9 : 7696
Ооганчылар күнү эскерилди

Ооган согушунун ардагерлеринин ошол кездерде жасаган күжүрмөн эрдиги өлкөбүз үчүн чоң кызмат жана Мекенди сүйүүнүн үлгүсү. Бул тууралуу Жалал-Абад шаардык мэриясынын вице-мэри Турдаалы Темирбаев Жалал-Абад шаарындагы “Жеңиш” багында Советтик аскерлердин Ооганстандан чыгарылгандыгынын 29 жылдык эскерүү күнүндө билдирди.  

Анын айтымында, Ооган согушуна катышкан жоокерлер Мекенди сүйүүгө үндөө менен бирге Кыргызстандын келечегин өз колуна ала турган жаш муундарды тарбиялоодо эмгектери зор.

“Жергиликтүү бийликтер ооган согушунун ардагерлерине керектүү жеңилдиктерди көрүп, жардамдарын берип келе жатышат. Бирок, ал берилип жаткан жардамдар, камкордуктар толук кандуу жетиштүү деп айтуу кыйын. Мунун баары өлкөнүн социалдык-экономикалык абалына байланыштуу.  Бирок, эң негизги камкордук–булл сиздерге болгон көңүл буруу, сиздердин коомдук статусуңуздар, коомдогу аброюңуздар болуп саналат”,-деди Т.Темирбаев.  

Ооган согушунун 27 жылдык эскерүү аземине шаар аймагындагы Ооган согушунун ардагерлери, мекеме-ишкана жетекчилери катышып, эстеликке гүлчамбарлар коюлуп, Ооган согушунда курман болгон жоокерлерге арналып куран түшүрүлдү. Ооган согушунун катышуучусу Камчыбек Сабыровдун маалыматында Жалал-Абад шаарындагы Ооган согушунун ардагерлеринин саламаттыгын чыңдоо үчүн реаблитациялык борбор керек. Антикени, Жалал-Абад шаарындагы Ооган согушунун ардагерлери саламаттыгын чыңдоого Бишкек жана Ош шаарындагы реаблитациялык борборлорго барып 10 күнгө саламаттыгын чыңдашып келишет.

-Учурда Жалал-Абад шаарында 88 Ооган согушунун ардагери бар. Алардын арасынан үчөөсүнүн мүмкүнчүлүгү чектелген. Убакыт өткөн сайын алардын катары азайып барууда. Согуштан кайтып келгенден кийин 20сы кайтыш болуп кетишти. Мурда жол акы, саламаттыкты чыңдоо боюнча жеңилдиги менен жолдомолор сыяктуу кепилдиктер каралып келген. Кийин монетаризациялоо менен ал жеңилдиктерди акчага которушкан болчу. Азыр ардагерлер айына 6 миң сомдон ошол жеңилдиктерди алып турушат. Анан саламаттыгын чыңдоого Бишкек, Ош шаарларына реаблитациялык борборлорго барабыз-деп кошумчалады К.Сабыров 

Белгилей кетсек, Жалал-Абад шаарынан 150 аскер Ооганстанга аттанган, 2 жоокер согуш талаасында курман болсо, кийин тынчтык күндөрү 25 жоокер каза тапкан. Бүгүнкү күндө шаарда 88 ардагер бар. Аларга жергиликтүү казынадан 90 миң 600 сом бөлүнүп, ар бир ардагерге 700 сомдон акчалай сый көрсөтүлдү жана сый тамак тартууланды.

 

Элиза АКЖОЛТОЕВА  

 

 

 

 

Досторуң менен бөлүш

Коментарии FACEBOOK:



Тектеш жаңылыктар

Көк-Жаңгакта аскер кызматкерлеринин балдары үчүн  бала бакча ачылат Көк-Жаңгакта аскер кызматкерлеринин балдары үчүн бала бакча ачылат

Былтыркы жылы өлкө башчысы Алмазбек Атамбаев Көк-Жаңгак шаарындагы  №52870 аскер  бөлүгүн расмий ачылуусуна келгенде, аскер кызматкерлеринин балдарын бакча менен камсыздоо маселеси айтылган.  Өлкө башчы...

9 - Июня  2016 | 11 : 30580
Электрондук-санарип кол тамгасын колдонуу маселеси талкууланды Электрондук-санарип кол тамгасын колдонуу маселеси талкууланды

Жалал-Абад шаарында электрондук-санарип кол тамгасын колдонуу маселесин  ишкерлердин катышуусундагы тегерек үстөлдө талкууланды Жакында  “Жалал-Абад шаарынын ишкерлеринин электрондук-санарип кол...

6 - Июня  2016 | 17 : 39530
Ооруканага профсоюз өкүлдөрү келди Ооруканага профсоюз өкүлдөрү келди

Социалисттик Эмгектин Баатыры Шамшидин Сүйөркулов атындагы борборлоштурулган аймактык оорукананы медициналык кызматкерлердин республикалык тармактык профсоюздарынын өкүлдөрү көрүп чыкты. Мамлекетибиздин ...

6 - Июня  2016 | 17 : 421810
Төрт бөлмө жаңы  ачылды Төрт бөлмө жаңы ачылды

Тогуз-Торо районунун №4-Иса Иманбердиев атындагы орто мектептин мугалимдери мектеп окуучуларына тереңдетилген билим берүүгө умтулууда. Бул багытта мектепте өткөн жумада жаңыдан төрт класс-кабинет  ачылды. Бул...

6 - Июня  2016 | 17 : 44494
Област а 7 адам ипотекалык насыядан үйлүү болушту Област а 7 адам ипотекалык насыядан үйлүү болушту

Бүгүнкү күнгө чейин Жалал Абад областында 7 адам ипотекалык насыядан үйлүү болушту. Мугалимдер, медиктер жана  соц кызматкерлер жеңилдетилген кредиттен үй-жайга ээ болуп келсе, эми жалпы эле бюджетте иштеген...

7 - Июня  2016 | 12 : 491301
159 миң 28 турак жай камсыздандырылды 159 миң 28 турак жай камсыздандырылды

Жалал-Абад областында 200 миң турак жай камсыздандырылыш керек болсо 159 миң 28и мамлекеттик камсыздандыруудан өтүү. Сузак, Базар-Коргон райондорунда жана  айрыкча шаар жерлеринде үй жайын камсыздандыргандар...

7 - Июня  2016 | 12 : 52398
Кургак учук көбөйдү Кургак учук көбөйдү

 Жалал-Абад шаарында жыл башынан бери беш бала кургак учук менен ооруду. Былтыр бул дартка тогуз бала кабылган болчу. Чоң адамдардын да  кургак учукка чалдыгуусу көбөйгөн. Быйыл беш айдан бери 35 жаран ооруса, ...

9 - Июня  2016 | 12 : 3823