Суу ташкындан коргоо максаты

26 - Февраля  2018 | 4 : 57546
Суу ташкындан коргоо максаты

 

 

 

Өткөн аптада  республиканын  Өзгөчө кырдаалдар министринин орун басары Равшан Рысбаев Жалал-Абад областындагы быйыл жазда күтүлүүчү суу ташкындардын алдын алуу максаты менен министрлик тарабынан аткарылып жаткан иштерге кызыкты. Анткени, областтын дарыя, сай-каналдарынын жээктери  жетиштүү түрдө  ишенимдүү бекемделген эмес. Маселен, Сузак районунун Благовещенка участкасындагы Көк-Арт дарыясындагы дамбалардан алыс эмес жерлерден шагыл казган ишкерлердин аракети дагы да токтой элек. Колдонуу мөөнөтү бүтө элек дамбалардын айланасынан шагыл көп казылгандыктан сай дамбанын тулку боюнан бир метрге төмөндөп кеткен. 

- Тармактык уюмдардын нечен жолку  эскертүүлөрүнө карабай, Жалал-Абад областында сел жана суу ташкындарынан коргоо максатында курулган дамбаларга жакын суу жээктеринен шагыл казуу иши дагы эле улантылууда. Эгер бул жагдайга жергиликтүү бийлик тарабынан өз учурунда чара көрүлбөсө, жаз жана жай айларында сел кырсыгы көптөгөн чыгымдарды алып келиши мүмкүн - деди министрдин орун басары Р. Рысбаев.

Азыркы мезгилде ушул эле Көк-Арт дарыясында №4 - коргоочу тосмонун төрт жүз элүү чакырым аралыгын кайра калыбына келтирүү иши жүргүзүлүп жатат. Тосмонун бул аралыгы өткөн жылы жаз айында болгон суу ташкында жарактан чыккан. Дамбанын сметалык баасы жыйырма беш миллион сом. Жогоруда аталган райондун  Чаңгыр-Таш участкасын бойлогон Кара-Дарыя суусунун жээгиндеги № 20 - суу тосмосун куруу иши да улантылууда. Үч жүз элүү метр келген суу тосмонун сметалык баасы 28 млн сомду түзөт.

Ноокен районунда да өткөн жылдагы селдин кесепетинен бузулган суу тосмолорду жаңылоо иштери жүрүүдө. Арал айыл аймагынын Арал участкасында №2 -тосмо турат. Учурда тосмонун жарактан чыккан 270 метр аралыгы курулуп жатат. Кара-Үңкүр дарыясынан жабыр тарткан Сакалды айыл аймагынын Кыргызстан участкасында №6 - суу тосмонун алты жүз метр аралыгында курулуш иштери кызуу жүрүп жатат.

Министрдин орун басары Р.Рысбаев ӨКМдин “Сел жана суу ташкындарынан коргоо” мамлекеттик агенттиги тарабынан курулуп жаткан суу тосмолорун кыдырып чыккандан кийин  бардык участоктордогу ишти март айы ичи бүтүрүү тапшырмасын берди. Анткени,  атайын адистер болжогондой эрте жаздан тарта суулардын деңгээли көтөрүлүп, дарыялардын жээктерине жакын жайгашкан айылдарга коркунуч келе башташы мүмкүн.


Ырысбай Абдыраимов

 

Досторуң менен бөлүш

Коментарии FACEBOOK:



Тектеш жаңылыктар

Көк-Жаңгакта аскер кызматкерлеринин балдары үчүн  бала бакча ачылат Көк-Жаңгакта аскер кызматкерлеринин балдары үчүн бала бакча ачылат

Былтыркы жылы өлкө башчысы Алмазбек Атамбаев Көк-Жаңгак шаарындагы  №52870 аскер  бөлүгүн расмий ачылуусуна келгенде, аскер кызматкерлеринин балдарын бакча менен камсыздоо маселеси айтылган.  Өлкө башчы...

9 - Июня  2016 | 11 : 30511
Электрондук-санарип кол тамгасын колдонуу маселеси талкууланды Электрондук-санарип кол тамгасын колдонуу маселеси талкууланды

Жалал-Абад шаарында электрондук-санарип кол тамгасын колдонуу маселесин  ишкерлердин катышуусундагы тегерек үстөлдө талкууланды Жакында  “Жалал-Абад шаарынын ишкерлеринин электрондук-санарип кол...

6 - Июня  2016 | 17 : 39481
Ооруканага профсоюз өкүлдөрү келди Ооруканага профсоюз өкүлдөрү келди

Социалисттик Эмгектин Баатыры Шамшидин Сүйөркулов атындагы борборлоштурулган аймактык оорукананы медициналык кызматкерлердин республикалык тармактык профсоюздарынын өкүлдөрү көрүп чыкты. Мамлекетибиздин ...

6 - Июня  2016 | 17 : 421774
Төрт бөлмө жаңы  ачылды Төрт бөлмө жаңы ачылды

Тогуз-Торо районунун №4-Иса Иманбердиев атындагы орто мектептин мугалимдери мектеп окуучуларына тереңдетилген билим берүүгө умтулууда. Бул багытта мектепте өткөн жумада жаңыдан төрт класс-кабинет  ачылды. Бул...

6 - Июня  2016 | 17 : 44453
Област а 7 адам ипотекалык насыядан үйлүү болушту Област а 7 адам ипотекалык насыядан үйлүү болушту

Бүгүнкү күнгө чейин Жалал Абад областында 7 адам ипотекалык насыядан үйлүү болушту. Мугалимдер, медиктер жана  соц кызматкерлер жеңилдетилген кредиттен үй-жайга ээ болуп келсе, эми жалпы эле бюджетте иштеген...

7 - Июня  2016 | 12 : 491263
159 миң 28 турак жай камсыздандырылды 159 миң 28 турак жай камсыздандырылды

Жалал-Абад областында 200 миң турак жай камсыздандырылыш керек болсо 159 миң 28и мамлекеттик камсыздандыруудан өтүү. Сузак, Базар-Коргон райондорунда жана  айрыкча шаар жерлеринде үй жайын камсыздандыргандар...

7 - Июня  2016 | 12 : 52364
Кургак учук көбөйдү Кургак учук көбөйдү

 Жалал-Абад шаарында жыл башынан бери беш бала кургак учук менен ооруду. Былтыр бул дартка тогуз бала кабылган болчу. Чоң адамдардын да  кургак учукка чалдыгуусу көбөйгөн. Быйыл беш айдан бери 35 жаран ооруса, ...

9 - Июня  2016 | 12 : 3737