Таштандыга төлөм кымбаттайбы?

26 - Февраля  2018 | 5 : 12484
Таштандыга төлөм кымбаттайбы?

Жалал-Абад шаардык «Тазалык» ишканасы  жаз алды менен тарифтерди жогорулатууну пландоодо. Бул тууралуу шаардык кеңештин сегизинчи чакырылышынын бешинчи сессиясында сөз болду.

Күн тартибинде каралган он маселенин орчундуусу болгон тариф таржымалы көп талкуу жаратты.“Тазалык” ишканасынын жетекчиси Төлөнбек Бакиров 2014-жылдан бери таштандыга болгон төлөмдөр көтөрүлбөгөндүктөн ишкананын айрым көйгөйлүү маселелерин чечүү кыйынга туруп жатканын кыйытты.

Буга чейин көп кабаттуу үйлөрдүн тургундары жан башына 20 сомдон, жер үйдө жашагандар 23 сом 68 тыйындан төлөп келишкен. Эми көп кабаттуу үйлөрдө тургандар 25 сомдон, жер үйдөгүлөр 30 сомдон төлөө керектиги сунушталды. Бул сунушту депутаттар кабыл алып, токтом чыгарып берсе, март айынан баштап таштанды төлөмдөрү жаңы тариф менен ишке аша баштайт.

Айрым депутаттар бул сунушка макул болушпай, тарифтердин кымбатташы шаар тургундарына оор келерин айтышты. Депутат Мирлан Туманов финансылык маселелерди тарифтерди көтөрүү менен чечпестен, таштандыга убагында төлөбөй жаткан абоненттердин артынан түшүп төлөтүү менен кыйынчылыктан чыгуунун аракетин көргөн оң  деп эсептейт.

-Мен каршымын,силер жергиликтүү бюджеттен да 8 миллион 800 миң сурап жатасыңар. Бөлүнгөн ушул акча менен деле ички маселеңерди чечип алсаңар болот. Ошол эле учурда тарифтерди көтөрүүнү да көздөп жатасыңар. Муну жетекчинин иштин көзүн билбегендиги, чабалдыгы деп бааласа болот- дейт Мирлан Туманов.

Эгер баа көтөрүлсө,  ишканада иштеп жаткан 87 жумушчунун айлык акылары көбөйөт. Тактап айтканда, “Тазалыктын” капчыгына 3 миллион 450 сом кошулат. Андан сырткары эки күндө бир таштанды алууга мүмкүнчүлүк жаралат. Учурда 53 миң абонент таштанды төлөмдөрүн төлөшөт. Анын ичинен 15 миңи ар кандай себептерден улам таштандыга төлөөдөн баш тартышкан. Айрым акыр-чикир акы төлөөчүлөрдүн көчөсү менен турак-жайлардын арасына  таштанды ташуучу унаалардын кирүүгө мүмкүндүгү жок.  Бүгүнкү күндө ишкананын 1 миллион 268 миң дебитордук карызы бар. Көп жылдан бери16 үй бүлө таштандыга акча төлөбөй,  соттун кийлигишүүсү менен гана төлөп башташкан. Учурда эки жылдан бери таштанды үчүн акча бербеген жети адамдын иши сотто каралууда.    

Кошуна Ош шаарында таштандыга болгон тарифтер 25, 30 сомго көтөрүлгөн. Областтын аймагында да баалар бирдей эмес. Ала-Букада таштанды үчүн 27 сомдон алынат. Таштанды төлөмдөрүн кыбаттатуу Жалал-Абад шаарында эми гана көтөрүлүп жатат. Шаар мэри Салайдин Авазов “бул кескин кымбаттатуу эмес” деп эсептейт. Анын айтымында тарифтерди көтөрүү менен иштин сапаты да артышы керек. Учурда укук коргочулар, массалык маалымат каражаттары жана аймактык башкаруу кызматкерлери менен абоненттерди көбөйтүү аракеттери жүрүүдө.         

                                    

Гүлнура КЕЛДИБАЕВА

Досторуң менен бөлүш

Коментарии FACEBOOK:



Тектеш жаңылыктар

Көк-Жаңгакта аскер кызматкерлеринин балдары үчүн  бала бакча ачылат Көк-Жаңгакта аскер кызматкерлеринин балдары үчүн бала бакча ачылат

Былтыркы жылы өлкө башчысы Алмазбек Атамбаев Көк-Жаңгак шаарындагы  №52870 аскер  бөлүгүн расмий ачылуусуна келгенде, аскер кызматкерлеринин балдарын бакча менен камсыздоо маселеси айтылган.  Өлкө башчы...

9 - Июня  2016 | 11 : 30512
Электрондук-санарип кол тамгасын колдонуу маселеси талкууланды Электрондук-санарип кол тамгасын колдонуу маселеси талкууланды

Жалал-Абад шаарында электрондук-санарип кол тамгасын колдонуу маселесин  ишкерлердин катышуусундагы тегерек үстөлдө талкууланды Жакында  “Жалал-Абад шаарынын ишкерлеринин электрондук-санарип кол...

6 - Июня  2016 | 17 : 39481
Ооруканага профсоюз өкүлдөрү келди Ооруканага профсоюз өкүлдөрү келди

Социалисттик Эмгектин Баатыры Шамшидин Сүйөркулов атындагы борборлоштурулган аймактык оорукананы медициналык кызматкерлердин республикалык тармактык профсоюздарынын өкүлдөрү көрүп чыкты. Мамлекетибиздин ...

6 - Июня  2016 | 17 : 421774
Төрт бөлмө жаңы  ачылды Төрт бөлмө жаңы ачылды

Тогуз-Торо районунун №4-Иса Иманбердиев атындагы орто мектептин мугалимдери мектеп окуучуларына тереңдетилген билим берүүгө умтулууда. Бул багытта мектепте өткөн жумада жаңыдан төрт класс-кабинет  ачылды. Бул...

6 - Июня  2016 | 17 : 44453
Област а 7 адам ипотекалык насыядан үйлүү болушту Област а 7 адам ипотекалык насыядан үйлүү болушту

Бүгүнкү күнгө чейин Жалал Абад областында 7 адам ипотекалык насыядан үйлүү болушту. Мугалимдер, медиктер жана  соц кызматкерлер жеңилдетилген кредиттен үй-жайга ээ болуп келсе, эми жалпы эле бюджетте иштеген...

7 - Июня  2016 | 12 : 491263
159 миң 28 турак жай камсыздандырылды 159 миң 28 турак жай камсыздандырылды

Жалал-Абад областында 200 миң турак жай камсыздандырылыш керек болсо 159 миң 28и мамлекеттик камсыздандыруудан өтүү. Сузак, Базар-Коргон райондорунда жана  айрыкча шаар жерлеринде үй жайын камсыздандыргандар...

7 - Июня  2016 | 12 : 52364
Кургак учук көбөйдү Кургак учук көбөйдү

 Жалал-Абад шаарында жыл башынан бери беш бала кургак учук менен ооруду. Былтыр бул дартка тогуз бала кабылган болчу. Чоң адамдардын да  кургак учукка чалдыгуусу көбөйгөн. Быйыл беш айдан бери 35 жаран ооруса, ...

9 - Июня  2016 | 12 : 3737