“Баткенчилер” балдарга мекенди сүйүүнү үйрөтүштү

27 - Февраля  2018 | 8 : 19609
“Баткенчилер” балдарга мекенди сүйүүнү үйрөтүштү

 

 

Жалал-Абад областындагы Баткен согушунун ардагерлери мектеп окуучулары арасында патриоттук сезимге тарбиялоо иштерин баштап, 100дөн ашуун ардагер дээрлик күн сайын жолугушууларды өткөрүшүүдө. Жалал-Абад шаарындагы №1 мектеп-гимназиясынын окуучулары менен болгон кезектеги жолугушуу Мекенди коргоочулар күнүнө дал келип, кечээки жоокерлер аларга Мекенди кантип сүйүү керектигин айтышты.

Ардагерлер негизинен аскердик кызмат өтөөгө кызыккан жаштар көп байкалбай жатканын белгилешип, окуучуларды мектепти аяктаган соң Кыргыз армиясынын катарында кызмат өтөөгө чакырышты. Деген менен, “баткенчилер” мындай иш-чараларды буга чейин деле салт катары уюштуруп келишкен.

-Азыр жаштар арасында аскердик милдетин так аткарууга белсенген балдар азайып баратат. Анткени патриоттуулук сезими төмөн. Андыктан биз окуучулар менен жолугушуу уюштуруу аркылуу аларды Мекен алдындагы милдетин аткарууга үндөйбүз. Мындай иш-чараны биринчи ирет өткөргөн жокпуз. Биз Жалал-Абад шаарындагы Баткен согушунун ардагерлери жаштарга мотивация берүүнү салт кылып алганбыз. Кечээ жакында университетке, бүгүн мектепте, кийин медициналык окуу жайга барабыз. Ошентип башка мектептерге да барууну улантабыз, -дейт Жалал-Абад областтык бириккен Баткен согушунун ардагерлери кеңешинин төрагасы Рустамбек Амиракулов.

Баткен согушу учурундагы кыйынчылыктар, жоокерлер сырттан келген душманды кантип кайтарышканы тууралуу баяндардан кийин шаардагы аскердик бөлүктүн жоокерлери окуучуларга Мекенди коргоодогу күжүрмөн даярдык машыгууларын көрсөтүштү.

Мектептин мугалимдери жана окуучулары Баткен согушунун ардагерлерине жана аскер бөлүгүнөн келген жоокерлерге жакшы саамалыгы үчүн ыраазылык билдиришип, мындай жолугушуулар окуучуларды туура тарбиялоо үчүн маанилүү экенин айтышты. Ал эми “баткенчилер” окуучулар менен мындан ары да тыгыз байланышта болорун убада кылышты.

Шаардагы №1 мектептин окуучусу Султан Панарбеков ардагерлер менен жолугушуу аларга жакшы таасир калтырарын айтат.

- Акыркы жылдары биздин мектепте мына ушундай агалар менен жолугушуу көп болуп жаткандыгына байланыштуу, биздин мектептен бүткөн окуучу балдар арасында аскердик кызматка баргысы келгендер саны көбөйүүдө, - дейт ал.

Кошумчалай кетсек, Жалал-Абад шаарында 105 Баткен согушунун ардагерлери жашайт.

 

Жумагул Закирова

Досторуң менен бөлүш

Коментарии FACEBOOK:



Тектеш жаңылыктар

Көк-Жаңгакта аскер кызматкерлеринин балдары үчүн  бала бакча ачылат Көк-Жаңгакта аскер кызматкерлеринин балдары үчүн бала бакча ачылат

Былтыркы жылы өлкө башчысы Алмазбек Атамбаев Көк-Жаңгак шаарындагы  №52870 аскер  бөлүгүн расмий ачылуусуна келгенде, аскер кызматкерлеринин балдарын бакча менен камсыздоо маселеси айтылган.  Өлкө башчы...

9 - Июня  2016 | 11 : 30568
Электрондук-санарип кол тамгасын колдонуу маселеси талкууланды Электрондук-санарип кол тамгасын колдонуу маселеси талкууланды

Жалал-Абад шаарында электрондук-санарип кол тамгасын колдонуу маселесин  ишкерлердин катышуусундагы тегерек үстөлдө талкууланды Жакында  “Жалал-Абад шаарынын ишкерлеринин электрондук-санарип кол...

6 - Июня  2016 | 17 : 39522
Ооруканага профсоюз өкүлдөрү келди Ооруканага профсоюз өкүлдөрү келди

Социалисттик Эмгектин Баатыры Шамшидин Сүйөркулов атындагы борборлоштурулган аймактык оорукананы медициналык кызматкерлердин республикалык тармактык профсоюздарынын өкүлдөрү көрүп чыкты. Мамлекетибиздин ...

6 - Июня  2016 | 17 : 421807
Төрт бөлмө жаңы  ачылды Төрт бөлмө жаңы ачылды

Тогуз-Торо районунун №4-Иса Иманбердиев атындагы орто мектептин мугалимдери мектеп окуучуларына тереңдетилген билим берүүгө умтулууда. Бул багытта мектепте өткөн жумада жаңыдан төрт класс-кабинет  ачылды. Бул...

6 - Июня  2016 | 17 : 44487
Област а 7 адам ипотекалык насыядан үйлүү болушту Област а 7 адам ипотекалык насыядан үйлүү болушту

Бүгүнкү күнгө чейин Жалал Абад областында 7 адам ипотекалык насыядан үйлүү болушту. Мугалимдер, медиктер жана  соц кызматкерлер жеңилдетилген кредиттен үй-жайга ээ болуп келсе, эми жалпы эле бюджетте иштеген...

7 - Июня  2016 | 12 : 491294
159 миң 28 турак жай камсыздандырылды 159 миң 28 турак жай камсыздандырылды

Жалал-Абад областында 200 миң турак жай камсыздандырылыш керек болсо 159 миң 28и мамлекеттик камсыздандыруудан өтүү. Сузак, Базар-Коргон райондорунда жана  айрыкча шаар жерлеринде үй жайын камсыздандыргандар...

7 - Июня  2016 | 12 : 52395
Кургак учук көбөйдү Кургак учук көбөйдү

 Жалал-Абад шаарында жыл башынан бери беш бала кургак учук менен ооруду. Былтыр бул дартка тогуз бала кабылган болчу. Чоң адамдардын да  кургак учукка чалдыгуусу көбөйгөн. Быйыл беш айдан бери 35 жаран ооруса, ...

9 - Июня  2016 | 12 : 3814