Былтыркы мыйзам бузуулар быйыл азаяр бекен?

28 - Февраля  2018 | 11 : 28532
Былтыркы мыйзам бузуулар быйыл азаяр бекен?

                                                                                                                                                                                                                                                                                                                                                                                                                                   

 

Жалал-Абад областында жерге байланыштуу мыйзам бузгандар көп. Мал уурулук менен шугулдангандар да арбыды. Бул тууралуу областтык өкүлчүлүктөгү координациялык кеңеште сөз болду.

Жыйынды Өкмөттүн областтагы ыйгарымдуу өкүлү Кыянбек Сатыбалдиев алып барып, күн тартибинде аймактагы коопсуздук, мыйзамдуулуктун сакталышы жана өзгөчө кырдаалдар маселеси каралды. Ошондой эле өкүлчүлүктүн аппаратынын коопсуздукту жана укуктук тартипти камсыз кылуу маселелерин чечүү боюнча 2018-жылга иш планын бекитүү да күн тартибиндеги үчүнчү маселе болуп кирди.

Жалал-Абад областынын прокурорунун орун басары Рахманберди Нурмаматовдун айтымына караганда айыл өкмөттөрдө жерге байланыштуу мыйзам бузуулар жана муниципалдык менчиктерге ээлик кылуу фактылары көп болгон. Айрыкча Сузак районунда жерге жана муниципалдык менчиктерди ыйгарып алуу тууралуу 16 кылмыш иши козголгон. Бүгүнкү күндө да Таш-Булак, Барпы айыл өкмөттөрүнөн  арыздар келип жатат. Райондук мамлекеттик каттоо кызматынын жана райондук архитектуранын үстүнөн арыздангандар көп болууда. Андан кийин эле областта мал уурулук сап башына чыккан. Тактап айтканда, 2016-жылы 116 мал уурулук кылмышы катталса, 2017-жылы 208 мал уурдагандарга иш козголгон. Өспүрүмдөрдүн кылмышка аралашуусу да арбыды. 119 баланын кылмышы катталган. 2016-жылы 98 өспүрүм кылмыш жасаган эле. Р. Нурмаматов балдар арасындагы кылмыштуулуктун көбөйүшүнүн себеби жер-жерлерде алдын алуу иштеринин өз учурунда жүргүзүлбөгөндүгү деп эсептейт.  Буга элдин социалдык абалы да таасирин берип жатат. Ошого карабастан айыл өкмөттөр, айыл башчылар жаш балдар менен тыгыз байланышта иш алып баруусу абзел, болбосо мунун арты жаман нерсеге алып барарын  прокурор Р. Нурмаматов эскертти. Аялдардын кылмышка аралашуусу да арбыды. 2016-жылы 159 аялга иш козголсо, 2017-жылы 187 ак жоолукчандын кыңыр иши билинген. Мурда соттолгондордун кылмыш дүйнөсүнө кайтып келүүсү да көбөйгөн. 2017-жылы12 кылмыш козголду. Бул мурунку жылга караганда жетиге көп. Ошондой эле өткөн жылы областтык ички иштер кызматкерлерине карата 17 кылмыш иши козголгон. Прокуратура органдары тарабынан 14, улуттук коопсуздук кызматы тарабынан 3 кылмыш иши козголгон.  Өкүл Кыянбек Сатыбалдиев милициянын кылмыштуулукка аралашуусу коомчулукта жакшы пикир жаратпашын белгилөө менен  буга чара көрүлүүсүн эскертти. Жалпы эле кылмыштуулуктун өсүүсүнө  ар бар райондун акими, шаарлардын мэрлери райондук ички иштер башкармалыгы менен өтө тыгыз байланышта иштешсе гана жакшы жыйынтык болорун айтты. Иштеше албаган же таптакыр иштегиси келбеген жетекчилер арызын жазып кетсе болоорун да белгиледи. “Иштеше албайм, ал мени укпайт, ал жаман, бул жаман” деп ишке кош көңүл мамиле кылуу өтө чектен ашкандык, кенебестик  деп баалады.

ӨКМканын областтагы башкармалыгынын кызматкери капитан Мырзабек Токтосуновду кыскача маалымтынан соң өкүл бул номер биринчи көйгөйгө өзгөчө кароо керектигин белгиледи. Анткени республикада Жалал-Абад областы жаратылыш кырсыктары боюнча эң алдыда турат. Бул маселеде өкүл ӨКМдин областагы убактылуу башчысы Абдирашип Бекилов менен да жакындан сүйлөшүүлөр болорун белгиледи.

 

Гүлнура КЕЛДИБАЕВА                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                

Досторуң менен бөлүш

Коментарии FACEBOOK:



Тектеш жаңылыктар

Көк-Жаңгакта аскер кызматкерлеринин балдары үчүн  бала бакча ачылат Көк-Жаңгакта аскер кызматкерлеринин балдары үчүн бала бакча ачылат

Былтыркы жылы өлкө башчысы Алмазбек Атамбаев Көк-Жаңгак шаарындагы  №52870 аскер  бөлүгүн расмий ачылуусуна келгенде, аскер кызматкерлеринин балдарын бакча менен камсыздоо маселеси айтылган.  Өлкө башчы...

9 - Июня  2016 | 11 : 30583
Электрондук-санарип кол тамгасын колдонуу маселеси талкууланды Электрондук-санарип кол тамгасын колдонуу маселеси талкууланды

Жалал-Абад шаарында электрондук-санарип кол тамгасын колдонуу маселесин  ишкерлердин катышуусундагы тегерек үстөлдө талкууланды Жакында  “Жалал-Абад шаарынын ишкерлеринин электрондук-санарип кол...

6 - Июня  2016 | 17 : 39535
Ооруканага профсоюз өкүлдөрү келди Ооруканага профсоюз өкүлдөрү келди

Социалисттик Эмгектин Баатыры Шамшидин Сүйөркулов атындагы борборлоштурулган аймактык оорукананы медициналык кызматкерлердин республикалык тармактык профсоюздарынын өкүлдөрү көрүп чыкты. Мамлекетибиздин ...

6 - Июня  2016 | 17 : 421811
Төрт бөлмө жаңы  ачылды Төрт бөлмө жаңы ачылды

Тогуз-Торо районунун №4-Иса Иманбердиев атындагы орто мектептин мугалимдери мектеп окуучуларына тереңдетилген билим берүүгө умтулууда. Бул багытта мектепте өткөн жумада жаңыдан төрт класс-кабинет  ачылды. Бул...

6 - Июня  2016 | 17 : 44496
Област а 7 адам ипотекалык насыядан үйлүү болушту Област а 7 адам ипотекалык насыядан үйлүү болушту

Бүгүнкү күнгө чейин Жалал Абад областында 7 адам ипотекалык насыядан үйлүү болушту. Мугалимдер, медиктер жана  соц кызматкерлер жеңилдетилген кредиттен үй-жайга ээ болуп келсе, эми жалпы эле бюджетте иштеген...

7 - Июня  2016 | 12 : 491302
159 миң 28 турак жай камсыздандырылды 159 миң 28 турак жай камсыздандырылды

Жалал-Абад областында 200 миң турак жай камсыздандырылыш керек болсо 159 миң 28и мамлекеттик камсыздандыруудан өтүү. Сузак, Базар-Коргон райондорунда жана  айрыкча шаар жерлеринде үй жайын камсыздандыргандар...

7 - Июня  2016 | 12 : 52398
Кургак учук көбөйдү Кургак учук көбөйдү

 Жалал-Абад шаарында жыл башынан бери беш бала кургак учук менен ооруду. Былтыр бул дартка тогуз бала кабылган болчу. Чоң адамдардын да  кургак учукка чалдыгуусу көбөйгөн. Быйыл беш айдан бери 35 жаран ооруса, ...

9 - Июня  2016 | 12 : 3825