Тергөөчүлөрдүн кемчиликтери айтылды

2 - Марта  2018 | 12 : 8385
Тергөөчүлөрдүн кемчиликтери айтылды

 

Кызматтык кылмыштардын ар бири сотко жетиши керек. Мындай пикирди Жалал-Абад областынын прокурору Өткүрбек Жамшитов кызматтык жана коррупциялык кылмыштар талкууланган ведомостволук ыкчам кеңешмеде билдирди. Анда коопсуздук кеңешинин 2018-жылдын 12-февралындагы “Сот, укук коргоо жана көзөмөл органдарындагы коррупцияга каршы күрөшүү боюнча актуалдуу чаралар жөнүндө” чечимин ишке ашыруу башкы тема катары каралды.  Коррупциялык жана кызматтык кылмыштарды териштирүүдө кылмыш иш козголгон мезгилден баштап шектүүнүн мүлкүн издөө боюнча убагында чара көрүү зарылдыгы белгиленди. 

Областтагы  тергөө органдарынын кызматтык иштерди иликтөөдөгү кемчиликтер сөз болду. Буга байланыштуу Ө. Жамшитов алардан мамлекетке келтирилген чыгымды толугу менен төлөө боюнча каралган чараларды аткарууну талап кылды. Тергөөчүлөрдөн кызматтык кылмыштарды иликтөөдө өз мезгилинде катуу чараларды көрүү зарылдыгы да баса белгиленди. Маалым болгондой,  кызматтык кылмыштар боюнча 120 кылмыш иши козголуп,  мамлекетке 35 миллион 760 миң сомдук  зыян келтирилгени аныкталган. Козголгон кылмыш иштин 36сы УКМКга, 49 экономикалык кылмыштуулукка каршы күрөшүү органына, 35и ИИМге тергөө иштерин уюштуруу үчүн жиберилген. Тергөөнүн жыйынтыгы менен 44 кылмыш гана сотко жиберилген, мамлекетке 2 миллион сом өндүрүлгөн. Бул көрсөткүч  жумуштун жетиштүү иш алып барылбай жаткандыгынан кабар берет. Андыктан жумушту күчөтүү зарылдыгы турат.

 2017-жылы УКМК  органдары тарабынан 23, Экономикалык кылмыштуулукка каршы күрөшүү органдары тарабынан 13 кылмыш иш токтотулган. Буга байланыштуу  област прокурору аталган категориядагы бардык кылмыш иштерди сотко жеткирип, келтирилген чыгымды толугу менен төлөөнү талап кылды.

-Перспективасы бар кылмыштарды козгоп сотко өткөрүп беришибиз керек. Биз өз аракетибизге  сын көз караш менен карайлы, изденели, иштейли.  Жактоочу катары бир тарапка кетип жатабыз, экспертизага берип убакыт өткөрүп кызыкчылыктарга жол  берип койгон учур болууда, андайга жол бербейли. Чындыгында тергөөчүгө 20 күн жетиштүү, бирок  эки ай убакыт бар деп создуктуруп жиберүүдөбүз. Кызматтык  кылмыштардын ар бири сотко жетүүсү керек. Коррупциялык жана кызматтык кылмыштарды териштирүүдө кылмыш иш козголгон мезгилден баштап шектүүнүн мүлкүн издөө боюнча убагында чара көрүү керек.

Областтык прокуратурада  кызматтык жана коррупциялык кылмыштар, ошондой эле мамлекеттик жана муниципалдык менчикти уурдоо боюнча токтотулган бардык иштерди иликтөө боюнча 24 адамдан турган жумушчу топ түзүлдү.  Токтоп турган кылмыш иштер бүт анализге алынат. Милицияда (3 пункт менен) 12 миңден ашуун иш токтоп турат. Анын ичинде экономикалык кылмышка байланышкандары да бар. Бүт баары такталышы керек, ушунун үстүндө иштейли,- деди ал.

Айтор, казынага кол салгандарды ачыктап, кылмыш жоопкерчилигине тартуу, коррупциялык иштерге бөгөт коюуга болгон мүмкүнчүлүктөрдү колдонуу, мамлекеттин элдин кызыкчылыгы үчүн таза иштөө тартиптери катуу айтылды.

 

Жумагүл ШАЙЫКОВА 

 

 

 

 

 


 

Досторуң менен бөлүш

Коментарии FACEBOOK:



Тектеш жаңылыктар

Майда эмес маселелер арбын Майда эмес маселелер арбын

Жалал-Абад областтык өкүлчүлүгүндө өткөн коллегияда жарандарды турак жай менен камсыз кылуу, административдик башкаруунун  абалы  ошондой эле  тарых жана маданият жылындагы аткарылып жаткан иштер...

6 - Июня  2016 | 18 : 71044
ВИЧ илдети баш ооруга айланууда ВИЧ илдети баш ооруга айланууда

  Област аймагында бүгүнкү күндө  708 атуул ВИЧ/СПИД илдетин жуктуруп алган, анын 76сын жашы жете элек өспүрүмдөр түзөт. Мындай маалымат областтык саламаттыкты сактоонун координациялык кеңешменин Ноокен...

6 - Июня  2016 | 18 : 111315
Секелектердин тагдыры сестентет Секелектердин тагдыры сестентет

Областта акыркы үч жылда 15-17 жаштагы кыздардын турмушка чыгуусу көбөйдү.  Ага мисал иретинде 2013-жылы 146 кыз үй-бүлө курган. Андан кийинки жылы 205 кыз мектепти бүтпөй турмуш жолуна аттанган. Былтыр  212 өспүрүм кыз...

6 - Июня  2016 | 18 : 42846
Үй курганга жер берчи Үй курганга жер берчи

2009-жылы республикада сугат аянттарды турак-жай үчүн бөлүп берүүгө мораторий жарыяланган. Ага чейин өлкө аймагында 38  миң  адам  айыл чарба жерлеринин сугат жайларына 42 миӊ турак  жай куруп алган. Бирок,...

7 - Июня  2016 | 12 : 451040
Шаардыктар көчөнү кеңейтүүнү каалады Шаардыктар көчөнү кеңейтүүнү каалады

Жалал-Абад шаарынын  Ленин көчөсүн кеңейтүүнүн  экинчи этабы башталды. Борбордук жолду кеңейтүү  жумушун колго алган шаар бийлигинин  аракетин  шаар жашоочулары гана эмес,  областтын  калкы да...

10 - Июня  2016 | 16 : 40537
ЖАЛАЛ-АБАДДА ЭСКИ ТӨРӨТ ҮЙҮНҮН ИМАРАТЫН ЖАНА ЖЕРИН КИМ САТКАН? ЖАЛАЛ-АБАДДА ЭСКИ ТӨРӨТ ҮЙҮНҮН ИМАРАТЫН ЖАНА ЖЕРИН КИМ САТКАН?

Жалал-Абад шаарынын прокуратурасы быйылкы 17-майда Жалал-Абад областынын райондор аралык сотуна доо арыз менен кайрылып, Жалал-Абад шаарынын мэриясынын 2009-жылдын 26-июнундагы №41 жер аянтын сатуу жана сатып алуу...

15 - Июня  2016 | 10 : 31322
Бизнес-форум – дыйкан менен ишкерге көпүрө Бизнес-форум – дыйкан менен ишкерге көпүрө

Жалал-Абад шаарында  21-22-июнь күндөрү  айыл чарба азыктарын жарнамалоону жана областка инвестиция тартууну көздөгөн  II Эл аралык  бизнес форум   болуп өттү.  Анда  айыл чарба азыктарынын...

27 - Июня  2016 | 12 : 221660