Көп тармактуу оорукана курулат

14 - Марта  2018 | 10 : 46647
Көп тармактуу оорукана курулат

 

Быйылкы жылы областтык клиникалык ооруканага  көп тармактуу заманбап жаңы типтеги оорукана курулат, ал үчүн республикалык бюджеттен каражат бөлүндү.  Мындай маалымат КРнын Жогорку Кеңешинин КСДП фракциясынын депутаты Айнура Осмонованын аталган оорукананын абалы менен таанышуу үчүн келген жумушчу сапарында айтылды. Эл өкүлү алгач аталган оорукананын кызматкерлери менен жолугуп,  алардын   көйгөйлөрүн укту. Анда, ак халатчандар маянанын аздыгы, штаттык бирдиктердин кыскаруусу, ипотекага турак жай алууда төлөнүүчү сумманын көптүгүн козгогон көйгөйлөрдү айтышты.  Айнура Осмонова кызматкерлер көтөргөн маселени карап көрөөрүн айтып, негизинен оорукананын имаратын жакшыртууга болгон күч аракетин жумшап жатканына токтолду.  

- Союз мезгилинде шаар калкына ылайыкташып салынган имарат област калкын тейлөөгө аргасыз болуп жатат.  Мындагы имараттардын көпчүлүк корпустарынын эскилиги жеткенин  кайра-кайра айтып жатып, мына буйруса имарат маселеси колдоо тапты. Тактап айтканда, жакында областтык ооруканага тиешелүү  50 орунга ылайыкташтырылган жаңы имарат курууга 80 миллион сом бөлүнүп, курулуш иштери башталат. Бул курулушту көзөмөлдөө КРнын Өкмөтүнүн социалдык жана өнүктүрүү бөлүмүнө милдеттендирилди. Бул боюнча өкмөт башчыбыздын протоколун Сиздерге көрсөтүп коюуну туура көрдүм. Мен оорукананын имараттарын жакшы билем, көп корпустарынын эскилиги жеткен, ушундай оор шартта бейтаптар дарыланууда-, деди А. Осмонова.

Оорукана жетекчиси Жаныбек Карабаевдин айтымында, ооруканадагы имараттардын алды 1932-жылдары салынган, ошентсе да жамап жаскап иштетип келишүүдө.

-Биздеги гемиодализ, терапия, неврология  бөлүмүнүн корпустары 1932-жылдары курулган, эскилиги жеткен. Ошентсе да утурумдук оңдоп-түзөөдөн өткөрүп, бейтаптар үчүн шарт түзүүдөбүз. Мурунку УЗИнин, лабораториянын, кир жуучу жайдын имараты ӨКМ тарабынан авариялык абалда деп табылгандыктан, пайдаланылбай турат. Хирургия бөлүмү жайгашкан үч кабаттуу корпус 1972-жылы, балдар бөлүмү 1982-жылы, областтык төрөт үйү 1997-жылдары салынган. Андан бери ооруканада жаңы типтеги имараттар салына элек болчу. Өкмөтүбүздүн, министрликтин колдоосу менен былтыркы жылдан тарта курулуш кадамы жанданды. Медициналык жабдуулар жаңыланууда.  Көп тармактуу оорукана салына турган болсо адегенде эле эски имаратта турган бөлүмдөрдү биринчи жайгаштырабыз-деди мекеме башчысы.

Эске салсак, областтык клиникалык ооруканасынан жылына 29 миңден ашуун бейтап дарыланып чыгат.

 

Жумагул ШАЙЫКОВА

Досторуң менен бөлүш

Коментарии FACEBOOK:



Тектеш жаңылыктар

Көк-Жаңгакта аскер кызматкерлеринин балдары үчүн  бала бакча ачылат Көк-Жаңгакта аскер кызматкерлеринин балдары үчүн бала бакча ачылат

Былтыркы жылы өлкө башчысы Алмазбек Атамбаев Көк-Жаңгак шаарындагы  №52870 аскер  бөлүгүн расмий ачылуусуна келгенде, аскер кызматкерлеринин балдарын бакча менен камсыздоо маселеси айтылган.  Өлкө башчы...

9 - Июня  2016 | 11 : 30583
Электрондук-санарип кол тамгасын колдонуу маселеси талкууланды Электрондук-санарип кол тамгасын колдонуу маселеси талкууланды

Жалал-Абад шаарында электрондук-санарип кол тамгасын колдонуу маселесин  ишкерлердин катышуусундагы тегерек үстөлдө талкууланды Жакында  “Жалал-Абад шаарынын ишкерлеринин электрондук-санарип кол...

6 - Июня  2016 | 17 : 39535
Ооруканага профсоюз өкүлдөрү келди Ооруканага профсоюз өкүлдөрү келди

Социалисттик Эмгектин Баатыры Шамшидин Сүйөркулов атындагы борборлоштурулган аймактык оорукананы медициналык кызматкерлердин республикалык тармактык профсоюздарынын өкүлдөрү көрүп чыкты. Мамлекетибиздин ...

6 - Июня  2016 | 17 : 421811
Төрт бөлмө жаңы  ачылды Төрт бөлмө жаңы ачылды

Тогуз-Торо районунун №4-Иса Иманбердиев атындагы орто мектептин мугалимдери мектеп окуучуларына тереңдетилген билим берүүгө умтулууда. Бул багытта мектепте өткөн жумада жаңыдан төрт класс-кабинет  ачылды. Бул...

6 - Июня  2016 | 17 : 44496
Област а 7 адам ипотекалык насыядан үйлүү болушту Област а 7 адам ипотекалык насыядан үйлүү болушту

Бүгүнкү күнгө чейин Жалал Абад областында 7 адам ипотекалык насыядан үйлүү болушту. Мугалимдер, медиктер жана  соц кызматкерлер жеңилдетилген кредиттен үй-жайга ээ болуп келсе, эми жалпы эле бюджетте иштеген...

7 - Июня  2016 | 12 : 491302
159 миң 28 турак жай камсыздандырылды 159 миң 28 турак жай камсыздандырылды

Жалал-Абад областында 200 миң турак жай камсыздандырылыш керек болсо 159 миң 28и мамлекеттик камсыздандыруудан өтүү. Сузак, Базар-Коргон райондорунда жана  айрыкча шаар жерлеринде үй жайын камсыздандыргандар...

7 - Июня  2016 | 12 : 52398
Кургак учук көбөйдү Кургак учук көбөйдү

 Жалал-Абад шаарында жыл башынан бери беш бала кургак учук менен ооруду. Былтыр бул дартка тогуз бала кабылган болчу. Чоң адамдардын да  кургак учукка чалдыгуусу көбөйгөн. Быйыл беш айдан бери 35 жаран ооруса, ...

9 - Июня  2016 | 12 : 3826