Экспортко жол салгандар

28 - Марта  2018 | 4 : 23416
Экспортко жол салгандар

 

21-март – эл аралык токой күнүнө карата Кара-Алма айылында токой жана жер пайдалануучулар ассоциациясынын демилгеси менен көчөт эгип көрктөндүрүү иши колго алынды. Бул саамалыкка айыл өкмөт, жергиликтүү жамаат кол кабыш кылды. 

Сузак районун Кара-Алма айылынын тургуну Төлөгөн Паизов жаңгак токоюнун жанынан үч гектар жерди 49 жылга ижарага алып, карлик сортундагы  200 түп алма көчөтүн эгүүдө. Бул жер саздуу жер болгондуктан сууну тартып, чекесин тосмолоп гүлдөгөн бакка айландыргысы келет. Токой чарба багытында билим алган Төлөгөн буга чейин ушул тармакта мамлекеттик жумуштарда иштеп келген. Эми өз алдынча багбанчылыкты баштаганы турат. Ал алманын, кайнаалы жана алмуруттун жаңы сортторун эгип, түшүмүн сыртка сатууга камданып жаткан учуру.

-Буйруса эмдиги жылдан баштап бул көчөттөр түшүм бере баштайт. Беш жылда өтө жакшы жетилип, түшүмдүүлүгү мол болот. Ар бир түп 350 кг чейин алма берет. Келечекте жемиштеримди экспортко чыгаргым келет. Бул үчүн атайын сертификат керек экен. Буга көмөк көрсөткөн Кыргызстан токой жана жер пайдалануучулар ассоциациясына эң биринчилерден болуп мүчө болгом. Мындан башка да 5 гектар жаңгагым бар. Жакында сертификатка ээ болсом аны да экспортко чыгаруунун аракетин көрөм- дейт Төлөгөн Паизов.

Токой жана жер пайдалануучулар ассоциациясынын дагы бир мүчөсү , жергиликтүү жамааттын лидери Табылды Омошев да 5 гектар жаңгак токоюн иштетип түшүмдүүлүгүн арттырып экспортко камданып турган учуру.

-Биз жергиликтүү жамааттар биригип токой аянтчаларындагы бош калган жерлерге көчөт эгип жашылдандыруу аракетин көрөбүз. Он төрт үй бүлөдөн турган жамаат ушинтип бири бирибизге жардам берип көрктөндүрүүнү колго алганбыз. Кийинки жылы Жаныбек Базаров деген багбаныбыз жаңы сорттогу көчөттөрдү эгет. Баарыбыздын максатыбыз-түшүмдөрүбүздүн сапатын арттырып, чет жакка сатуу-дейт Табылды Омошев.

Токойду таза кармоо, зыянсыздандыруу, түшүмдүүлүгүн арттырып экспортко чыгарууга көмөк көрсөтүүнү максат кылган токой жана жер пайдалануучулар ассоциациясынын Жалал-Абад областындагы координатору мындай саамалыктар жакында Ноокен районунда да болгонун айтат. Анда да бош калган жерлерге көчөттөрдү эгип көрктөндүрүү иши жүрүүдө. Кара-Алмадагы “Чилтен жаңгак”, “Майда алма” жамааттары активдүү иштешип,  ар кандай окууларга катышууда. Област боюнча миңге жакын токой пайдалануучулар ассоциацияга мүчө. Алардын санын дагы да арттыруу керек.

-Чындыгында аздыр-көптүр токойду тазалоо, көрктөндүрүү иштери жүрүп жатат. Ошентсе да жергиликтүү бийлик, областтык токой чарба бийлиги бир аз көңүл кош  мамиле кылышууда. Карапайым эл да токойго кайдыгер мамиле жасайт. Көпчүлүгү токойду убагында бат-бат тазалап, карап, зыянсыздандырганды дээрлик билишпейт. Ачыгын айтканда бизде табияттын белеги болгон токой аянтчаларыбызды таштандылар каптап каралбай кеткен. Бул сырттан келген туристерге да жакшы маанай жаратпайт. Башка аймактан келген эс алуучлар да тазалыкка көңүл бурат. Каралбаган токой мөмөлөрүнүн сапаты начарлайт. Экспорт эмес ички базарды да ээлей албай калат. Азыркы заманда материалдык жактан камдуу жашаш үчүн токойлорду жакшы асырап, сапаттуу түшүмдөрүн кымбат баада сыртка сатууга ар бир токой пайдалануучу аракет кылыш керек-дейт Кыргызстан токой жана жер пайдалануучулар ассоциациясынын координатору Мизамидин Сатыгулов.

                         

Гүлнура КЕЛДИБАЕВА

 

Досторуң менен бөлүш

Коментарии FACEBOOK:



Тектеш жаңылыктар

Көк-Жаңгакта аскер кызматкерлеринин балдары үчүн  бала бакча ачылат Көк-Жаңгакта аскер кызматкерлеринин балдары үчүн бала бакча ачылат

Былтыркы жылы өлкө башчысы Алмазбек Атамбаев Көк-Жаңгак шаарындагы  №52870 аскер  бөлүгүн расмий ачылуусуна келгенде, аскер кызматкерлеринин балдарын бакча менен камсыздоо маселеси айтылган.  Өлкө башчы...

9 - Июня  2016 | 11 : 30511
Электрондук-санарип кол тамгасын колдонуу маселеси талкууланды Электрондук-санарип кол тамгасын колдонуу маселеси талкууланды

Жалал-Абад шаарында электрондук-санарип кол тамгасын колдонуу маселесин  ишкерлердин катышуусундагы тегерек үстөлдө талкууланды Жакында  “Жалал-Абад шаарынын ишкерлеринин электрондук-санарип кол...

6 - Июня  2016 | 17 : 39481
Ооруканага профсоюз өкүлдөрү келди Ооруканага профсоюз өкүлдөрү келди

Социалисттик Эмгектин Баатыры Шамшидин Сүйөркулов атындагы борборлоштурулган аймактык оорукананы медициналык кызматкерлердин республикалык тармактык профсоюздарынын өкүлдөрү көрүп чыкты. Мамлекетибиздин ...

6 - Июня  2016 | 17 : 421774
Төрт бөлмө жаңы  ачылды Төрт бөлмө жаңы ачылды

Тогуз-Торо районунун №4-Иса Иманбердиев атындагы орто мектептин мугалимдери мектеп окуучуларына тереңдетилген билим берүүгө умтулууда. Бул багытта мектепте өткөн жумада жаңыдан төрт класс-кабинет  ачылды. Бул...

6 - Июня  2016 | 17 : 44453
Област а 7 адам ипотекалык насыядан үйлүү болушту Област а 7 адам ипотекалык насыядан үйлүү болушту

Бүгүнкү күнгө чейин Жалал Абад областында 7 адам ипотекалык насыядан үйлүү болушту. Мугалимдер, медиктер жана  соц кызматкерлер жеңилдетилген кредиттен үй-жайга ээ болуп келсе, эми жалпы эле бюджетте иштеген...

7 - Июня  2016 | 12 : 491263
159 миң 28 турак жай камсыздандырылды 159 миң 28 турак жай камсыздандырылды

Жалал-Абад областында 200 миң турак жай камсыздандырылыш керек болсо 159 миң 28и мамлекеттик камсыздандыруудан өтүү. Сузак, Базар-Коргон райондорунда жана  айрыкча шаар жерлеринде үй жайын камсыздандыргандар...

7 - Июня  2016 | 12 : 52364
Кургак учук көбөйдү Кургак учук көбөйдү

 Жалал-Абад шаарында жыл башынан бери беш бала кургак учук менен ооруду. Былтыр бул дартка тогуз бала кабылган болчу. Чоң адамдардын да  кургак учукка чалдыгуусу көбөйгөн. Быйыл беш айдан бери 35 жаран ооруса, ...

9 - Июня  2016 | 12 : 3737