Премьер-министр «Жалал-Абад» аэропортунун жаңы аэровокзалдык комплексин ачты

8 - Мая  2018 | 5 : 0438
Премьер-министр «Жалал-Абад» аэропортунун жаңы аэровокзалдык комплексин ачты

 

  Премьер-министр Мухаммедкалый Абылгазиев Жалал-Абад облусуна жасаган иш сапарында «Жалал-Абад» аэропортунун жаңы аэровокзалынын модернизациялоодон кийинки имаратынын ачылыш аземине катышты. Бул тууралуу аймактык кабарчы билдирди.

Өкмөт башчыны өкмөттүн Жалал-Абад облусундагы ыйгарым укуктуу өкүлү Кыянбек Сатыбалдиев, КРнын Транспорт жана жолдор министри Жамшитбек Калилов, «Манас» эл аралык аэропорту акционердик коомунун башкармалыгынын төрагасы Эмир Чукуев коштоп жүрдү.

Өкмөт башчы заманбап шартка ээ болгон имараттын абалын көрүп чыкты. Ошондой эле шаардыктар менен жолугуп, өкмөттүн өз багыттарына токтолуу менен авиатармактын экономикада орду чоң экендигин белгиледи.

«Ырасында эле авиатармактын экономикада ордун чоң болуп турат. Бул тармакта жыл сайын өсүп, өнүгүүлөр орун алып жатат. Жаңыдан компаниялар атааңдаштык менен өнүгүп, учуучуларга жакшы шарттарды түзүү аракетин көрүп жатышат. Бир учурда билет тартыш болчу эле. Азыр андай кыйынчылык жок. Облустардагы авиакаттамдарды жакшыртууга мүмкүн болгон аракеттер көрүлүп жатат. Эгерде авиакаттамдарда жүргүнчүлөр көп жүрсө ошол мамлекеттин өзүнүн элинин турмушу жакшырганынан кабар берет. Былтыр 11 миңге жакын авикаттам болуп, 1944 авикаттамга көбөйгөн. Учакка түшкөндөрдүн статистикасына маани бере турган болсок, 1 миллион 317 миңден ашуун адам учкан. Демек, биздин жарандарыбыздын жашоосу жакшырып бара жатканынан кабар берет. Мындагы жүргүнчүлөрдүн ичинде туристтер да бар. Билесиздер туристтер келсе экономикабызга салым кошот.

Ал эми бул жайда дагы жумушчу орундар түзүлөт. Каттамдар көбөйгөнү жатат. Сиздер үчүн мүмкүн болушунча шарт түзүү аракети көрүлүп жатат», - деди өкмөт башчы.

Өкмөттүн өкүлү Кыянбек Сатыбалдиев алыскы Чаткал, Аксы, Ала-Бука райондорунун калкы үчүн учурунда иштеп, кийин токтоп калган Кербен аэропортун оңдоп-түзөп берүүнү тийиштүү жетекчиликтен суранып өттү.

Ачылыш аземде аэровокзалдын абалын көрүп чыгышты. Өкмөт башчы менен жолуккан аксакалдар ыраазычылыктарын айтуу менен Маданият—Барпы жолун оңдоону суранышты.

Маалым болгондой, «Жалал-Абад» аэропортун модернизациялоо үчүн жалпы 13 миллион сомдон ашуун каражат сарпталган. Бул жай 1975-жылы пайдаланууга берилген. Андан бери эч кандай капиталдык оңдоо жумушу жүрө элек болчу.

КРнын Транспорт жана жолдор министри Жамшитбек Калиловдун белгилөөсүндө учурда Жалал-Абадга күнүнө бирден рейс каттоо боюнча сүйлөшүүлөр жүрүп жатат.

Мындан тышкары, өкмөт башчы 275 баланын окуусуна ылайыкталган №6 орто мектептеги курулуш иштеринин жүрүшүн көрүп, жумушту мыйзамдуу жана өз убагында бүтүрүүнү тапшырды.

 

Жумагүл ШАЙЫКОВА

Досторуң менен бөлүш

Коментарии FACEBOOK:



Тектеш жаңылыктар

Көк-Жаңгакта аскер кызматкерлеринин балдары үчүн  бала бакча ачылат Көк-Жаңгакта аскер кызматкерлеринин балдары үчүн бала бакча ачылат

Былтыркы жылы өлкө башчысы Алмазбек Атамбаев Көк-Жаңгак шаарындагы  №52870 аскер  бөлүгүн расмий ачылуусуна келгенде, аскер кызматкерлеринин балдарын бакча менен камсыздоо маселеси айтылган.  Өлкө башчы...

9 - Июня  2016 | 11 : 30583
Электрондук-санарип кол тамгасын колдонуу маселеси талкууланды Электрондук-санарип кол тамгасын колдонуу маселеси талкууланды

Жалал-Абад шаарында электрондук-санарип кол тамгасын колдонуу маселесин  ишкерлердин катышуусундагы тегерек үстөлдө талкууланды Жакында  “Жалал-Абад шаарынын ишкерлеринин электрондук-санарип кол...

6 - Июня  2016 | 17 : 39535
Ооруканага профсоюз өкүлдөрү келди Ооруканага профсоюз өкүлдөрү келди

Социалисттик Эмгектин Баатыры Шамшидин Сүйөркулов атындагы борборлоштурулган аймактык оорукананы медициналык кызматкерлердин республикалык тармактык профсоюздарынын өкүлдөрү көрүп чыкты. Мамлекетибиздин ...

6 - Июня  2016 | 17 : 421811
Төрт бөлмө жаңы  ачылды Төрт бөлмө жаңы ачылды

Тогуз-Торо районунун №4-Иса Иманбердиев атындагы орто мектептин мугалимдери мектеп окуучуларына тереңдетилген билим берүүгө умтулууда. Бул багытта мектепте өткөн жумада жаңыдан төрт класс-кабинет  ачылды. Бул...

6 - Июня  2016 | 17 : 44496
Област а 7 адам ипотекалык насыядан үйлүү болушту Област а 7 адам ипотекалык насыядан үйлүү болушту

Бүгүнкү күнгө чейин Жалал Абад областында 7 адам ипотекалык насыядан үйлүү болушту. Мугалимдер, медиктер жана  соц кызматкерлер жеңилдетилген кредиттен үй-жайга ээ болуп келсе, эми жалпы эле бюджетте иштеген...

7 - Июня  2016 | 12 : 491302
159 миң 28 турак жай камсыздандырылды 159 миң 28 турак жай камсыздандырылды

Жалал-Абад областында 200 миң турак жай камсыздандырылыш керек болсо 159 миң 28и мамлекеттик камсыздандыруудан өтүү. Сузак, Базар-Коргон райондорунда жана  айрыкча шаар жерлеринде үй жайын камсыздандыргандар...

7 - Июня  2016 | 12 : 52398
Кургак учук көбөйдү Кургак учук көбөйдү

 Жалал-Абад шаарында жыл башынан бери беш бала кургак учук менен ооруду. Былтыр бул дартка тогуз бала кабылган болчу. Чоң адамдардын да  кургак учукка чалдыгуусу көбөйгөн. Быйыл беш айдан бери 35 жаран ооруса, ...

9 - Июня  2016 | 12 : 3825